Matsya 281
Matsya 281
- Language
- Sanskrit
Contents
- 281.15 — 1 part
281.1
matsya uvāca || || athātaḥ sampravakṣyāmi hiraṇyāśvavidhiṃ param || yasya pradānādbhuvane cānantaṃ phalamaśnute
281.2
puṇyāṃ tithiṃmathāsādya
kṛtvā brāhmaṇavācanam || lokeśāvāhanaṃ kuryyāttulāpuruṣadānavat
281.3
ṛtviṅmaṇḍapasambhārabhūṣaṇācchādanādikam || svalpe tvekāgnivatkuryyāddhemavājimakhaṃ
budhaḥ
281.4
sthāpayedvedimadhye tu kṛṣṇājinatilopari || kauśeyavastrasaṃvītaṃ kārayeddhemavājinnam
281.5
śaktita
stripalādūrddhvamā sahasrapalādbudhaḥ || pādukopānahacchatracāmarāsanabhājanaiḥ
281.6
pūrṇakumbhāṣṭakopetaṃ mālyekṣuphalasaṃyutam || śayyāṃ sopaskarāṃ
tadvaddhemamārttaṇḍasaṃyutām
281.7
tataḥ sarvvauṣadhisnānasnāpito vedapuṅgavaiḥ || imamuccārayenmantraṃ gṛhītakusumāñjaliḥ
281.8
namaste sarvva
deveśa veborderāharaṇalampaṭa || vājirūpeṇa māmasmātpāhi saṃsārasāgarāt
281.9
tvameva saptadhā bhūtvā chandorūpeṇa bhāskara || yasmādbhāsayase
lokānataḥ pāhi sanātana
281.10
evamuccāryya gurave tamaśvaṃ vinivedayet || dattvā pāpakṣayāddhānorlokaṃmabhyeti śāśvatam
281.11
gobhirvibhavataḥ sarvvā
nṛtvijaścāpi pūjayet || sarvvadhānyopakaraṇaṃ gurave vinivedayet
281.12
sarvvaṃ śayyādikaṃ dattvā bhuñjītārtailameva hi || purāṇaśravaṇaṃ tadvatkārayedbhojanā
dikam
281.13
imaṃ hiraṇyāśvavidhiṃ karoti yaḥ puṇyaṃ samāsādya dinaṃ narendra || vimuktapāpaḥ sa puraṃ surāreḥ prāpnoti siddhairabhipūjitaḥ san
281.14
iti paṭhati ya etaddhemavājipradānaṃ sakalakaluṣamuktaḥ so'śvamedhena yuktaḥ || kanakamayavimānenārkalokaṃ prayāti tridaśapativadhūbhiḥ pūjyate yo'bhi
paśyet
281.15
yo vā śṛṇoti puruṣo'lpadhanaḥ smaredvā hemāśvadānamabhinandayatīha loke || sopi prayāti hatakalmaṣaśuddhadehaḥ sthānaṃ purandaramahe
śvaradevajuṣṭam
281.15.p1
iti śrīmātsye mahāpurāṇe mahādānānukīrttane hiraṇyāśvapradānavidhirnāmāśītyadhikadviśatatamo'dhyāyaḥ
Linked texts (8)
- Dānasāgara — Ballālasena, Sanskrit
- Danasagara-ballalasenadeva (ed. Bhabatosh Bhattacharya) — Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakhaṇḍa — Hemādri, Sanskrit
- Dānakalpataru — Lakṣmīdhara, Sanskrit
- Śabdakalpadruma — Rājā Sir Rādhākānta Deb, Sanskrit
- Dānamayūkha — Nīlakaṇṭha Dīkṣita 1600, Sanskrit