Pramāṇa · Search · About · API

Matsya 280

Matsya 280

Language
Sanskrit

Contents

280.1

cha || || matsya uvāca || || athātaḥ sampravakṣyāmi kāmadhenuvidhiṃ param || sarvvakāmapradaṃ nṝṇāṃ mahāpātakanāśanam

280.2

loke
śāvāhanaṃ tadvaddhomaḥ kāyyoṃ'dhivāsanam || tulāpuruṣavatkuryyātkuṇḍamaṇḍapavedikam

280.3

svalpe tvekāgnivatkuryyādgururekaḥ samāhitaḥ || kāñcana
syātiśuddhasya dhenuṃ vatsañca kārayet

280.4

uttamā palasāhasrī tadarddhena tu madhyamā || kanīyasī tadarddhena kāmadhenuḥ prakīrttitā

280.5

śakti
tripalādūrddhamaśakto'pīha kārayet || vedyāṃ kṛṣṇājinaṃ nyasya guḍaprasthasamanvitam

280.6

nyasedupari tāṃ dhenuṃ mahāratnairalaṅkṛtām || kumbhāṣṭakasamo
petāṃ nānāphalasamanvitām

280.7

tathāṣṭādaśa dhānyāni samantātparikalpayet || ikṣudaṇḍāṣṭakaṃ tadvannānāphalasamanvitam || bhājanañcāsanaṃ tadvattā
mradohanakaṃ tathā

280.8

kauśeyavastradvayasaṃyutāṃ gāṃ dīpātapatrābharaṇābhirāmām || sacāmarāṃ kuṇḍalinīṃ saghaṇṭāṃ suvarṇaśṛṅgīṃ parirūpyapādām

280.9

rasaiśca sarvvaiḥ parito'bhijuṣṭāṃ haridrayā puṣpaphalairanekaḥ || ajājikustumburuśarkarādibhirvaitānakañcopari pañcavarṇam

280.10

snātastato
maṅgalavedaghoṣaiḥ pradakṣiṇīkṛtya sapuṣpahastaḥ || āvāhayettāṃ guruṇoktamantrairdvijāya dadyādatha darbhapāṇiḥ

280.11

tvaṃ sarvvadevagaṇamandirama
ṅkabhūtā viśveśvari tripathagodadhiparvvatānām || tvaddānaśastraśakalīkṛtapātakaughaḥ prāpto'smi nirvṛtimatīva parāṃ namāmi

280.12

loke yathepsitaphalārthavidhāyinīṃ tvāmāsādya ko hi bhuvi duḥkhamupaiti marttyaḥ || saṃsāraduḥkhaśamanāya yatasva kāmaṃ tvāṃ kāmadhenumiti vedavido vadanti

280.13

āmantrya śīlakularūpaguṇānvitāya viprāya yaḥ kanakadhenumimāṃ pradadyāt || prāpnoti dhāma sa purandaradevajuṣṭaṃ kanyāgaṇaiḥ parivṛtaḥ
padamindumauleḥ

280.13.p1

iti śrīmātsye mahāpurāṇe mahādānānukīrttane hiraṇyakāmadhenupradānavidhirnāmaikonāśītyadhikadviśatatamo'dhyāyaḥ

Linked texts (6)