Matsya 36

cha || || indra uvāca || sarvvāṇi kāryāṇi samāpya rājan gṛhānparityajya vanaṃ gato'si || tattvāṃ pṛcchāmi nahuṣasya putra kenāpi tu
lyastapasā yayāte

yayātiruvāca || nāhaṃ devamanuṣyeṣu na gandharvvamaharṣiṣu || ātmanastapasā tulyaṃ kañcitpaśyāmi vāsava

indra uvāca || yadāvamaṃsthāḥ sadṛśaḥ śreyasaśca pāpīyasaścāviditaprabhāvaḥ|| tasmāllokā hyantavantastaveme kṣīṇe puṇye patito'syadya rājan

yayātiruvāca || surarṣigandharvvanarāvamānātkṣayaṃ gatā me yadi śakralokāḥ || icchāmyahaṃ suralokādvihīnaḥ satāṃ madhye patituṃ devarāja

indra uvāca || || satāṃ sakāśe patito'si rājaṃścyutaḥ pratiṣṭhāṃ yatra labdhāsi bhūyaḥ || evaṃ viditvā tu punaryyātenate'vamānyāḥ sadṛśaḥ śreya
se ca

śaunaka uvāca || || tataḥ papātāmararājajuṣṭātpuṇyāllokātpatamānaṃ yayātim || samprekṣya rājarṣivaro'ṣṭakastamuvāca yaddharmma
vidhānagoptā

aṣṭaka uvāca || || kastvaṃ yuvā vāsavtulyarūpaḥ svatejasā dīpyamāno yathāgniḥ || patasyudīrṇā'mbudharaprakāśaḥ khe
khecarāṇāṃ pravaro yathārkaḥ

dṛṣṭvā ca tvāṃ sūryyapathātpatantaṃ vaiśvānarārkadyutimaprameyam || kinnusvidetatpatatīva sarvve vitarkayantaḥ parimohitāḥ
smaḥ

dṛṣṭvā ca tvādhiṣṭhitaṃ devamārge śakrārkaviṣṇupratimaprabhāvam || pratyudgatāstvāṃ vayamadya sarvve tasmātpāte tava jijñāsāmānāḥ

na cāpi tvāṃ dhṛṣṇavaḥ praṣṭumagre na ca tvamasmānpṛcchasi ke vayaṃ sma || tattvāṃ pṛcchāmi spṛhaṇīyarūpaṃ kasya tvaṃ vā kiṃ nimittaṃ tvamāgāḥ

bhayantu te vyetu viṣādamohau tyajāśu devendrasamānarūpa || tvāṃ varttamānaṃ hi satāṃ sakāśe śakro na soḍhuṃ balahāpi śaktaḥ

santaḥ pratiṣṭhā hi
sukhacyutānāṃ satāṃ sadaivāmararājakalpa || te saṅgatāḥ sthāvarajaṅgamāeśāḥ pratiṣṭhitastvaṃ sadṛśeṣu satsu

prabhuragniḥ pratapane bhūmiśrāvapane
prabhuḥ || prabhuḥsūryyaḥ prakāśācca satāñcābhyāgataḥ prabhuḥ

iti śrīmātsye mahāpurāṇe somavaṃśe yayāticarite saptatriṃśo'dhyāyaḥ

Linked texts (3)