Matsya 30
Matsya 30
- Language
- Sanskrit
Contents
- 30.27 — 1 part
30.1
cha
śaunaka uvāca || yayātiḥ svapuraṃ prāpya mahendrapurasannibham || praviśyāntaḥpuraṃ tatra devayānīṃ nyaveśayat
30.2
devayānyāścānumate sutāṃ tāṃ vṛṣaparvva
ṇaḥ|| aśokavanikābhyāśe gṛhaṃ kṛtvā nyaveśayat
30.3
vṛtāṃ dāsīsahasreṇa śarmiṣṭhāmāsurāyaṇīm || vāsobhiratnapānaiśca saṃvibhajya susaṃvṛtām
30.4
devayānyā tu sahitaḥ sa nṛpo nahuṣātmajaḥ || vijahāra bahūnabdāndevavanmudito bhṛśam
30.5
ṛtukāle tu samprāpte devayānī varāṅganā || lebhe garbhaṃ
prathamataḥ kumārañca vyajāyata
30.6
gate varṣasahasre tu śarmiṣṭhā vārṣaparvvaṇī || dadarśa yauvanaṃ prāptā ṛtuṃ sā kamalekṣaṇā
30.7
cintayāmāsa dharmma
jñā ṛtuprāptau ca bhāminī || ṛtukālaśca samprāpto na kaścinme patirvṛtaḥ
30.8
kiṃ prāptaṃ kiñca karttavyaṃ kathaṃ kṛtvā sukhaṃ bhavet || devayānī prasū
tāsau vṛthāhaṃ prāptayauvanā
30.9
yathā tayā vṛto bharttā tathaivāhaṃ vṛṇomi tam || rājñā putraphalaṃ deyamiti me niścitā matiḥ || apīdānīṃ sa dharmmātmā
raho me darśanaṃ vrajet
30.10
śaunaka uvāca || || atha niṣkramya rājāsau tasminkāle yadṛcchayā || aśokavanikābhyāśe śarmiṣṭhāṃ prāpya
vismitaḥ
30.11
tamekaṃ rahasi dṛṣṭvā śarmiṣṭhā cāruhāsinī || pratyudgamyāñjaliṃ kṛtvā rājānaṃ vākyamabravīt
30.12
śarmiṣṭhovāca
somaścendraśca vāyuśca yamaśca varuṇaśca vā || tava vā nāhuṣa gṛhe kaḥ striyaṃ draṣṭumarhati
30.13
rūpamabhijanañśīlairhi tvaṃ rājanvettha māṃ sadā
sā tvāṃ yāce prasādyeha rantumehi narādhipa
30.14
yayātiruvāca || || vedmi tvāṃ śīlasampannāṃ daityakanyāmaninditām || rūpantu te
na paśyāmi sūcyagramapi ninditam
30.15
māmabravīttadā śukno devayānīṃ yadāvaham || neyamāhvayitavyā te śayane vārṣaparvvaṇī
30.16
śarmiṣṭhovāca || || na narmayuktaṃ vacanaṃ hinasti na strīṣu rājanna vivāhakāle || prāṇātyaye sarvvadhanāpahāre pañcānṛtānyāhurapātakāni
30.17
pṛṣṭāstu sākṣye pravadanti cānyathā bhavanti mithyāvacanā narendra te || ekārthatāyāntu samāhitāyāṃ mithyā vadantaṃ hyanṛtaṃ hinasti
30.18
yayātiruvāca || || rājā pramāṇaṃ bhūtānāṃ sa vinaśyenmṛṣā vadan || arthakṛcchramapi prāpya na mithyā karttumutsahe
30.19
śarmiṣṭhovā
ca || || samāvetau matau rājanpatiḥ sakhyāśca yaḥ patiḥ|| samaṃ vivāha ityāhuḥ sakhyā me'si patiryataḥ
30.20
yayātiruvāca
dātavyaṃ yācamānasya hīti me vratamāhitam || tvañca yācasi kāmaṃ māṃ brūhi kiṃ karavāṇi tat
30.21
śarmiṣṭhovāca || adharmmāttrāhi māṃ rā
jandharmañca pratipādaya || tvatto'patyavatī loke careyaṃ dharmmamuttamam
30.22
traya evādhanā rājanbhāryyā dāsastathā sutaḥ || yatte samadhigacchanti ya
sya te tasya taddhanam
30.23
devayānyā bhujiṣyāsmi vaśyā ca tava bhārgavī || sā cāhañca tvayā rājanbharaṇīyāṃ bhajasva mām
30.24
śau
naka uvāca || || evamuktastayā rājā tathyamityabhijajñivān || pūjayāmāsa śarmiṣṭhāṃ dharmañca pratipādayat
30.25
sa samāgamya śarmiṣṭhāṃ yathākā
mamavāpya ca || anyonyañcābhisampūjya jagmatustau yathāgatam
30.26
tasminsamāgame subhrūḥ śarmiṣṭhā vārṣaparvvaṇī || lebhe garbhaṃ prathamatastasmānnṛpati
sattamāt
30.27
prajajñe ca tataḥ kāle rājñī rājīvalocanā || kumāraṃ devagarbhābhamādityasamatejasam
30.27.p1
iti śrīmātsye mahāpurāṇe somavaṃśe yayāticarite ekatriśo'dhyāyaḥ
Linked texts (2)
- Matsyapurāṇa — Vyāsa, Sanskrit
- Critical edition (BORI) — Sanskrit