Matsya 289
Matsya 289
- Language
- Sanskrit
Contents
- 289.17 — 1 part
289.1
cha|| || matsya uvāca
athātaḥ sampravakṣyāmi mahādānamanuttamam || ratnadhenviti vikhyātaṃ golokaphaladaṃ nṛṇām
289.2
puṇyaṃ dinamathāsādya tulāpuruṣadānavat || lokeśāvāhanaṃ
kṛtvā tato dhenuṃ prakalpayet
289.3
bhūmau kṛṣṇājinaṃ kṛtvā lavaṇadroṇasaṃyutam || dhenuṃ ratnamayīṃ kuryyātsaṅkalpya vidhipūrvvakam
289.4
sthāpayetpadmarāgāṇā
mekāśītiṃ mukhe budhaḥ || puṣparāgaśataṃ tadvadghoṇāyāṃ parikalpayet
289.5
lalāṭe hematilakaṃ muktāphalaśataṃ dṛśoḥ || bhrūyuge vidrumaśataṃ śuklī karṇadvaye smṛte
289.6
kāñcanāni ca śṛṅgāṇi śiro vajraśatātmakam || grīvāyāṃ netrapaṭalaṃ gomedakaśatānvitam
289.7
indranīlaśataṃ pṛṣṭhe vaidūryyaśatapārśvake
sphāṭikairudaraṃ tadvatsaugandhikaśataiḥ kaṭim
289.8
khurā hemamayāḥ kāryyāḥ pucchaṃ muktāvalīmayam || sūryyakāntendukāntau ca ghrāṇe karpūracandane
289.9
kuṅkumāni ca romāṇi raupyanābhiśca kārayet || gārutmataśataṃ tadvadapāne parikalpayet
289.10
tathānyāni ca ratnāni sthāpayetsarvvasandhiṣu || kuryyāccharka
rayā jihvāṃ gomayañca guḍātmakam
289.11
gomūtramājyena tathā dadhidugdhe svarūpataḥ || pucchāgre cāmaraṃ dadyātsamīpe tāmradohanam
289.12
kuṇḍalāni ca
haimāni bhūṣaṇāni ca śaktitaḥ || kārayedevamevantu caturthāṃśena vatsakam
289.13
tathā dhānyāni sarvvāṇi pādāścekṣumayāḥ smṛtāḥ || nānāphalāni sarvvāṇi
pañcavarṇaṃ vitānakam
289.14
evaṃ viracanaṃ kṛtvā tadvaddhomādhivāsanam || ṛtvigbhyo dakṣiṇāṃ dadyāddhenumāmantrayettataḥ || guḍadhenuvadāvāhya idañcodāharettataḥ
289.15
tvāṃ sarvvadevagaṇadhāma yataḥ paṭhanti rudrendrasūryyakamalāsanavāsudevāḥ || tasmātsamastabhuvanatrayadehayuktā māṃ pāhi devi bhavasāgarapīḍyamānam
289.16
āmantrya cetthamabhitaḥ parivṛtya bhaktyā dadyādvijāya gurave jalapūrvvikāṃ tām || yaḥ puṇyamāpya dinamatra kṛtopavāsaḥ pāpairvimuktatanuureti
padaṃ murāreḥ
289.17
iti sakalavidhijño ratnadhenupradānaṃ vitarati sa vimānaṃ prāpya dedīpyamānam || sakalakaluṣamukto bandhubhiḥ putrapautraiḥ
sa hi madanasarūpaḥ sthānamabhyeti śambhoḥ
289.17.p1
iti śrīmātsye mahāpurāṇe mahādānānukīrttane ratnadhenupradānavidhirnāmāṣṭāśītyadhikadviśatatamo'dhyāyaḥ
Linked texts (5)
- Matsyapurāṇa — Vyāsa, Sanskrit
- Dānasāgara — Ballālasena, Sanskrit
- Caturvargacintāmaṇi — Hemādri, Sanskrit
- Dānakhaṇḍa — Hemādri, Sanskrit
- Dānakalpataru — Lakṣmīdhara, Sanskrit