Pramāṇa · Search · About · API

Matsya 282

Matsya 282

Language
Sanskrit

Contents

282.1

matsya
uvāca || || athātaḥ sampravakṣyāmi mahādānamanuttamam || puṇyamaśvarathaṃ nāma mahāpātakanāśanam

282.2

puṇyaṃ dinamathāsādya kṛtvā brāhmaṇavācanam
lokeśāvāhanaṃ kuryyāttulāpuruṣadānavat

282.3

ṛtviṅ‌maṇḍapasambhārabhūṣaṇācchādanādikam || kṛṣṇājine tilānkṛtvā kāñcanaṃ sthāpayedratham

282.4

aṣṭāśvaṃ caturaśvaṃ vā catuścakraṃ sakūbaram || aindranīlena kumbhena dhvajarūpeṇa saṃyutam

282.5

lokapālāṣṭakaṃ tadvatpadmarāgadalānvitam || caturaḥ pūrṇa
kalaśāndhānyānyaṣṭādaśaiva tu

282.6

kauśeyavastrasaṃyuktamupariṣṭādvitānakam || mālyekṣuphalasaṃyuktaṃ puruṣeṇa samanvitam

282.7

yo yadbhaktaḥ pumā
nkuryātsa tannāmnādhivāsanam || chatracāmarakauśeyavastropānahapādukam

282.8

gobhirvibhavataḥ sārddhaṃ dadyācca śayanādikam || ā bhārāttripalādūrddhaṃ
śaktitaḥ kārayedbudhaḥ

282.9

aśvāṣṭakena saṃyuktaṃ caturbhicheckratha vājibhiḥ || dvābhyāmapi yutaṃ dadyāddhemasiṃhadhvajānvitam

282.10

cakrarakṣāvubhau tasya
turagasthāvathāśvinau || puṇyakālamathāvāpya pūrvvavatsnāpito dvijaiḥ

282.11

triḥ pradakṣiṇamāvṛtya gṛhītakusumāñjaliḥ || śuklamālyāmbaro dadyādimaṃ
mantramudīrayet

282.12

namo namaḥ pāpavināśanāya viśvātmane vedaturaṅgamāya || dhāmnāmadhīśāya divākarāya pāpaughadāvānala dehi śāntim

282.13

vasvaṣṭakādityamarudgaṇānāṃ tvameva dhātā paramaṃ nidhānam || yatastato me hṛdayaṃ prayātu dharmaikatānatvamaghaughanāśāt

282.14

iti turagarathapradānamekaṃ
bhavabhayasūdanamatra yaḥ karoti || sa kaluṣapaṭalairvimuktadehaḥ paramupaiti padaṃ pinākapāṇeḥ

282.15

dedīpyamānavapuṣāṃ vijitaprabhāvamākramya maṇḍalam
khaṇḍitacaṇḍabhānoḥ || siddhāṅganānayanaṣaṭpadapīyamānavaktrāmbujo'mbujabhavena ciraṃ sahāste

282.16

iti paṭhati śṛṇoti vā ya itthaṃ kanakatugaratha
pradānamasmin || na sa narakapuraṃ vrajetkadācinnarakariporbhavanaṃ prayāti bhūyaḥ

282.16.p1

iti śrīmatsye mahāpurāṇe mahādānānukīrttane hiraṇyāśvaratha pradānavidhirnāmaikāśītyadhikadviśatatamo'dhyāyaḥ

Linked texts (7)