Matsya 32
Matsya 32
- Language
- Sanskrit
Contents
- 32.30 — 1 part
32.1
cha
śaunaka uvāca || || jarāṃ prāpya yayātistu svapuraṃ prāpya caiva hi || putraṃ jyeṣṭhaṃ variṣṭhañca yadumityabravīdvacaḥ
32.2
yayātiruvāca
jarā balī ca māṃ tāta palitāni ca paryyaguḥ || kāvyasyośanasaḥ śāpānna ca tṛpto'smi yauvane
32.3
tvaṃ yado pratipadyasva pāpmānaṃ jarayā saha
yauvanena tvadīyena careyaṃ viṣayānham
32.4
pūrṇe varṣasahasre tu tvadīyaṃ yauvanantvaham || dattvā sampratipatsyāmi pāpmānaṃ jarayā saha
32.5
yaduruvāca || || sitaśmaśrudharo dīno jarasā śithilīkṛtaḥ || valī santatagātraśca durddarśo durbbalaḥ kṛśaḥ
32.6
aśaktaḥ kāryyakaraṇe
paribhūtaḥ sa yauvane || sahopajīvibhiścaiva tajjarāṃ nābhikāmaye
32.7
santi te bahavaḥ putrā mattaḥ priyatarā nṛpa || jarāṃ grahītuṃ dharmajña putramanyaṃ
vṛṇīṣva vai
32.8
yayātiruvāca || || yastvaṃ me hṛdayājjāto vayaḥ svaṃ na prayacchasi || pāpānmātulasambandhādduṣprajā te bhaviṣyati
32.9
turvvaso pratipadyasva pāpmānaṃ jarayā saha || yauvanena careyaṃ vai viṣayāṃstava putraka
32.10
pūrṇe varṣasahasre tu punardrāsyāmi yauvanam || tathaiva prati
patsyāmi pāpmānaṃ jarayā saha
32.11
turvvasuruvāca || || na kāmaye jarāṃ tāta kāmabhogapraṇāśinīm || balarūpāntakaraṇīṃ buddhimānavi
nāśinīm
32.12
yayātiruvāca || || yastvaṃ me hṛdayājjāto vayaḥ svaṃ na prayacchasi || tasmātprajāsamucchedaṃ turvvaso tava yāsyati
32.13
saṅkīrṇāśvoradharmeṣu pratilomacareṣu ca || piśitāśiṣu lokeṣu nūnaṃ rājā bhaviṣyasi
32.14
gurudāraprasakteṣu tiryagyonirateṣu ca || paśudharmi
ṣu mleccheṣu pāpeṣu prabhavaṣyasi
32.15
śaunaka uvāca || || evaṃ sa turvvasuṃ śaptvā yayātiḥ sutamātmanaḥ || śarmiṣṭhāyāḥ sutaṃ jyeṣṭhaṃ druhyuṃ
vacanamabravīt
32.16
yayātiruvāca || || druhyo tvaṃ pratipadyasva varṇarūpavināśinīm || jarāṃ varṣasahasraṃ me yauvanaṃ svaṃ prayacchatām
32.17
pūrṇe varṣasahasre tu te pradāsyāmi yauvanam || svañcādāsyāmi bhūyo'haṃ pāpmānaṃ jarayā saha
32.18
druhyuruvāca || || na rājyaṃ na rathaṃ nāśvaṃ
jīrṇo bhuṅkte na ca striyam || na rāgaścāsya bhavati tajjarāṃ te na kāmaye
32.19
yayātiruvāca || || yastvaṃ me hṛdayājjāto vayaḥ svaṃ na
prayacchasi || tadguhyo vai priyaḥ kāmo na te sampatsyate kvacit
32.20
naurūpaplavasañcāro yatra nityaṃ bhaviṣyati || arājyabhojaśabdaṃ tvaṃ tatra prā
psyasi sānvayaḥ
32.21
yayātiruvāca || || ano tvaṃ pratipadyasva pāpmānaṃ jarayā saha || ekaṃ varṣasahasrantu careyaṃ yauvanena te
32.22
anuruvāca || || jīrṇaḥ śiśurivādatte kāle'nnamaśuciryathā || na juhoti ca kāle'gniṃ tāṃ jarāṃ nābhikāmaye
32.23
yayātiruvāca
yastvaṃ me hṛdayājjāto vayaḥ svaṃ na prayacchasi || jarādoṣastvayokto yastasmāttvaṃ pratipadyase
32.24
prajāśca yauvanaṃ prāptā vinaśyanti hyano tava
agnipraskandanagatastvañcāpyevaṃ bhaviṣyasi
32.25
yayātiruvāca || || pūro tvaṃ pratipadyasva pāpmānaṃ jarayā saha || tvaṃ me priyataraḥ putrastvaṃ
varīyānbhaviṣyasi
32.26
jarā valī ca māṃ tāta palitāni ca paryyuguḥ || kāvyasyośanasaḥ śāpānna ca tṛpto'smi yauvane
32.27
kiñcitkālaṃ
careyaṃ vai viṣayānvayasā tava || pūrṇe varṣasahasre tu pratidāsyāmi yauvanam || svañcaiva pratipatsye'haṃ pāpmānaṃ jarayā saha
32.28
śaunaka
uvāca || || evamuktaḥ pratyuvāca pūruḥ pitaramañjasā || yathāttha tvaṃ mahārāja tatkariṣyāmi te vacaḥ
32.29
pratipatsyāmi te rājanpāpmānaṃ jarayā
saha || gṛhāṇa yauvanaṃ mattaścara kāmānyathepsitān
32.30
jarayāhaṃ praticchanno vayorūpadharastava || yauvanaṃ bhavate dattvā cariṣyāmi yathecchayā
32.30.p1
iti śrīmatsye mahāpurāṇe somavaṃśe yayāticarite trayastriṃśo'dhyāyaḥ
Linked texts (3)
- Matsyapurāṇa — Vyāsa, Sanskrit
- Critical edition (BORI) — Sanskrit
- Brahmapurāṇa — Vyāsa, Sanskrit