Matsya 279
Matsya 279
- Language
- Sanskrit
Contents
- 279.29 — 1 part
279.1
cha || || matsya
uvāca || || athātaḥ sampravakṣyāmi mahādānamanuttamam || gosahasrapradānākhyaṃ sarvvapāpaharaṃ param
279.2
puṇyāṃ tithiṃ samāsādya yugamanvantarādikām
payovrataṃ trirātraṃ syādekarātramathāpi vā
279.3
lokeśāvāhanaṃ kuryyāttulāpuruṣadānavat || puṇyāhavācanaṃ kuryyāddhomaḥ kāryyastathaiva ca
279.4
ṛtviṅma
ṇḍapasambhārabhūṣaṇācchādanādikam || vṛṣaṃ lakṣaṇasaṃyuktaṃ vedimadhye'dhivāsayet
279.5
gosahasraṃ bahiḥ kuryyādvastramālyavibhūṣaṇam || suvarṇaśṛṅgābharaṇaṃ
raupyapādasamanvitam
279.6
antaḥ praveśya daśakaṃ vastramālyaiśca pūjayet || suvarṇaghaṇṭikāyuktaṃ kāṃsyadohanakānvitam
279.7
suvarṇatilakopetaṃ hemapa
ṭṭairalaṅkṛtam || kauśeyavastrasaṃvītaṃ mālyagandhasamanvitam
279.8
hemaratnamayaiḥ śṛṅgaiścāmarairupaśobhitam || pādukopānahacchatrabhājanāsanasaṃyutam
279.9
gavāṃ daśakamadhye syātkāñcano nandikeśvaraḥ || kauśeyavastrasaṃvīto nānābharaṇabhūṣitaḥ
279.10
lavaṇadroṇaśikhare mālyekṣuphalasaṃyutaḥ || kuryyātpala
śatādūrddhaṃ sarvvametadaśeṣataḥ
279.11
śaktitaḥ palasahasratritayaṃ yāvadeva tu || gośate'pi daśāṃśena sarvvametatsaGeneric[mācaret
279.12
puṇyakālaṃ
samāsādya gītamaṅgalaniḥsvanaiḥ || sarvvauṣadhyudakasnānasnāpito vedapuṅgavaiḥ
279.13
imamuccārayenmantraṃ gṛhītakusumāñjaliḥ || namo'stu
viśvamūrttibhyo viśvamātṛbhya eva ca
279.14
lokādhivāsinībhyaśca rohiṇībhyo namo namaḥ || gavāmaṅgeṣu tiṣṭhanti bhuvanānyerkāviṃśatiḥ
279.15
brahmādayastathā devā rohiṇyaḥ pāntu mātaraḥ || gāvo me agrataḥ santu gāvaḥ pṛṣṭhata eva ca
279.16
gāvaḥ śirasi me nityaṃ gavāṃ madhye vasā
myaham || yasmāttvaṃ vṛṣarūpeṇa dharma eva sanātanaḥ
279.17
aṣṭamūrtteradhiṣṭhānamataḥ pāhi sanātana || ityāmantrya tato dadyādgurave nandikeśvaram
279.18
sarvvopakaraṇopetaṃ goyutañca vicakṣaṇaḥ || ṛtvigbhyo dhenumekaikāṃ daśaikādvinivedayet
279.19
gavāñca śatamekaikaṃ tadarddhaṃ vātha viṃśatim || daśa
paścātha vā dadyādanyebhyastadanujñayā
279.20
naikā bahubhyo dātavyā yato doṣakarī bhavet || bahvacaścaikasya dātavyā dhīmatārogyavṛddhaye
279.21
payo
vrataḥ punastiṣṭhedekāhaṃ gosahasradaḥ || śrāvayecchṛṇuyādvāpi mahādānānukīrttanam
279.22
taddine brahmacārī syādyadīcchedvipulāṃ śriyam || anena
vidhinā yastu gosahasraprado bhavet || sarvvapāpavinirmuktaḥ siddhacāraṇasevitaḥ
279.23
vimānenārkavarṇena kiṅkiṇījālamālinā || sarvveṣāṃ lokapā
lānāṃ loke sampūjyate'maraiḥ
279.24
pratimanvantaraṃ tiṣṭhetputrapautrasamanvitaḥ || saptalokānatikramya tataḥ śivapuraṃ vrajet
279.25
śatamekottaraṃ
tadvatpitṝṇāṃ tārayedbudhaḥ || mātāmahānāṃ tadvacca putrapautrasamanvitaḥ || yāvatkalpaśataṃ tiṣṭhedvājarājo bhavetpunaḥ
279.26
aśvamedhaśataṃ kuryyācchiva
dhyānaparāyaṇaḥ || vaiṣṇavaṃ yogamāsthāya tato mucyeta bandhanāt
279.27
pitaraścābhinandanti gosahasrapradaṃ sutam || api syātsa kule'smākaṃ putro
dauhitra eva vā || gosahasraprado bhūtvā narakāduddhariṣyati
279.28
tasya karmmakaro vā syādāpi draṣṭā tathaiva ca || saṃsārasāgarādasmādyo'smānsantā
rayiṣyati
279.29
iti paṭhati ya etadgosahasrapradānaṃ surabhuvanamupeyātsaṃsmaredvātha paśyet || anubhavati mudaṃ vā mucyamāno nikāmaṃ prahatakasubhashitaluṣadehaḥ
so'pi yātīndralokam
279.29.p1
iti śrīmatsye mahāpurāṇe mahādānānukīrttane gosahasrapradānavidhirnāmāṣṭasaptatyadhikadviśatatamo'dhyāyaḥ
Linked texts (6)
- Danasagara-ballalasenadeva (ed. Bhabatosh Bhattacharya) — Sanskrit
- Dānasāgara — Ballālasena, Sanskrit
- Dānakalpataru — Lakṣmīdhara, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakhaṇḍa — Hemādri, Sanskrit