Matsya 292
Matsya 292
- Language
- Sanskrit
Contents
- 292.31 — 1 part
292.1
sūta uvāca || || etadvaḥ kathitaṃ sarvvaṃ yaduktaṃ viśvarūpiṇā || mātsyaṃ purāṇamakhilaṃ dharmmakāmārthasādhanam
292.2
yatrādau manusaṃvādo brahmāṇḍa
kathanaṃ tathā || sāṃkhyaṃ śārīrakaṃ proktaṃ caturmukhamukhodbhavam
292.3
devāsurāṇāmutpattirmārutotpattireva ca || madanadvādaśī tadvallokapālābhipūjanam
292.4
manvantarāṇāmuddeśo vainyarājābhivarṇanam || sūryyavaivasvatotpattirbudhasaṅgamanaṃ tathā
292.5
pitṛvaṃśānukathanaṃ śrāddhakālastathaiva ca || pitṛtīrtha
pravāsaśca somotpattistathaiva ca
292.6
kīrttanaṃ somavaṃśasya yayāticaritaṃ tathā || kārttavīryyasya māhātmyaṃ vṛṣṇivaṃśānukīrttanam
292.7
bhṛguśāpastathā viṣṇorddaityaśāpastathaiva ca || kīrttanaṃ puruveśasya vaṃśo hautāśanastathā
292.8
purāṇakīrttanaṃ tadvatkriyāyogastathaiva ca || vrataṃ
nakṣatrasaṃkhyākaṃ mārttaṇḍaśayanaṃ tathā
292.9
kṛṣṇāṣṭamīvrataṃ tadvadrohiṇīcandrasaṃjñitam || taḍāgavidhimāhātmyaṃ pādapotsarga eva ca
292.10
saubhāgyaśayanaṃ tadvadagastyavratameva ca || tathānantatṛtīyā tu rasakalyāṇinītathā
292.11
ārdrānandakarī tadvadvrataṃ sārasvataṃ punaḥ || uparā
gābhiṣekaśca saptamīsnapanaṃ punaḥ
292.12
bhīmārūpā dvādaśī tadvadanaṅgaśayanaṃ tathā || aśūnyaśayanaṃ tadvattathaivāṅgārakavratam
292.13
saptamī
saptakaṃ tadvadviśokadvādaśī tathā || merupradānaṃ daśadhā grahaśāntistathaiva ca
292.14
grahasvarūpakathanaṃ tathā śivacaturdaśī || tathā sarvve
phalatyāgaḥ sūryyavāravrataṃ tathā
292.15
saṃkrāntisnapanaṃ tadvadvibhūtidvādaśīvratam || ṣaṣṭhivratānāṃ māhātmyaṃ tathā snānavidhikramaḥ
292.16
prayā
gasya tu māhātmyaṃ sarvvatīrthānukīrttanam || pailāśramaphalaṃ tadvadvīpalokānukīrttanam
292.17
sūryyacandragatistadvadādityarathavarṇanam || tathāntari
kṣacāraśca dhruvamāhātmyameva ca
292.18
bhuvanāni surendrāṇāṃ tripurārodhaṇaṃ tathā || pitṛpiṇḍamāhātmyaṃ manvantaravinirṇayaḥ
292.19
vajrāṅgasya tu
sambhūtistārakotpattireva ca || tārakāsuramāhātmyaṃ brahmadevānumantraṇam
292.20
pārvatīsambhavastadvattathā śivatapodhanam || anaṅgadehadāhastu ratiśoka
stathaiva ca
292.21
gaurī tapovanaṃ tadvadviśvanāthaprasādanam || pārvatīṛṣisaṃvādastathaivodvāhamaṅgalam
292.22
kumārasambhavastadvatkumāravijayastathā
tārakasya vadho ghoro narasiṃhopavarṇanam
292.23
padmodbhavavisargastu tathaivāndhakaghātanam || vārāṇasyāstu māhātmyaṃ narmaṃdāyāstathaiva ca
292.24
pravarānuka
mastadvatpitṛgāthānukīrttanam || tathobhayamukhīdānaṃ dānaṃ kṛṣṇājinasya ca
292.25
tathā sāvitryupākhyānaṃ rājadharmmāstathaiva ca || yātrānimittakathanaṃ svapna
māṅgalyakīrttanam
292.26
vāmanasya tu māhātmyaṃ tathaivātha varāhajam || kṣīrodamathanaṃ tadvatkālakūṭābhiśāsanam
292.27
devāsuravimarddaśca vāstuvidyāstathaiva
ca || pratimālakṣaṇaṃ tadvaddevatāTypeNamerādhanaṃ tataḥ
292.28
prāsādalakṣaṇaṃ tadvanmaṇḍapānāntu lakṣaṇam || puruvaṃśe tu samproktaṃ bhaviṣyadrājavarṇanam
292.29
tulādānādi bahuśo mahādānānukīrttanam || kalpānukīrttanaṃ tadvadgranthānukamaṇī tathā
292.30
etatpavitramāyuṣyametatkīrttivivarddhanam || etatpavitraṃ
kalyāṇaṃ mahāpāpaharaṃ śubham
292.31
asmātpurāṇādapi pādamekaṃ paṭhettu yaḥ so'pi vimuktapāpaḥ || nārāyaṇasyārupadameti nūnamanaṅgavādivyavapuḥ
sukhī syāt
292.31.p1
iti śrīmatsye mahāpurāṇe'nukramaṇikā nāmaikanavatyadhikādviśatatamo'dhyāyaḥ
Linked texts (3)
- Matsyapurāṇa — Vyāsa, Sanskrit
- Nāradapurāṇa — Vyāsa, Sanskrit
- Nāradopapurāṇa — Sanskrit