Pramāṇa · Search · About · API

Matsya 288

Matsya 288

Language
Sanskrit

Contents

288.1

cha || || matsya uvāca || || athātaḥ
sampravakṣyāmi mahādānamanuttamam || saptasāgarakaṃ nāma sarvapāpapraṇāśanam

288.2

puṇyaṃ dinamathāsādya kṛtvā brāhmaṇavācanam || tulāpuruṣavatkuryā
llokeśāvāhanaṃ budhaḥ

288.3

ṛtviṅmaṇḍapasambhārabhūṣaṇācchādanādikam || kārayetsapta kuṇḍāni kāñcanāni vicakṣaṇaḥ

288.4

prādeśamātrāṇi
tathāratnimātrāṇi vai punaḥ || kuryātsaptapalādūrdhvamā sahasrācca śaktitaḥ

288.5

saṃsthāpyāni ca sarvāṇi kṛṣṇājinatilopari || prathamaṃ pūrayetkuṇḍaṃ
lavaṇena vicakṣaṇaḥ

288.6

dvitīyaṃ payasā tadvattṛtīyaṃ sarpiṣā punaḥ || caturthantu guḍenaiva daghnā pañcamameva ca

288.7

ṣaṣṭhaṃ śarkarayā tadvatsaptamaṃ tīrthavā
riṇā || sthāpayellavaṇasthantu brahmāṇaṃ kāñcanaṃ śubham

288.8

keśavaṃ kṣīramadhye tu ghṛtamadhye maheśvaram || bhāskaraṃ guḍamadhye tu dadhimadhye niśādhipam

288.9

śarkarāyāṃ nyasellakṣmīṃ jalamadhye tu pārvatīm || sarveṣu sarvaratnāni dhānyāni ca samantataḥ

288.10

tulāpuruṣavaccheṣamatrāpi parikalpayet || tato
vāruṇahomānte snāpito vedapuṅgavaiḥ

288.11

triḥ pradakṣiṇamāvṛtya mantrānetānūdīrayet || namo vaḥ sarvvabhūtānāmādhārebhyaḥ sanātanāḥ || jantūnāṃ prāṇade
bhyaśca samudrebhyo namo namaḥ

288.12

kṣīrodakājyadadhimādhuralāvaṇeṣusurāmṛtena bhuvanatrayajīvasaṅghāt || ānandayanti vasubhiśca yato bhavantastasmānma
māpyaghavighātamalaṃ diśantu

288.13

yasmātsamastabhuvaneṣu bhavanta eva tīrthāmarāsurasubaddhamaṇipradānam || pāpakṣayāmṛtavilepanabhūṣaṇāya lokasya
bibhrati tadastu mamāpi lakṣmīḥ

288.14

iti dadāti rasāmṛtasaṃyutānchuciravismayavāniha sāgarān || amalakāñcanavarṇamayānasau padamupaiti hareramarā
rcitaḥ

288.15

sakalapāpavidhautavirājitaḥ pitṛpitāmahaputrakalatrakam || narakalokasamākulamapyayaṃ jhaṭiti so'pi nayecchivamandiram

288.15.p1

iti śrīmātsye mahāpurāṇe mahādānānukīrttane saptasāgarapradānavidhirnāma saptāśītyadhikadviśatatamo'dhyāyaḥ

Linked texts (5)