Matsya 40
Matsya 40
- Language
- Sanskrit
Contents
- 40.18 — 1 part
40.1
aṣṭaka uvāca || || katarastvetayoḥ pūrvvaṃ devānāmapi sātmyatām || ubhayordhāvato
rājansūryācandramasoriva
40.2
yayātiruvāca || || aniketagṛhastheṣu kāmavṛtteṣu saṃyataḥ || grāma eva caranbhikṣustayoḥ pūrvvataraṃ gataḥ
40.3
aprāpyaṃ dīrghamāyuśca yaḥ prāpto vikṛtiṃ caret || tapyeta yadi tatkṛtvā caretso'yaṃ tapastataḥ
40.4
yadvai nṛśaṃsaṃ tadapathyamāhuryyaḥ sevate dharmamanarthabu
ddhiḥ || asāvanīśaḥ sa tathaiva rājaṃstadārjavaṃ sa samādhistadāyam
40.5
aṣṭaka uvāca || || kenādya tvantu prahito'si rājanyuvā sragvī darśa
nīyaḥ suvarcāḥ || kuta āgataḥ katamasyāṃ diśi tvamutāhosvitpārthivasthānamasti
40.6
yayātiruvāca || || imaṃ bhaumaṃ narakaṃ kṣīṇapuṇyaḥ
praveṣṭumurvvīṃ gaganādviprakīrṇaḥ || uktavāhaṃ vaḥ prapatiṣyāmyanantaraṃ tvarantvamī brahmaṇo lokapā ye
40.7
satāṃ sakāśe tu vṛtaḥ prapātaste saṅgatā
guṇavantastu sarvve || śakrācca labdho hi varo mayaiṣa patiṣyatā bhūmitalaṃ narendra
40.8
aṣṭaka uvāca || || pṛcchāmi tvāṃ prapatantaṃ prapātaṃ
yadi lokāḥ pārthiva santi me'tra || yadyantarikṣe yadi vā diviśritāḥ kṣetrajñaṃ tvāṃ tasya dharmmasya manye
40.9
yayātiruvāca || || yāvatpṛ
thivyāṃ vihitaṃ gavāśvaṃ sahāraṇyaiḥ paśubhiḥ pakṣibhiśca || tāvallokā divi te saṃsthitā vai tathā vijānīhi narendrasiṃha
40.10
aṣṭaka uvāca
tāṃste dadāmi mā prapata prapātaṃ ye me lokā divi rājendra santi || yadyantarikṣe yadi vā diviśritāstānākrama kṣipramamitrahāsi
40.11
yayāti
ruvāca || || nāsmadvidho brāhmaṇo brahmavicca pratigrahe vartate rājamukhya || yathā pradeyaṃ satataṃ dvijebhyastathā dade pūrvvamahaṃ narendram
40.12
nābrāhmaṇaḥ
kṛpaṇo jātu jīvedyadyapi syādbrāhmaṇī vīrapatnī || so'haṃ yadevākṛtapūrvvaṃ careyaṃ vivitsamānaḥ kimu tatra sādhuḥ
40.13
pratarddana uvāca
pṛcchāmi tvāṃ spṛhaṇīyarūpa pratarddano'haṃ yadi me santi lokāḥ || yadyantarikṣe yadi vā diviśrutāḥ kṣetrajñaṃ tvāṃ tasya dharmasya manye
40.14
yayā
tiruvāca || || santi lokā bahavaste narendra adhyaikaikaṃ sapta śatānyahāni || madhucyuto ghṛtavanto viśokāstenāntavantaḥ pratipālayanti
40.15
pratarddana uvāca || || tāṃste dadāmi patamānasya rājanye me lokāstava te vai bhavantu || yadyantarikṣe yadi vā diviśritāstānākrama kṣipramapeta
mohaḥ
40.16
yayātiruvāca || || na tulyatejāḥ sukṛtaṃ hi kāmaye yogakṣemaṃ pārthivātpārthivaḥ san || daivādeśādāpadaṃ prāpya vidvāṃścerennṛśaṃsaṃ
hi na jātu rājā
40.17
dharmaṃ mārgaṃ cintayāno yaśasyaṃ kuryyāttapodharmmamavekṣamāṇaḥ || na madvidho dharmabuddhirhi rājā hyevaṃ kuryyātkṛpaṇaṃ māṃ
yathāttha
40.18
kuryyāmapūrvvaṃ na kṛtaṃ yadanyairvivitsamānaḥ kimu tatra sādhuḥ || bruvāṇamevaṃ nṛpatiṃ yayātiṃ nṛpottamo vasumānabravīttam
40.18.p1
iti śrīmatsye mahāpurāṇe somavaṃśe yayāticarite ekacatvāriṃśo'dhyāyaḥ
Linked texts (2)
- Matsyapurāṇa — Vyāsa, Sanskrit
- Critical edition (BORI) — Sanskrit