Pramāṇa · Search · About · API

Matsya 5

Matsya 5

Language
Sanskrit

Contents

5.1

cha|| ||sūta uvāca|| || kaśyapasya pravakṣyāmi patnībhyaḥ putrapautrakān || aditirditirdanuścaiva ariṣṭā surasā
tathā

5.2

surabhirvinatā tadvattāmrā krodhavaśā irā || kadrūrviṃśvā munistadvattāsāṃ putrānnibodhata

5.3

tuṣitā nāma ye devāścākṣuṣasyāntare
manoḥ|| vaivasvate'ntare caite hyādityā dvādaśa smṛtāḥ

5.4

indro dhātā bhagarutvaṣṭā mitro'tha varuṇo yamaḥ|| vivasvānsavitā pūṣā aṃśumā
nviṣṇureva ca

5.5

ete sahasrakiraṇā ādityā dvādaśa smṛtāḥ || mārīcātkaśyapādāpa putrānaditiruttamān

5.6

kṛśāśvasya ṛṣeḥ putrā devapraharaṇāḥ
smṛtāḥ || ete devagaṇā viprāḥ pratimanvantareṣu ca

5.7

utpadyante pralīyante kalpe kalpe tathaiva ca || ditiḥ putradvayaṃ lebhe kaśyapāditi naḥ śrutam

5.8

hiraṇyakaśipuścaiva hiraṇyākṣaṃ tathaiva ca || hiraṇyakaśiporastadvajjātaṃ putracatuṣṭayam

5.9

prahlādaścānuhlādaśca saṃhlādo hlāda eva ca || prahlādaputra ā
yuṣmānchinvirvāṣkala eva ca

5.10

virocanaścaturthaśca sa baliṃ putramāptavān || baleḥ putraśataṃ tvāsīdvāṇajyeṣṭhaṃ tato dvijāḥ

5.11

dhṛtarāṣṭra
stathā sūryyaścandraścandrāṃśutāpanaḥ || nikumbhanābho gurvvakṣaḥ kukṣibhīmo vibhīṣaṇaḥ

5.12

evamādyāstu bahavo bāṇajyeṣṭhā guṇādhikāḥ || bāṇaḥ
sahasrabāhuśca sarvvāścagaṇasaṃyutaḥ

5.13

tapasā toṣito yasya pure vasati śūlabhṛt || mahākālatvamagamatsāmyaṃ yaśca pinākinaḥ

5.14

hira
ṇyākṣasya putro'bhūdulūkaḥ śakunistathā || bhūtasantāpanaścaiva mahānābhastathaiva ca

5.15

etebhyaḥ putrapautrāṇāṃ koṭayaḥ saptasaptatiḥ || mahābalā ma
hākāyā nānārūpā mahaujasaḥ

5.16

danuḥ putraśataṃ lebhe kaśyapādbaladarpitam || vipracittiḥ pradhāno'bhūdyeṣāṃ madhye mahābalaḥ

5.17

dvimūrddhā śa
kuniścaiva tathā śaṅkuśirodharaḥ|| ayomukhaḥ śambaraśca kapiśo vāmanastathā

5.18

mārīcimam̐cavāṃścaiva irāgarbhaśirāstathā || vidrāvaṇaśca ketuśca ke
tuvīryyaḥ śatahradaḥ

5.19

indrajitsaptajiccaiva vajranābhastathaiva ca|| ekacakro mahābāhurvvajrākṣastārakastathā

5.20

asilomā pulomā ca bindurvvāṇo mahā
suraḥ|| svarbhānurvṛṣaparvvā ca evamādyā danoḥ sutāḥ

5.21

svarbhānostu prabhā kanyā śacī caiva pulomajā || upadānavī mayasyāsīttathā mando
darī kuhūḥ

5.22

śarmiṣṭhā sundarī caiva candrā ca vṛṣaparvvaṇaḥ|| pulomā kālakā caiva vaiśvānarasute hi te

5.23

bahvapatye mahāsattve mārīcasya parigra
he|| tayoḥ ṣaṣṭisahasrāṇi dānavānāmabhūtpurā

5.24

paulomānkālakeyāṃśca mārīco'janayatpurā || avadhyā ye'marāṇāṃ vai hiraṇyapuravāsinaḥ

