Matsya 283
Matsya 283
- Language
- Sanskrit
Contents
- 283.16 — 1 part
283.1
cha || || matsya uvāca || || athātaḥ saṃpravakṣyāmi hemahastirathaṃ śubham || yasya
pradānādbhuvanaṃ vaiṣṇavaṃ yāti mānavaḥ
283.2
puṇyāṃ tithiṃmathāsādya tulāpuruṣadānavat || vipravācanakaṃ kuryyāllokeśāvāhanaṃ budhaḥ || ṛtviṅmaṇḍapasa
mbhārabhūṣaṇācchādanādikam
283.3
atrāpyupoṣitastadvadbrāhmaṇaiḥ saha bhojanam || kuryātpuṣparathākāraṃ kāñcanaṃ maṇimaṇḍitam
283.4
valabhībhirvi
citrābhiścatuścakrasamanvitam || kṛṣṇājine tiladroṇaṃ kṛtvā saṃsthāpayedratham
283.5
lokapālāṣṭakopetaṃ brahmārkaśivasaṃyutam || madhye nārāyaṇopetaṃ
lakṣmīpuṣṭisamanvitam
283.6
tathāṣṭādaśa dhānyāni bhājanāsanacandanaiḥ || dīpikopānahacchatradarpaṇaṃ pādukānvitam
283.7
dhvaje tu garuḍaṃ
kuryātkūbarāgre vināyakam || nānāphalasamāyuktamupariṣṭādvitānakam
283.8
kauśeyaṃ pañcavarṇantu amlānakusumānvitam || caturbhiḥ kalaśaiḥ sārddhaṃ
gobhiraṣṭābhiranvitam
283.9
caturbhirhemamātaṅgairmuktādāmavibhūṣitaiḥ || svarūpataḥ karibhyāñca yuktaṃ kṛtvā nivedayet
283.10
kuryātpañcapalādūrddhaṃ
mā bhārādapi śaktitaḥ || tathā maṅgalaśabdena snāpito vedapuṅgavaiḥ
283.11
triḥ pradakṣiṇamāvṛtya gṛhītakusumāñjaliḥ || imamuccārayenmantraṃ brāhma
ṇebhyo nivedayet
283.12
namo namaḥ śaṅkarapadmajārkalokeśāvidyādharavāsudevaiḥ || tvaṃ sevyase vedapurāṇayajñaistejomayasyandana pāhi tasmāt
283.13
yattatpadaṃ paramaguhyatamaṃ murārerānandahetuguṇarūpavimuktamantaḥ || yogaikamānasaddaśo munayaḥ samādhau paśyanti tattvamasi nātha rathādhirūḍhaḥ
283.14
yasmāttvameva bhavasāgarasaṃplutānāmānandabhāgamṛtamadhvagapārapatram || tasmādaghaughaśamanena kuru prasādaṃ cāmīkarebharatha mādhava sampradānāt
283.15
itthaṃ
praṇamya kanakebharathapradānaṃ yaḥ kārayetsakalapāpavimuktadehaḥ || vidyādharāmaramunīndragaṇābhijuṣṭaṃ prāpnotyasau padamatīndriyamindumauleḥ
283.16
kṛta
duritavitānaprajvaladvahnijālavyatikarakṛtadehodvegabhājo'pi bandhūn || nayati sa pitṛputrānbāndhavānapyaśeṣāṃkṛtagajarathadānācchāśvataṃ saṅga viṣṇoḥ
283.16.p1
iti śrīmātsye mahāpurāṇe mahādānānukīrttane hemahastirathapradānavidhirnāma dvyaśītyadhikadviśatatamo'dhyāyaḥ
Linked texts (7)
- Danasagara-ballalasenadeva (ed. Bhabatosh Bhattacharya) — Sanskrit
- Dānasāgara — Ballālasena, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakhaṇḍa — Hemādri, Sanskrit
- Dānakalpataru — Lakṣmīdhara, Sanskrit
- Dānamayūkha — Nīlakaṇṭha Dīkṣita 1600, Sanskrit