Matsya 44
Matsya 44
- Language
- Sanskrit
Contents
- 44.34 — 1 part
44.1
cha || || sūta uvāca
gāndhārī caiva mādrī ca vṛṣṇibhāryye babhūvatuḥ || gāndhārī janayāmāsa sumitraṃ mitranandanam
44.2
mādrī yudhājitaṃ putraṃ tato vai devamīḍhuṣam || ana
mitraṃ śiviścaiva pañcamaṃ kṛtalakṣaṇam
44.3
anamitrasuto nimno nimnasyāpi tu dvau sutau || prasenaśca mahāvīryyaḥ śakrisainaśca tāvubhau
44.4
syamantakaḥ
prasenasya maṇiratnamuttamam || pṛthivyāṃ sarvvaratnānāṃ rājā vai so'bhavanmaṇiḥ
44.5
hṛdi kṛtvā tu bahuśo maṇiṃ tamabhiyācitaḥ || govindo'pi na
taṃ lebhe śakto'pi na jahāra saḥ
44.6
kadācinmṛgayāṃ yātaḥ prasenenastena bhūṣitaḥ || yathāśabdaṃ sa śuśrāva bile sattvena pūrite
44.7
tataḥ praviśya sa
bilaṃ praseno vṛkṣamaikṣata || ṛkṣaḥ prasenañca tathā ṛkṣaścaiva prasenajit
44.8
hatvā ṛkṣaḥ prasenantu tatastaṃ maṇimādadāt || adṛṣṭastu hatastena anta
rbilagatastadā
44.9
prasenantu hataṃ jñātvā govindaḥ pariśaṅkitaḥ || govindena hato vyaktaṃ praseno maṇikāraṇāt
44.10
prasenastu gato'raṇyaṃ maṇira
tnena bhūṣitaḥ || taṃ dṛṣṭvā sa hatastena govindaḥ pratyuvāca ha || hanmi cainaṃ durācāraṃ śatrubhūtaṃ hi vṛṣṇiṣu
44.11
atha dīrgheṇa kālena mṛgayāṃ nirgataḥ
punaḥ || yadṛcchayā ca govindo bilasyābhyāśamāgamat
44.12
taṃ dṛṣṭvā tu mahāśabdaṃ sa cakre ṛkṣarāṭ balī || śabdaṃ śrutvā tu govindaḥ khaḍgapāṇiḥ
praviśya saḥ || apaśyajjāmbavantaṃ tamṛkṣarājaṃ mahābalam
44.13
tatastūrṇaṃ hṛṣīkeśastamṛkṣapatimañjasā || jāmbavantaṃ sa jagrāha krodhasaṃraktalo
canaḥ
44.14
tuṣṭāvainaṃ tadā ṛkṣaḥ karmmabhirvaiṣṇavaiḥ prabhum || tatastuṣṭastu bhagavānvareṇainamarocayat
44.15
jāmbavānuvāca
icche cakraprahāreṇa tvatto'haṃ maraṇaṃ prabho || kanyā ceyaṃ mama śubhā bharttāraṃ tvāmavāpnuyāt || yo'yaṃ maṇiḥ prasenantu hatvā prāpto mayā
prabho
44.16
tataḥ sa jāmbavantaṃ taṃ hatvā cakreṇa vai prabhuḥ || kṛtakarmmā mahābāhuḥ sakanyaṃ maṇimāharat
44.17
dadau satrājitāyai
naṃ sarvvasātvatasaṃsadi || tena mithyāpavādena santaptoyaṃ janārddanaḥ
44.18
tataste yādavāḥ sarvve vāsudevamathābruvan || asmākantu matirhyā
sītprasenastu tvayā hataḥ
44.19
kaikeyasya sutā bhāryyā daśa satrājitaḥ śubhāḥ || tāsūtpannāḥ sutāstasya śatamekantu viśrutāḥ
khyātimanto mahāvīryyā bhaṅkakārastu pūrvvajaḥ
44.20
atha vratavatī tasmādbhaṅkakārāttu pūrvvajāt || suṣuve sukumārīstu tisraḥ kamalalo
canāḥ
44.21
satyabhāmā varā strīṇāṃ vratinī ca dṛḍhavratā || tathā padmāvatī caiva tāśca kṛṣṇāya so'dadāt
44.22
anamitrācchinirjajñe kani
ṣṭhādvṛṣṇinandanāt || satyakastasya putrastu sātyakistasya cātmajaḥ
44.23
satyavānyuyudhānastu śinernaptā pratāpavān || asaṅgo yuyudhānasya dyu
miṃstasyātmajo'bhavat
44.24
dyumneryugandharaḥ putra iti śaineyāḥ prakīrttitāḥ || anamitrānvayo hyeṣa vyākhyāto vṛṣṇivaṃśajaḥ
44.25
anamitrasya
sañjñe pṛthyāṃ vīro yudhājitaḥ || anyau tu tanayau vīrau vṛṣabhaḥ kṣatra eva ca
44.26
vṛṣabhaḥ kāśirājasya sutāṃ bhāryyāmavindata || jayantastu
jayantyāntu putraḥ samabhavacchubhaḥ
44.27
sadāyajño'tivīraśca śrutavānatithipriyaḥ || akūraḥ suṣuve tasmātsadāyajño'tidakṣiṇaḥ
44.28
ratnā kanyā ca śai
vyasya akūrastāmavāptavān || putrānutpādayāmāsa tveekādaśa mahābalān
44.29
upalambhaḥ sadālambho vṛkalo vīryya eva ca || savītaraḥ sadāpakṣaḥ śatrughno
vārimejayaḥ
44.30
dharmmabhṛddharmmavarmmāṇau dhṛṣṭamānastathaiva ca || sarvve ca pratihotāro ratāyāṃ jajñire ca te
44.31
akūrādyugrasenāyāṃ sutau dvau kulavarddhanau
devavānupadevaśca jajñāte devasannibhau
44.32
aśvinyāñca tataḥ putrāḥ pṛthuvipulureva ca || aśvatthāmā subāhuśca supārśvakagaveṣaṇau
44.33
vṛṣṭinemiḥ sudharmmā ca tathā khyātireva ca || abhūmirvajrabhūmiśca śramiṣṭhaḥ śravaṇastathā
44.34
imāṃ mithyābhiśastiṃ yo veda kṛṣṇādapohitām
na sa mithyābhiśāpena abhiśāpyo'tha kenacit
44.34.p1
iti śrīmātsye mahāpurāṇe somavaṃśe pañcacatvāriṃśo'dhyāyaḥ
Linked texts (3)
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Brahmapurāṇa — Vyāsa, Sanskrit