Matsya 29
Matsya 29
- Language
- Sanskrit
Contents
- 29.37 — 1 part
29.1
cha
śaunaka uvāca || || atha dīrgheṇa kālena devayānī nṛpottama || vanaṃ tadaiva niryātā krīḍārthaṃ varavarṇinī
29.2
tena dāsīsahasreṇa sārddhaṃ śarmmi
ṣṭhayā tadā || tameva deśaṃ samprāptā yathākāmaṃ cacāra sā
29.3
tābhiḥ sakhībhiḥ sahitā sarvvābhirmuditā bhṛśam || krīḍantyo'bhiratāḥ sarvvāḥ piva
ntyo madhu mādhavam
29.4
khādantyo vividhānbhakṣyānphalāni vividhāni ca || punaśca nāhuṣo rājā mṛgalipsuryadṛcchayā
29.5
tameva deśaṃ
samprāpto jalalipsuḥ pratarṣitaḥ || dadarśa devayānīñca śarmmiṣṭhāṃ tāśca yoṣitaḥ
29.6
pivantyo lalanāstāśca divyābharaṇabhūṣitāḥ || upaviṣṭāśca da
dṛśe devayānīṃ śucismitām
29.7
rūpeṇāpratimāṃ tāsāṃ strīṇāṃ madhye varāṅganām || śarmmiṣṭhayā sevyamānāṃ pādasaṃvāhanādibhiḥ
29.8
yayātiruvāca || || dvābhyāṃ kanyāsahasrābhyāṃ dve kanye parivārite || gotre ca nāmanī caiva dvayoḥ pṛcchāmyato hyaham
29.9
devayānyuvāca
ākhyāsyāmyahamādatsva vacanaṃ me narādhipa || śukro nāmāsuraguruḥ sutāṃ jānīhi tasya mām
29.10
iyañca me sakhī dāsī yatrāhaṃ tatra gāminī
duhitā dānavendrasya śarmmiṣṭhā vṛṣaparvvaṇaḥ
29.11
yayātiruvāca || || kathantu te sakhī dāsī kanyeyaṃ varavarṇinī || asurendrasutā subhru paraṃ
kautūhalaṃ hi me
29.12
devayānyuvāca || || sarvvameva naravyāghra vidhānamanuvarttate || vidhinā vihitaṃ jñātvā mā vicitraṃ manaḥ kṛthāḥ
29.13
rājavadrūpaveśau te brāhmīṃ vācaṃ bibharṣi ca || kiṃnāmā tvaṃ kutaścāsi kasya putraśca śaṃsa me
29.14
yayātiruvāca || || brahmacaryyeṇa vedo me
kṛtsnaḥ śrutipathaṃ gataḥ||rājāhaṃ rājaputraśca yayātiriti viśrutaḥ
29.15
devayānyuvāca || ||kena cārthena nṛpate hyenaṃ deśaṃ samāgataḥ||jighṛkṣurvvāri yatkiñci
dathavā mṛgalipsayā
29.16
yayātiruvāca || || mṛgalipsurahaṃ bhadre pānīyārthamihāgataḥ || bahudhāpyanuyukto'smi tvamanujñātumarhasi
29.17
devayānyuvāca || || dvābhyāṃ kanyāsahasrābhyāṃ dāsyā śarmmiṣṭhayā saha || tvadadhīnāsmi bhadraṃ te sakhe bharttā ca me bhava
29.18
yayātiruvāca
viddhyauśanasi bhadraṃ te na tvadarho'smi bhāmini || avivāhyāḥ sma rājāno devayāni pitustava
29.19
devayānyuvāca || || saṃsṛṣṭaṃ brahmaṇā
kṣātraṃ kṣātraṃ brahmaṇi saṃśritam || ṛṣiśca ṛṣiputraśca nāhuṣāya bhajasva mām
29.20
yayātiruvāca || || ekadehodbhavā varṇāścatvāro'pi varānane
pṛthagdharmmāḥ pṛthakchaucāsteṣāṃ vai brāhmaṇo varaḥ
29.21
devayānyuvāca || || pāṇigraho nāhuṣāyaṃ na puṃbhiḥ sevitaḥ purā||tvamenaṃmagrahīdagre vṛṇomi tvāmahaṃ
tataḥ
29.22
kathantu me manasvinyāḥ pāṇimanyaḥ pumānspṛśet || gṛhītaṛṣiputreṇa svayaṃ vāpyuṣiṇā tvayā
29.23
yayātiruvāca || || kruddhādā
śīviṣātsarpājjvalanātsarvvatomukhāt || durādharṣataro vipraḥ puruṣeṇa vijānatā
29.24
devayānyuvāca || || kathamāśīviṣātsarpājjvalanātsa
rvvatomukhāt || durādharṣataro vipra ityāttha puruṣarṣabha
29.25
yayātiruvāca || || daśedāśīviṣastvekaṃ śastreṇaikaśca vadhyate || hanti vipraḥ sa
rāṣṭrāṇi purāṇapi hi kopitaḥ
29.26
durādharṣataro viprastasmādvīru mato mama || ato'dattāñca pitrā tvāṃ bhadre na vivahāmyaham
29.27
deva
yānyuvāca || || dattāṃ vahasva pitrā māṃ tvaṃ hi rājanvṛto mayā || ayācato bhayaṃ nāsti dattāñca pratigṛhṇataḥ
29.28
śaunaka uvāca || || tvaritaṃ
devayānyātha preṣitā piturātmanaḥ || sarvvaṃ nivedayāmāsa dhātrī tasmai yathātatham
29.29
śrutvaiva ca sa rājānaṃ darśayāmāsa bhārgavaḥ || dṛṣṭvaivāgataṃ
vipraṃ yayātiḥ pṛthivīpatiḥ
29.30
vavande brāhmaṇaṃ kāvyaṃ prāñjaliḥ praṇataḥ sthitaḥ || tañcāpyabhyavadatkāvyaḥ sāmnā paramavalgunā
29.31
devayā
nyuvāca || rājāyaṃ nāhuṣastāta durgeme pāṇimagrahīt || namaste dehi māmasmai loke nānyaṃ patiṃ vṛṇe
29.32
śukra uvāca || || vṛto'nayā patirvīra
sutayā tvaṃ mameṣṭayā || gṛhāṇemāṃ mayā dattāṃ mahiṣīṃ nahuṣātmaja
29.33
yayātiruvāca || || adharmmo māṃ spṛśeddevaṃ pāpamasyāśca bhārgava || varṇasaṅkara
to brahmanniti tvāṃ pravṛṇomyaham
29.34
śukra uvāca || || adharmmāttvāṃ vimuñcāmi varaṃ varaya cepsitam || asminvivāhe tvaṃ ślāghyo raho pā
paṃ nudāmi te
29.35
vahasva bhāryyāṃ dharmeṇa devayānīṃ śucismitām || anayā saha samprītimatulāṃ samavāpnuhi
29.36
iyañcāpi kumārī te śa
rmiṣṭhā vārṣaparvvaṇī || sampūjyā santataṃ rājanna caināṃ śayane hvaya
29.37
śaunaka uvāca || || evamukto yayātistu śukraṃ kṛtvā pradakṣiṇam
jagāma svapuraṃ hṛṣṭaḥ so'nujñāto mahātmanā
29.37.p1
iti śrīmatsye mahāpurāṇe somavaṃśe yayāticarite triṃśo'dhyāyaḥ
Linked texts (3)
- Matsyapurāṇa — Vyāsa, Sanskrit
- Critical edition (BORI) — Sanskrit
- Indische Sprüche — Otto von Böhtlingk 1863, Sanskrit