Matsya 286
Matsya 286
- Language
- Sanskrit
Contents
- 286.23 — 1 part
286.1
cha || || matsya uvāca || || athātaḥ sampravakṣyāmi mahādānamanuttamam || viśvacakramiti khyātaṃ mahāpātakanāśanam
286.2
tapanīyasya śuddhasya viṣuvādiṣu kārayet || śreṣṭhaṃ palasahasreṇa tadarddhena tu madhyamam
286.3
tasyārddhena kaniṣṭhaṃ syādviśvacakramudāhṛtam || anyadviṃśatpa
lādūrddhamaśakto'pi nivedayet
286.4
ṣoḍaśāraṃ tataścakraṃ bhramannemyaṣṭakāvṛtam || nābhipādme sthitaṃ viṣṇuṃ yogārūḍhaṃ caturbhujam
286.5
śaṅkhacakre'sya
pārśve tu devyaṣṭakasamāvṛtam || dvitīyāvaraṇe tadvatpūrvvato jalaśāyinam
286.6
atrirbhṛgurvāsiṣṭhaśca brahmā kaśyapa eva ca || matsyaḥ kūrmo varāhaśca nara
siṃho'tha vāmanaḥ
286.7
rāmo rāmaśca kṛṣṇaśca buddhaḥ kalkīti ca kramāt || tṛtīyāvaraṇe gaurī mā tṛbhirvvasubhiryutā
286.9
caturthe dvādaśādityā vedā
ścatvāra eva ca || pañcame pañca bhūtāni rudrāścaikādaśaiva tu||8||lokapālāṣṭakaṃ ṣaṣṭhe diṅ mātaṅgāstathaiva ca || saptame'strāṇi sarvāṇi maṅgalāni ca kārayet
286.10
antarāntarato devānvinyasedaṣṭame punaḥ || tulāpuruṣavacchreṣaṃ samantātparikalpayet
286.11
ṛtviṅmaṇḍapasambhārabhūṣaṇācchādanādikam
viśvacakraṃ tataḥ kuryātkṛṣṇājinatilopari
286.12
tathāṣṭādaśa dhānyāni rasāṃśca lavaṇādikān || pūrṇakumbhāṣṭakañcaiva vastrāṇi vividhāni ca
286.13
mālyekṣuphalaratnāni vitānāñcāpi kārayet || tato maṅgalaśabdena snātaḥ śuklāmbaro gṛhī || homādhivāsanānte vai gṛhītakusumāñjaliḥ
286.14
imamuccārayenmantraṃ triḥ kṛtvā tu pradakṣiṇam || namo viśvamayāyeti viśvacakrātmane namaḥ
286.15
paramānandarūpī tvaṃ pāhi naḥ pāpakaddarmāt
tejomayamidaṃ yasmātsadā paśyanti yoginaḥ
286.16
hṛdi tattvaṃ guṇātītaṃ viśvacakraṃ namāmyaham || vāsudeve sthitaṃ cakraṃ cakramadhye tu mādhavaḥ
286.17
anyonyādhārarūpeṇa praṇamāmi sthitāviha || viśvacakramidaṃ yasmātsarvvapāpaharaṃ param
286.19
āyudhañcāpi vāsaśca bhavāduddhara māmataḥ || ityāmantrya
ca yo dadyādviśvacakraṃ vimatsaraḥ! 18 || vimuktaḥ sarvvapāpebhyo viṣṇuloke mahīyate || vaikuṇṭhalokamāsādya caturbāhuḥ sanātanaḥ
286.20
sevyate'
psarasāṃ saṅghaistiṣṭhetkalpaśatatrayam || praṇameddhārtha yaḥ kṛtvā viśvacakraṃ dine dine || tasyāyurvvarddhate nityaṃ lakṣmīśca vipulā bhavet
286.21
iti sakala
jagatsurāridhaivāsaṃ vitarati yastapanīyaṣoḍaśāram || haribhavanamupāgataḥ sa siddhāściramabhigamya namasyate śirobhiḥ
286.22
śubhadarśanatāṃ prayāti śatrorma
danasudarśanatāñca kāminībhyaḥ || sa sudarśanakeśavānurūpaḥ kanakasudarśanadānadagdhapāpaḥ
286.23
kṛtaguruduritāni ṣoḍaśārapravitaraṇe pravarārutirmurāreḥ
abhibhavati bhavodbhavanti bhītyā bhavamabhito bhuvane bhayāni bhūyaḥ
286.23.p1
iti śrīmātsye mahāpurāṇe mahādānānukīrttane viśvacakrapradānavidhirnāma pañcāśītyadhikadviśatatamo'dhyāyaḥ
Linked texts (6)
- Danasagara-ballalasenadeva (ed. Bhabatosh Bhattacharya) — Sanskrit
- Dānasāgara — Ballālasena, Sanskrit
- Dānakhaṇḍa — Hemādri, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakalpataru — Lakṣmīdhara, Sanskrit