Matsya 28
Matsya 28
- Language
- Sanskrit
Contents
- 28.28 — 1 part
28.1
śaunaka uvāca || || tataḥ kāvyo bhṛguśreṣṭhaḥ samanyurupagamya ha
vṛṣaparvvāṇamāsīnamityuvācāvicārayan
28.2
nādharmmaścarito rājansadyaḥ phalati gauriva || śanairāvarttyamānastu mūlānyapi nikṛntati
28.3
yadi
nātmani putreṣu na cetpaśyati naptṛṣu || pāpamācaritaṃ karmma trivargamativarttate
28.4
phalatyevaṃ dhruvaṃ pāpaṃ gurubhuktamivodare || yadā ghātayase vipraṃ kacamādbhirasaṃ tadā
28.5
apāpaśīlaṃ dharmmajñaṃ śuśrūṣuṃ madgṛhe ratam || vadhādanarhatastasya vadhācca duhiturmama
28.6
vṛṣaparvvannibodha tvaṃ tyakṣyāmi tvāṃ sabā
ndhavam || sthātuṃ tvadviṣaye rājanna śaknomi tvayā saha
28.7
adyaivamabhijānāmi daityaṃ mithyāpralāpinam || yatastvamātmanodīrṇī duhitāṃ kimupe
kṣase
28.8
vṛṣaparvvovāca || || nāvadyaṃ na mṛṣāvādaṃ tvayi jānāmi bhārgava || tvayi satyañca dharmmaśca tatprasīdatu māṃ bhavān
28.9
adyāsmā
napahāya tvamito yāsyasi bhārgava || samudraṃ sampravekṣyāmi nānyadasti parāyaṇam
28.10
śukra uvāca || || samudraṃ praviśadhvaṃ vā diśo vā vraja
tāsurāḥ || duhiturnāpriyaṃ soḍhuṃ śakto'haṃ dayitā hi me
28.11
prasādyatāṃ devayānīṃ jīvitaṃ yatra me sthitam|| yogakṣemakaraste'hamindrasyeva bṛhaspatiḥ
28.12
vṛṣaparvvovāca || || yatkiñcidasurendrāṇāṃ vidyate vasu bhārgava || bhuvi hastirathāśvaṃ vā tasya tvaṃ mama ceśvaraḥ
28.13
śukra uvāca
yatkiñcidasti draviṇaṃ daityendrāṇāṃ mahāsura || tasyeśvaro'smi yadyetaddevayānī prasādyatām
28.14
śaunaka uvāca || || tatastu tvaritaḥ
śukrastena rājñā samaṃ yayau || uvāca caināṃ subhage pratipannaṃ vacastava
28.15
devayānyuvāca || || yadi tvamīśvarastāta rājño vittasya bhārgava
nābhijānāmi tatte'haṃ rājā vadatu māṃ svayam
28.16
vṛṣaparvvovāca || || yaṃ kāmamabhijānāsi devayāni śucismite || tatte'haṃ saṃpradā
syāmi yadyapi syātsudurlabham
28.17
devayānyuvāca || || dāsīṃ kanyāsahasreṇa śarmiṣṭhāmabhikāmaye || anuyāsyati māṃ tatra yatra dāsyati
me pitā
28.18
vṛṣaparvvovāca || || uttiṣṭha dhātri gaccha tvaṃ śarmiṣṭhāṃ śīghramānaya || yañca kāmayate kāmaṃ devayānī karotu tam
28.19
śaunaka uvāca || || tato dhātrī tatra gatvā śarmiṣṭhāmidamabravīt || uttiṣṭha bhadre śarmiṣṭhe jñātīnāṃ sukhamāvaha
28.20
tyajati brāhmaṇaḥ
śiṣyāndevayānya pracoditaḥ || yaṃ sā kāmayate kāmaṃ sa kāryyo'tra tvayānaghe || dāsītvamabhijātāsi devayānyāḥ suśobhane
28.21
śarmiṣṭho
vāca || || yañca kāmayate kāmaṃ karavāṇyahamadya tam || mā ganmanyuvaśaṃ śukko devayānī ca matkṛte
28.22
śaunaka uvāca || || tataḥ kanyāsahasreṇa
vṛtā śivikayā tadā || piturnirdeśāttvaritā niṣkrakrāma purottamāt
28.23
śarmiṣṭhovāca || || ahaṃ kanyāsahasreṇa dāsī te paricārikā || dhruvaṃ tvāṃ
tatra yāsyāmi yatra dāsyati te pitā
28.24
devayānyuvāca || || stuvato duhitā cāhaṃ yācataḥ pratigṛhṇataḥ || stūyamānasya duhitā kathaṃ
dāsī bhaviṣyasi
28.25
śarmiṣṭhovāca || || yena kenacidārttānāṃ jñātīnāṃ sukhamāvahet || anuyāsyāmyahaṃ tatra yatra dāsyati te pitā
28.26
śaunaka uvāca || || pratiśrute dāsabhāve duhitrā vṛṣaparvvaṇaḥ || devayānī nṛpaśreṣṭha pitaraṃ vākyamabravīt
28.27
devayānyuvāca || || praviśāmi
puraṃ tāta tuṣṭāsmi dvijasattama || amoghaṃ tava vijñānamasti vidyābalañca te
28.28
śaunaka uvāca || || evamukto dvijaśreṣṭho duhitrā sumahā
yaśāḥ || praviveśa puraṃ hṛṣṭaḥ pūjitaḥ sarvvadānavaiḥ
28.28.p1
iti śrīmātsye mahāpurāṇe somavaṃśe yayāticarite ekonatriṃśo'dhyāyaḥ
Linked texts (2)
- Matsyapurāṇa — Vyāsa, Sanskrit
- Critical edition (BORI) — Sanskrit