Matsya 291
Matsya 291
- Language
- Sanskrit
Contents
- 291.25 — 1 part
291.1
manuruvāca || || kalpamānaṃ tvayā proktaṃ manvantarayugeṣu ca || idānīṃ kalpanāmāni
samāsātkathayācyuta
291.2
matsya uvāca || || kalpānāṃ kīrttanaṃ vakṣye mahāpātakanāśanam || yasyāmukīrttanādeva vedapuṇyena yujyate
291.3
prathamaṃ śvetakalpastu dvitīyo nīlohitaḥ || vāmadevastṛtīyastu tato rāthantaro'paraḥ
291.4
rauravaḥ pañcamaḥ proktaḥ ṣaṣṭho deva iti smṛtaḥ || saptamo'tha
bṛhatkalpaḥ kandarpo'ṣṭama ucyate
291.5
sadyo'tha navamaḥ prokta īśāno daśamaḥ smṛtaḥ || tama ekādaśaḥ proktastathā sārasvataḥ paraḥ
291.6
trayodaśa
udānastu gāruḍo'tha caturdaśaḥ || kaurmmaḥ pañcadaśaḥ proktaḥ paurṇamāsyāmajāyata
291.7
ṣoḍaśo nārasiṃhastu samānastu tato'paraḥ || āgneyo'ṣṭādaśaḥ
proktaḥ somakalpastathāparaḥ
291.8
mānavo viṃśatiḥ proktastatpumāniti cāparaḥ|| vaikuṇṭhaścāparastadvallakṣmīkalpastathāparaḥ
291.9
caturviṃśatitamaḥ proktaḥ
sāvitrīkalpasaṃjñakaḥ || pañcaviṃśastato ghoro vārāhastu tato'paraḥ
291.10
saptaviṃśo'tha vairājo gaurīkalpastathāparaḥ || māheśvarastu sa proktastripuraṃ yatra
ghātitam
291.11
pitṛkalpastathānte tu yā kuhū brahmaṇaḥ purā || ityevaṃ brahmaṇo māsaḥ sarvvapātakanāśanaḥ
291.12
ādāveva hi māhātmyaṃ yasminba
sya vidhīyate || tasya kalpasya tannāma vihitaṃ brahmaṇā purā
291.13
saṅkīrṇāstāmasāścaiva rājasāḥ sāttvikāstathā || rajastamomayāstadvadete triṃśadudā
hṛtāḥ
291.14
saṅkīrṇeṣu sarasvatyāḥ pitṝṇāṃ vyuṣṭirucyate || agneḥ śivasya māhātmyaṃ tāmaseṣu divākare || rājaseṣu ca māhātmyamadhikaṃ brahmaṇaḥ smṛtam
291.15
yasminkalpe tu yatproktaṃ purāṇaṃ brahmaṇā purā || tasya tasya tu māhātmyaṃ tatsvarūpeṇa varṇyate
291.16
sāttvikeṣvadhikaṃ tadvadviṣṇormāhātmyamutta
mam || tathaiva yogasaṃsiddhā gamiṣyanti parāṃ gatim
291.17
brāhmaṃ pādmamimaṃ yastu paṭhetparvvaṇi parvvaṇi || tasya dharmme matirbrahmā karoti vipulāṃ śriyam
291.18
yastu dadyādimānkṛtvā haimānparvvaṇi parvvaṇi || brahmaviṣṇupure vāsaṃ munibhiḥ pūjyate divi
291.19
sarvvapāpakṣayakaraṃ kalpadānaṃ yato bhavet
munirūpāṃstataḥ kṛtvā dadyātkalpānvicakṣaṇaḥ
291.20
purāṇasaṃhitā ceyaṃ tava bhūpa mayoditā || sarvvapāpaharā nityamārogyaśrīphalapradā
291.21
brahmasaṃvatsaraśatādekāhaṃ śaivamucyate || śivavarṣaśatādekaṃ nimeṣaṃ vaiṣṇavaṃ viduḥ
291.22
yadā sa viṣṇurjāgartti tadedaṃ ceṣṭate jagat || yadā svapiti śāntātmā
tadā sarvvaṃ nimīlati
291.23
sūta uvāca || || ityuktvā devadeveśo matsyarūpī janārddanaḥ||paśyatāṃ sarvvabhūtānāṃ tatraivāntaradhīyata
291.24
vaivasvato hi
bhagavānvisṛjya vividhāḥ prajāḥ|| svāntaraṃ pālayāmāsa mārttaṇḍakulavarddhanaḥ
291.25
yasya manvantarañcaitadadhunā cānuvarttate || puṇyaṃ pavitrametadvaḥ kathitaṃ matsya
bhāṣitam || purāṇaṃ sarvvaśāstrāṇāṃ yadetanmūrdhni saṃsthitam
291.25.p1
iti śrīmātsye mahāpurāṇe kalpānukīrttanaṃ nāma navatyadhikādviśatatamo'dhyāyaḥ
Linked texts (2)
- Dānasāgara — Ballālasena, Sanskrit
- Danasagara-ballalasenadeva (ed. Bhabatosh Bhattacharya) — Sanskrit