Matsya 34

cha || || śaunaka uvāca || || evaṃ sa nāhuṣo rājā yayātiḥ putramīpsitam || rājye'bhiṣicya mudi
to vānaprastho'bhavanmuniḥ

uṣitvā vanavāsaṃ sa brāhmaṇaiḥ saha saṃśritaḥ || phalamūlāśano dānto yathā svargamito gataḥ

sa gataḥ svargavā
santu nyavasanmuditaḥ sukhī || kālasya nātimahataḥ punaḥ śakreṇa pātitaḥ

vivaśaḥ pracyutaḥ svargādaprāpto medinītalam || sthitaścāsīdantarikṣe
sa tadeti śrutaṃ mayā

tata eva punaścāpi gataḥ svargamiti śrutiḥ || rājñā vasumattā sārddhamaṣṭakena ca vīryyavān || pratardanena śibinā sametya
kila saṃsadi

śatānīka uvāca || || karmmaṇā kena sa divaṃ punaḥ prāpto mahīpatiḥ || kathamitreṇa bhagavanpātito medinīṃtale

sarvvametadaśeṣeṇa śrotucchāmi tattvataḥ || kathyamānaṃ tvayā vipra devarṣigaṇasannidhau

devarājasamo hyāsīdyayātiḥ pṛthivīpatiḥ || varddhanaḥ kuruvaṃśa
sya vibhāvasusamadyutiḥ

tasya vistīrṇayaśasaḥ satyakīrttimahātmanaḥ || śrotumicchāmi deveśa divi ceha ca sarvvaśaḥ

śaunaka
uvāca || || hanta te kathayiṣyāmi yayāteruttamāṃ kathām || divi ceha ca puṇyārthī sarvvapāpapraṇāśinīm

yayātirnāhuṣo rājā pūruṃ putraṃ kanī
yasam || rājye'bhiṣicya muditaḥ pravavrāja vanaṃ tadā

anteṣu sa vinikṣipya putrānnyadrupurogamān || phalamūlāśano rājā vane'sau nyavasacciram

sa jitātmā jitakrodhastaparyyanpitṛdevatāḥ || agnīṃśca vidhivajjuhvanvānaprasthavidhānataḥ

atithīnpūjayannityaṃ vanyena haviṣā vibhuḥ
śiloñchavṛttimāsthāya śeṣānnakṛtabhojanaḥ

pūrṇaṃ sahasraṃ varṣāṇāmevaṃvṛttirabhūnnṛpaḥ|| ambubhakṣaḥ sa cāndāṃstrīnāsīnniyatavāṅmanaḥ

tata
stu vāyubhakṣo'bhūtsaṃvatsaramatandritaḥ|| pañcāgnimadhye ca tapastepe saṃvatsaraṃ punaḥ

ekapādasthitaścāsītṣaṇmāsānanilāśanaḥ || puṇyakīrtti
stataḥ svargaṃ jagāmāvṛtya rodasī

iti śrīmātsye mahāpurāṇe somavaṃśe yayāticarite pañcatriṃśo'dhyāyaḥ

Linked texts (3)