Pramāṇa · Search · About · API

Matsya 290

Matsya 290

Language
Sanskrit

Contents

290.1

matsya uvāca || || athātaḥ sampravakṣyāmi mahādānamanuttamam || mahābhūtaghaṭaṃ nāma mahāpātakanāśanam

290.2

puṇyāṃ tithi
mathāsādya kṛtvā brāhmaṇavācanam || ṛtviṅgmaṇḍapasambhārabhūṣaṇācchādanādikam

290.3

tulāpuruṣavatkuryyāllokeśāvāhanādikam || kārayetkāñcanaṃ
kumbhaṃ mahāratnācitaṃ budhaḥ

290.4

prādeśādaṅgulaśataṃ yāvatkuryyātpramāṇataḥ || kṣīrājyapūritaṃ tadvatkalpavṛkṣasamanvitam

290.5

padmāsanagatāṃstatra
brahmaviṣṇumaheśvarān || lokapālānmahendrāṃśca svasvavāhanamāsthitān || varāheṇoddhṛtāṃ tadvatkuryyātpṛthvīṃ sapaṅkajām

290.6

varuṇañcāsanagataṃ kāñcanaṃ
makaropari || hutāśanaṃ meṣagataṃ vāyuṃ kṛṣṇamṛgāsanam

290.7

tathā kośādhipaṃ kuryyānmūṣakasthaṃ vināyakam || vinyasya ghaṭamadhye tānvedapañcakasraṃ
yutān

290.8

ṛgvedasyākṣasūtraṃ syādyajurvedasya paṅkajam || sāmavedasya vīṇā syāddheṇuṃ dakṣiṇato nyaset

290.9

atharvvavedasya punaḥ sruksruvau
kamalaṃ kare || purāṇavedo varadaḥ sākṣasūtrakamaṇḍaluḥ

290.10

paritaḥ sarvvadhānyāni cāmarāsanadarpaṇam || pādukopānahacchatraṃ dīpikāmūṣaṇāni ca

290.13

śayyāñca jalakumbhāṃśca pañcavarṇaṃ vitānakam|| snātvādhivāsanānte tu mantrametamudīrayet||11||namo vaḥ sarvvadevānāmādhārebhyaścarācare|| mahābhūtādhidevebhyaḥ
śāntirastu śivaṃ mama|| 12||yasmānna kiñcidapyasti mahābhūtairvinā kṛtam || brahmāṇḍe sarvvabhūteṣu tasmācchrīrakṣayāstu me

290.15

ityuccāryya mahābhūtaghaṭaṃ yo
vinivedayet||sarvvapāpavinirmuktaḥ sa yāti paramāṃ gatim|| 14||vimānenārkavarṇena pitṛbandhusamanvitaḥ|| stūyamāno varastrībhiḥ padamabhyeti vaiṣṇavam

290.16

ṣoḍaśaitāni yaḥ kuryyānmahādānāni mānavaḥ || na tasya punarāvṛttiriha loke'bhijāyate

290.17

iha paṭhati ya itthaṃ vāsudevasya pārśve sasutapitṛka
latraḥ saṃśṛṇotīha samyak || muraripubhavane vai mandire vārkalakṣmyā tvamarapuravadhūbhirmodate so'pi kalpam

290.17.p1

iti śrīmātsye mahāpurāṇe mahādā nānukīrttanaṃ nāmaikonanavatyadhikadviśatatamo'dhyāyaḥ

Linked texts (6)