Pramāṇa · Search · About · API

Matsya 4

Matsya 4

Language
Sanskrit

Contents

4.1

ṛṣaya ūcuḥ || devānāṃ dānavānāñca gandharboragarakṣasām||utpattiṃ vista
reṇaiva sūta brūhi yathātatham

4.2

sūta uvāca || || saṅkalpāddarśanātsparśātpūrveṣāṃ sṛṣṭirucyate || dakṣātprācetasāddhvaṃ sṛṣṭirmaithunasambhavā

4.4

prajāḥ
sṛjeti vyādiṣṭaḥ pūrve dakṣaḥ svayambhuvā || yathā sasarja caivādau tathaiva śṛṇuta dvijāḥ||3||yadā tu sṛjatastasya devarṣigaṇapannagān || na vṛddhiṃmagamallokastadā
maithunayogataḥ || dakṣaḥ putrasahastrāṇi pāñcajanyāmajījanat

4.5

tāṃstu dṛṣṭvā mahābhāgaḥ sisṛkṣurvividhāḥ prajāḥ || nāradaḥ prāha haryyaśvāndakṣaputrānsamā
gatān

4.6

bhuvaḥ pramāṇaṃ sarvvata jñātvordhvamadha eva ca || tataḥ sṛṣṭiṃ viśeṣeṇa kurudhvamṛṣisattamāḥ

4.7

te tu tadvacanaṃ śrutvā prayātāḥ sarvvato
diśam || adyāpi na nivarttante samudrādiva sindhavaḥ

4.8

haryyaśveṣu praṇaṣṭeṣu punarddakṣaḥ prajāpatiḥ || vairiṇyāmeva putrāṇāṃ sahasramasṛjatprabhuḥ

4.9

śabalā nāma te viprāḥ sametāḥ sṛṣṭihetavaḥ || nārado'nugatānaprāha punastānpūrvvavatsa tān

4.10

bhuvaḥ pramāṇaṃ sarvvatra jñātvā bhrātṝnatho punaḥ
āgatya cātha sṛṣṭiñca kariṣyatha viśeṣataḥ

4.11

te'pi tenaiva mārgeṇa jagmurbhrātṛpathā tadā || tataḥ prabhṛti na bhrātuḥ kanīyānmārgamanucchati || a
nviṣyanduḥkhamāpnoti tena tatparivarjayet

4.12

tatasteṣu vinaṣṭeṣu ṣaṣṭiṃ kanyāḥ prajāpatiḥ || vairiṇyāṃ janayāmāsa dakṣaḥ prācetasastathā

4.13

prādātsa daśa dharmmāya kaśyapāya trayodaśa || saptaviṃśati somāya catasro'riṣṭanemaye

4.14

dve caiva bhṛguputrāya dve kṛśāśvāya dhīmate || dve caivāṅgi
rase tadvattāsāṃ nāmāni vistarāt

4.15

śṛṇudhvaṃ devamātṝṇāṃ prajāvistaramāditaḥ || marutvatī vasuryyāmī lambā bhānururundhatī

4.16

saṅka
lpā ca muhūrttā ca sādhyā viśvā ca bhāminī || dharmapatnyaḥ samākhyātāstāsāṃ putrānnibodhata

4.17

viśvedevāṃstu viśvāyāḥ sādhyā sādhyān
jījanat || marutvatyāṃ marutvanto vasostu vasavastathā

4.18

bhānostu bhānavastadvanmuhūrttāyāṃ muhūrttakāḥ || lambāyāṃ ghoṣanāmāno nāgavīthī tu yāmijā

4.19

pṛthivītalasambhūtamarundhatyāmajāyata || saṅkalpāyāstu saṅkalpo vasusṛṣṭiṃ nibodhata

4.20

jyotiṣmantastu ye devā vyāpakāḥ sarvvato
diśam || vasavaste samākhyātāsteṣāṃ sargaṃ nibodhata

4.21

āpo dhruvaśca somaśca dharaścaivānilo'nalaḥ || pratyūṣaśca prabhāsaśca vasavo'ṣṭau prakīrttitāḥ

4.22

āpasya putrāścatvāraḥ śānto vai daṇḍa eva ca || śāmbo'tha maṇivakraśca yajñarakṣādhikāriṇaḥ

4.23

dhruvasya kālaḥ putrastu varccāḥ somādajāyata
draviṇo havyavāhaśca dharaputrāvubhau smṛtau

4.24

kalyāṇiyāṃ tataḥ prāṇo ramaṇaḥ śiśiro'pi ca || manoharā dharātputrānavāpātha hareḥ sutā

4.25

śivā manojavaṃ putramavijñātagatiṃ tathā || avāpa cānalātputrāvabhiprāyaguṇau punaḥ

4.26

agniputraḥ kumārastu śarastambe vyajāyata || tasya
śākho viśākhaśca naigameyaśca pṛṣṭhajāḥ

4.27

apatyaṃ kṛttikānāntu kārttikeyastataḥ smṛtaḥ || pratyūṣasa ṛṣiḥ putro vibhurnāmnātha devalaḥ || viśvaka
rmmā prabhāsasya putraḥ śilpī prajāpatiḥ

4.28

prāsādabhavanodyānapratimābhūṣaṇādiṣu || taḍāgārāmakūpeṣu smṛtaḥ so'maravarddhakiḥ

4.29

ajai
kapādahirbudhnyo virūpākṣo'tha raivataḥ || haraśca bahurūpaśca tryambakaśca sureśvaraḥ

4.30

sāvitraśca jayantaśca pinākī cāparājitaḥ || ete rudrāḥ samā
khyātā ekādaśa gaṇeśvarāḥ

4.31

eteṣāṃ mānasānāntu triśūlavaradhāriṇām || koṭyaścaturāśītistatputrāścākṣayā matāḥ

4.32

dikṣu sarvvā
su ye rakṣāṃ prakurvvanti gaṇeśvarāḥ || putrapautrasutāścaite surabhīgarbhasambhavāḥ

4.32.p1

iti śrīmātsye mahāpurāṇe ādisarge vasurudrānvavāyo nāma pañcamo'dhyāyaḥ

Linked texts (8)