Matsya 284
Matsya 284
- Language
- Sanskrit
Contents
- 284.19 — 1 part
284.1
ch || || matsya
uvāca || || athātaḥ saṃpravakṣyāmi mahādānamanuttamam || pañcalāṅgalakaṃ nāma mahāpātakanāśanam
284.2
puṇyāṃ tirthāmathāsādya yugādigrahaṇādikām
bhūmidānaṃ naro dadyātpañcalāṅgalakānvitam
284.3
kharvaṭaṃ kheṭakaṃ vāpi grāmaṃ vā sasyaśālinam || nivarttanaśataṃ vāpi tadarddhaṃ vāpi śaktitaḥ
284.4
sāradārumayā
nkṛtvā halānpañca vicakṣaṇaḥ || sarvopakaraṇairyuktānanyānpañca ca kāñcanān|| kuryātpañca palādūrddhamāsahasrapalāvadhi
284.5
vṛṣāṃllakṣaṇasaṃyuktāndaśa caiva dhurandha
rān || suvarṇaśṛṅgābharaṇānmuktālāṅgūlabhūṣaṇān
284.6
rūpyapādāgratilakāñchatrakauśeyabhūṣaṇān || sragdāmacandanayutāñchālāyāmadhivāsayet
284.7
dharaṇyādityarudrebhyaḥ pāyasaṃ nirvapeccarum || ekasminneva kuṇḍe tu gurustebhyo nivedayet
284.8
palāśasamidhastadvadājyaṃ kṛṣṇatilāstathā || tulā
puruṣavatkuryyāllokeśāvāhanaṃ budhaḥ
284.9
tato maṅgalaśabdena śuklamālyāmbaro budhaḥ || āhūya dvijadāmpatyaṃ hemasūtrāṅgulīyakaiḥ
284.10
kauśeyava
strakaṭakairmaṇibhiścābhipūjayet || śayyāṃ sopaskarāṃ dadyāddhenumekāṃ payasvinīm
284.11
tathāṣṭādaśa dhānyāni samantādadhivāsayet || tataḥ pradakṣiṇī
kṛtya gṛhītakusumāñjaliḥ
284.12
imamuccārayenmantramatha sarvvaṃ nivedayet || yasmāddevagaṇāḥ sarvve sthāvarāṇi carāṇi ca
284.13
dhurandharāṅge tiṣṭhanti
tasmādbhaktiḥ śive'stu me || yasmācca bhūmidānasya kalāṃ nārhanti ṣoḍaśīm
284.14
dānānyanyāni me bhaktirdharma eva dṛḍhā bhavet || daṇḍena
saptahastena triṃśaddaṇḍaṃ nivarttanam
284.15
tribhāgahīnaṃ gocarmmamānamāha prajāpatiḥ || mānenānena yo dadyānnivarttanaśataṃ budhaḥ || vidhinānena tasyāśu
kṣīyate pāpasaṃhatiḥ
284.16
tadarddhamathavā dadyādapi gocarmmamātrakam || bhavanasthānamātraṃ vā so'pi pāpaiḥ pramucyate
284.17
yāvanti lāṅgalakamārga
mukhāni bhūmerbhāsāṃ paterduhituraṅgajaromakāni || tāvanti śaṅkarapure sa samā hi tiṣṭhedbhūmipradānamiha yaḥ kurute manuṣyaḥ
284.18
gandharvvakinnara
surāsurasiddhasaṅghairādhūtakañcāmaramupetya mahadvimānam || sampūjyate pitṛpitāmahabandhuyuktaḥ śambhoḥ padaṃ vrajati cāmaranāyakaḥ san
284.19
indratvamapyadhigataṃ kṣayamabhyupaiti gobhūmilāṅgaladhurandharasampradānāt || tasmādaghaughapaṭalakṣayakāribhūmerdānaṃ vidheyamiti bhūtibhavodbhavāya
284.19.p1
iti śrīmatsye mahāpurāṇe mahādānānukīrttane pañcalāṅgalapradānavidhirnāma tryaśītyadhikadviśatatamo'dhyāyaḥ
Linked texts (7)
- Matsyapurāṇa — Vyāsa, Sanskrit
- Vallālacarita — Ānandabhaṭṭa 1510, Sanskrit
- Dānasāgara — Ballālasena, Sanskrit
- Dānakhaṇḍa — Hemādri, Sanskrit
- Caturvargacintāmaṇi — Hemādri, Sanskrit
- Dānakalpataru — Lakṣmīdhara, Sanskrit
- Dānamayūkha — Nīlakaṇṭha Dīkṣita 1600, Sanskrit