Matsya 287
Matsya 287
- Language
- Sanskrit
Contents
- 287.17 — 1 part
287.1
cha || || matsya uvāca || || athātaḥ sampravakṣyāmi mahādānamanuttamam || mahākalpalatā nāma
mahāpātakanāśanam
287.2
puṇyāṃ tirthimathāsādya kṛtvā brāhmaṇavācanam || ṛtviṅmaṇḍapasambhārabhūṣaṇācchādanādikam
287.4
tulāpuruṣava
tkuryāllokeśāvāhanaṃ budhaḥ || cāmīkaramayīḥ kuryāddaśakalpalatāḥ samāḥ||3||nānāpuṣpaphalopetā nānāṃkukavibhūṣitāḥ || vidyādharasuparṇānāṃ mithunairupa
śobhitāḥ
287.5
puṣpāṇyādityasrubhiḥ siddhaiḥ phalāni ca vihaṅgamaiḥ || lokapālānukāriṇyaḥ karttavyāstāsu devatāḥ
287.6
brāhmīmanantaśaktiñca lavaṇa
syopari nyaset || adhastātkṛtayormadhye padmaśaṅkhakare śubhe
287.7
ibhāsanasthā tu guḍe pūrvataḥ kuliśāyudhā || rajanīsaṃsthitāgneyī sruvapāṇirathā
nale
287.8
yāmye ca mahiṣārūḍhā gadinī taṇḍulopari || ghṛte tu nairṛtī sthāpyā saśastra dakṣiṇāpare
287.9
vāruṇe vāruṇī kṣīre jhaṣasthā nāgapāśinī
patākinī ca vāyavye mṛgasthā śarkaropari
287.10
saumyā tileṣu saṃsthāpyā śaṅkhinī nidhisaṃsthitā || māheśvarī vṛṣārūḍhā navanīte triśūlinī
287.11
maulinyo varadāstadvatkarttavyā bālakānvitāḥ || śaktyā pañcapalādūrdhvamā sahasrātprakalpayet
287.12
sarvāsāmupari sthāpyaṃ pañcavarṇaṃ vitānakam
dhenavo daśa kumbhāśca vastrayugmāni caiva hi
287.13
madhyame dve tu gurave ṛtvigbhyo'nyāstathaiva ca || tato maṅgalaśabdena snātaḥ śuklāmbaro budhaḥ || triḥ
pradakṣiṇamāvṛtya mantrametamudīrayet
287.14
namo namaḥ pāpavināśinībhyo brahmāṇḍalokeśvarapālinībhyaḥ || āśaṃsitādhikyaphalapradābhyo digbhyastathā
kalpalatāvadhūbhyaḥ
287.15
iti sakaladigaṅganāpradānaṃ bhavabhayasūdanakāri yaḥ karoti || abhimataphalade sa nāgaloke vasati pitāmahavatsarāṇi
triṃśat
287.16
pitṛśatamatha tārayedbhavābdherbhavaduritaughavighātaśuddhadehaḥ || surapativanitāsahasrasaṃkhyaiḥ parivṛtamambujasaṃsadābhivandyaḥ
287.17
iti
vidhānamidaṃ digaṅganānāṃ kanakakalpalatāvinivedakam || paṭhati yaḥ smaratīha tathaikṣate sa padameti purandarasevitam
287.17.p1
iti śrīmatsye mahā purāṇe mahādānānukīrttane kanakakalpalatāpradānavidhirnāma ṣaḍaśītyadhikādviśatatamo'dhyāyaḥ
Linked texts (6)
- Danasagara-ballalasenadeva (ed. Bhabatosh Bhattacharya) — Sanskrit
- Dānasāgara — Ballālasena, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakhaṇḍa — Hemādri, Sanskrit
- Dānakalpataru — Lakṣmīdhara, Sanskrit