Matsya 37
Matsya 37
- Language
- Sanskrit
Contents
- 37.22 — 1 part
37.1
yayātiruvāca || || ahaṃ yayātirnahuṣasya putraḥ pūroḥ pitā sarvvabhūtāvamānāt || prabhraṃśito'haṃ surasiddhalokātparicyutaḥ prapatāmyalpapuṇyaḥ
37.2
ahaṃ hi pūrvvoṃ vayasā bhavadbhavastenābhivādaṃ bhavatāṃ na yuñje || yo vidyayā tapasā janmanā vā vṛddhaḥ sa vai sambhavati dvijānām
37.3
aṣṭaka uvāca || || avādīstvaṃ vayasāsmi vṛddha iti vai rājannadhikaḥ kathañcit || yo vai vidvāṃstapasā ca vṛddhaḥ sa eva pūjyo bhavati dvijānām
37.4
yayātiruvāca || || pratikūlaṃ karmmaṇāṃ pāpamāhustadvarttināṃ pravaṇaṃ pāpalokam || santo'sato nānuvarttanta te vai yadātmanaiṣāṃ pratikūlavādī
37.5
abhū
ddhanaṃ me vipulaṃ mahadvai viceṣṭamāno'dhigantā tadasmi || evaṃ pradhāyyātmahite niviṣṭo yo varttate sa vijānāti dhīraḥ
37.6
nānābhāvā bahavo jīvaloke
daivādhīnā naṣṭaceṣṭādhikārāḥ || tattatprāpya na vihanyeta dhīro diṣṭaṃ balīya iti matvātmabuddhyā
37.7
sukhaṃ hi janturyyadivāpi duḥkhaṃ daivādhīnaṃ vindati
nātmaśaktyā || tasmāddiṣṭaṃ balavanmanyamāno na saṃjvarennāpi hṛṣyetkadācit
37.8
duḥkhe na tapyeta sukhe na hṛṣyetsamaina vartteta sadaiva dhīraḥ
diṣṭaṃ balīya iti manyamāno na saṃjvarennāpi hṛṣyetkadācit
37.9
bhaye na muhyāmyaṣṭakāhaṃ kadācitsantāpo me mānaso nāsti kaścit || dhātā
yathā māṃ vidadhāti loke dhruvaṃ tadāhaṃ bhaviteti matvā
37.10
saṃsvedajā hyaṇḍajā hyudbhidaśca sarīsṛpāḥ kṛmayo'pyapsu matsyāḥ || tathāśmānastṛṇa
kāṣṭhañca sarvvaṃ diṣṭakṣaye svāṃ prakṛtiṃ bhajante
37.11
anityatāṃ sukhaduḥkhasya buddhvā kasmātsantāpamaṣṭakāhaṃ bhajeyam || kiṃ kuryyāṃ vai kiñca kṛtvā na
tapye tasmātsantāpaṃ varjjayāmyapramattaḥ
37.12
śaunaka uvāca || evaṃ bruvāṇaṃ nṛpatiṃ yayātimathāṣṭakaḥ punarevānvapṛcchat || mātāmahaṃ sarvvaguṇopapannaṃ
yatra sthitaṃ svargaloke yathāvat
37.13
aṣṭaka uvāca || || ye ye lokāḥ pārthivendra pradhānāstvayā bhuktā yacca kālaṃ yathā ca || tanme rājanbrūhi
sarvvaṃ yathāvatkṣetrajñavadbhāṣase tvaṃ hi dharmmam
37.14
yayātiruvāca || || rājāhamāsantviha sārvvabhaumastato lokānmahataścārjayaṃ vai || tatrāvasaṃ
varṣasahasramātraṃ tato lokānparamānabhyupetaḥ
37.15
tataḥ purīṃ purūhūtasya ramyāṃ sahasradvārāṃ śatayojanāntām || adhyāvasaṃ varṣasahasramātraṃ tato
lokānparamānabhyupetaḥ
37.16
tato divyamajaraṃ prāpya lokaṃ prajāpaterlokapaterdurāpam || tatrāvasaṃ varṣasahasramātraṃ tato lokānparamānabhyupetaḥ
37.17
devasya devasya niveśane ca vijitya lokāhyavasaṃ yatheṣṭam || sampūjyamānastridaśaiḥ samastaistulyaprabhāvadyutirīśvarāṇām
37.18
tathāvasaṃ nandane kāmarūpī saṃvatsarāṇāmayutaṃ śatānām || sahāpsarobhirvicaranpuṇyagandhān paśyanvragānpuṣpitāṃścārurūpān
37.19
tatra sthitaṃ māṃ
devasukheṣu saktaṃ kāle'tīte mahati tato'timātram || dūto devānāṃmabravīdugrarūpo dhvaṃsetyuccaistriḥ putena svareṇa
37.20
etāvanme viditaṃ rājarsi
ha tato bhraṣṭo'haṃ nandanātkṣīṇapuṇyaḥ || vāco'śrauṣañcāntarikṣe surāṇāmanukrośācchocatāṃ māṃ narendra
37.21
akasmādvai kṣīṇapuṇyo yayātiḥ
patatyasau puṇyakṛtpuṇyakīrttiḥ || tānbruvaṃ patamānastadāhaṃ satāṃ madhye nipateyaṃ kathaṃ nu
37.22
tairākhyātaṃ bhavatāṃ yajñabhūmiṃ samīkṣya caināmaha
māgato'smi || havirgandhairddarśitāṃ yajñabhūmiṃ dhūmāpāṅgaṃ parigṛhya pratītām
37.22.p1
iti śrīmātsye mahāpurāṇe somavaṃśe yayāticarite'ṣṭātriṃśo'dhyāyaḥ
Linked texts (2)
- Matsyapurāṇa — Vyāsa, Sanskrit
- Critical edition (BORI) — Sanskrit