5.25

caturmukhāllabdhavarāste hatā vijayena tu || vipracittiḥ saiṃhikeyānsiṃhikāyāmajījanat

5.26

hiraṇyakaśipaurye vai bhāgineyāstrayodaśa
vyaṃsaḥ kalpaśca rājendra nalo vātāpireva ca

5.27

ilvalo namuciścaiva śvasṛpaścājanastathā || narakaḥ kālanābhaśca saramāṇastathaiva ca

5.28

kāla
vīryyaiśca vikhyāto danuvaṃśavivarddhanāḥ || saṃhlādasya tu daityasya nivātakavacāḥ smṛtāḥ

5.29

avadhyāḥ sarvvadevānāṃ gandharvvoragarakṣasām || ye hatā
bhargamāśritya tvarjunena raṇājire

5.30

ṣaṭ kanyā janayāmāsa tāmrā mārīcabījataḥ || śukī śyenī ca bhāsī ca sugrīvī gṛdhrikā śuciḥ

5.31

śukī śukāṉulūkāṃśca janayāmāsa dharmmataḥ || śyenī śyenāṃstathā bhāsī kurarānapyajījanat

5.32

gṛdhrī gṛdhrāṃnkapotāṃśca pārāvatavihaṅgamān
haṃsasārasakrauṃcāṃśca plavānchucirajījanat

5.33

ajāśvameṣoṣṭrakharān sugrīvī cāpyajījanat || eṣa tāmrānvayaḥ prokto vinatāyāṃ nibodhata

5.34

garuḍaḥ patatāṃ nātho varuṇaśca patatriṇām || saudāmanī tathā kanyā yeyaṃ nabhasi viśrutā

5.35

sampātiśca jaṭāyuśca aruṇasya sutāvubhau
sampātiputro babhruśca śīghragaścāpi viśrutaḥ

5.36

jaṭāyuṣaḥ karṇikāraḥ śatagāmī ca viśrutau || sāraso rajjuvālaśca bheruṇḍaścāpi tatsutāḥ

5.37

teṣāmanantamabhavatpakṣiṇāṃ putrapautrakam || surasāyāḥ sahasrantu sarpāṇāmabhavatpurā

5.38

sahasraśirasāṃ kadrūḥ sahasramcāpi suvrata || pradhānā
steṣu vikhyātāḥ ṣaḍviṃśatirindama

5.39

śeṣavāsukikarkoṭakaśaṅkhairāvatakambalāḥ || dhanañjayamahānīlapadmāśvataratakṣakāḥ

5.40

elāpatra
mahāpadmadhṛtarāṣṭrabalāhakāḥ || śaṅkhapālamahāśaṅkhapuṣpadaṃṣṭraśubhānanāḥ

5.41

śaṅkuromā ca bahulo vāmanaḥ pāṇinastathā || kapilo durmukhaścāpi
patañjaliriti smṛtāḥ

5.42

eṣāmanantamabhavatsarvveṣāṃ putrapautrakam || prāyaśo yatpurā dagdhaṃ janamejayamandire

5.43

rakṣogaṇaṃ krodhavaśā sva
nāmānamajījanat || daṃṣṭriṇāṃ niyutaṃ teṣāṃ bhīmasenādgātkṣayam

5.44

rudrāṇāñca gaṇaṃ tadvaddhomāhiṣyo varāṅganāḥ || surabhirjanayāmāsa kaśyapāt saṃ
yatavratā

5.45

munirmunīnāñca gaṇaṃ gaṇamapsarasāṃ tathā || tathā kinnaragandharvvānariṣṭājanayadbahūn

5.46

tṛṇavṛkṣalatāgulmamirā sarvvamajījanat
viśvā tu yakṣarakṣāṃsi janayāmāsa koṭiśaḥ

5.47

tata ekonapañcāśanmarutaḥ kaśyapāditiḥ || janayāmāsa dharmmajñānsarvvānamaravallabhāt

5.47.p1

iti śrīmātsye mahāpurāṇe ādisarge kaśyapānvayo nāma ṣaṣṭho'dhyāyaḥ

Linked texts (9)