Matsya 277
Matsya 277
- Language
- Sanskrit
Contents
- 277.19 — 1 part
277.1
cha
matsya uvāca || || athātaḥ sampravakṣyāmi brahmāṇḍavidhimuttamam || yacchreṣṭhaṃ sarvvadānānāṃ mahāpātakanāśanam
277.2
puṇyaṃ dinamathāsādya tulā
puruṣadānavat || ṛtviṅmaṇḍapasambhārabhūṣaṇācchādanādikam
277.3
lokeśāvāhanaṃ kuryyādadhivāsanakaṃ tathā || kuryyādviṃśapalādūrddhvamā sahasrācca
śaktitaḥ
277.4
kalaśadvayasaṃyuktaṃ brahmāṇḍaṃ kāñcanaṃ budhaḥ || diggajāṣṭakasaṃyuktaṃ ṣaḍvedāṅgasamanvitam
277.5
lokapālāṣṭakopetaṃ madhyasthitacaturmu
kham || śivācyutārkaśikharumālakṣmīsamanvitam
277.6
vasvāhityamarudgarbha mahāratnasamanvitam || vitasteraṅgalaśataṃ yāvadāyāmavistaram
277.7
kauśeyavastrasaṃvītaṃ tiladroṇopari nyaset || tathāṣṭādaśa dhānyāni samantātparikalpayet
277.8
pūrveṇānantaśayanaṃ pradyumnaṃ pūrvvadakṣiṇe || prakṛtiṃ dakṣiṇe
deśe saṅkarṣaṇamataḥ param
277.9
paścime caturo vedānaniruddhamataḥ param || agnimuttarato haimaṃ vāsudevamataḥ param
277.10
samantāddhaṅapīṭhasthānarcaye
tkāñcanānbudhaḥ|| sthāpayedvastrasaṃvītānpūrṇakumbhāndaśaiṃva tu
277.11
daśaiva dhenavo deyāḥ sahemāmbaradohanāḥ || pādukopānahacchatracāmarāsanadarpaṇaiḥ
bhakṣyabhojyānnadīpaikṣuphalamālyānulepanaiḥ
277.12
homādhivāsanānte ca snāpito vedapuṅgavaiḥ|| imamuccārayenmantraṃ triḥ kṛtvātha pradakṣiṇam
277.13
namo'stu viśveśvara viśvadhāma jagatsavitre bhagavannamaste || saptarṣilokāmarabhūtaleśa garbhena sārddhaṃ vitarābhirakṣām
277.14
ye duḥkhitāste sukhino bhavantu
prayāntu pāpāni carācarāṇām || tvaddānaśastrāhatakapātakānāṃ brahmāṇḍadoṣāḥ pralayaṃ vrajantu
277.15
evaṃ praṇamyāmarāviśvagarbhaṃ dadyādvijebhyo daśadhā
vibhajya || bhāgadvayaṃ tatra guroḥ prakalpya samaṃ bhajeccheṣamanukrameṇa
277.16
svalpe ca homaṃ gurureka eva kuryyādayaikāgnividhānayuktyā || sa eva sampūjya
tamo'lpavitte yathoktavastrābharaṇādikena
277.17
itthaṃ ya etadakhilaṃ puruṣo'tra kuryyādbrahmāṇḍadānamadhigamya mahadvimānam || nirdhūtakalmaṣaviśuddha
tanurmuṃrāreśānandaṃkṛtapadamupaiti sahāpsarobhiḥ
277.18
santārayetpitṛpitāmahaputrapautrabandhupriyātithikalotraśatāṣṭakaṃ saḥ || brahmāṇḍadānaśakalīkṛ
tapātakoghamānandayecca jananīkulamapyaśeṣam
277.19
iti paṭhati śṛṇoti vā ya etatsurabhavaneṣu gṛheṣu dhārmikāṇām || matimapi ca dadāti
modate'sāvamarapaterbhavane sahāpsarobhiḥ
277.19.p1
iti śrīmatsye mahāpurāṇe mahādānānukīrttane brahmāṇḍapradānavidhirnāma ṣaṭsaptatyadhika dviśatatamo'dhyāyaḥ
Linked texts (7)
- Matsyapurāṇa — Vyāsa, Sanskrit
- Bhaviṣyapurāṇa — Vyāsa, Sanskrit
- Dānasāgara — Ballālasena, Sanskrit
- Dānakalpataru — Lakṣmīdhara, Sanskrit
- Caturvargacintāmaṇi — Hemādri, Sanskrit
- Dānakhaṇḍa — Hemādri, Sanskrit
- Dānamayūkha — Nīlakaṇṭha Dīkṣita 1600, Sanskrit