Matsya 51
Matsya 51
- Language
- Sanskrit
Contents
- 51.26 — 1 part
51.1
cha
ṛṣaya ūcuḥ || || idānīṃ prāha yadviṣṇuḥ pṛṣṭaḥ paramamuttamam || tamidānīṃ samācakṣva dharmmādharmmasya vistaram
51.2
sūta uvāca || || evame
kārṇave tasminmatsyarūpī janārddanaḥ || vistāramādisargasya pratisargasya cākhilam
51.3
kathayāmāsa viśvātmā manave sūryyasūnave || karmmayogañca sāṃkhyañca
yathāvadvistarānvitam
51.4
ṛṣaya ūcuḥ || || śrotumicchāmahe sūta karmmayogasya lakṣaṇam || yasmādaviditaṃ loke na kiñcittava suvrata
51.5
sūta uvāca || || karmmayogañca vakṣyāmi yathāviṣṇuvibhāṣitam || jñānayogasahasrāddhi karmmayogaḥ praśasyate
51.6
karmmayogodbhavaṃ jñānaṃ tasmāttatpa
ramaṃ padam || karmma jñānodbhavaṃ brahma na ca jñānamakarmaṇaḥ
51.7
tasmātkarmmaṇi yuktātmā tattvamāpnoti śāśvatam || vedo'khilo dharmmamūlamācāraścaiva
tadvidām
51.8
aṣṭāvātmaguṇāstasminpradhānatvena saṃsthitāḥ || dayā sarvveṣu bhūteṣu kṣāntī rakṣāturasya tu
51.9
anasūyā tathā loke śaucamantarba
hirddijāḥ || anāyāseṣu kāryyeṣu māṅgalyācārasevanam
51.10
na ca dravyeṣu kārpaṇyamārttairbhūṣārjiteṣu ca||tathā'spṛhā paradravye parastrīṣu ca sarvvadā
51.11
aṣṭāvātmaguṇāḥ proktāḥ purāṇasya tu kovidaiḥ || ayameva kriyāyogo jñānayogasya sādhakaḥ
51.12
karmmayogaṃ vinā jñānaṃ kasyacinneha dṛśyate
śrutismṛtyuditaṃ dharmmamupatiṣṭhetprayatnataḥ
51.13
devatānāṃ pitṝṇāñca manuṣyāṇāñca sarvvadā || kuryyādaharaharyyajñairbhūtaughaṇatarpaṇam
51.14
svādhyāyairarcayedṛṣīnhomairvidvānyathāvidhi || pitṝñchrāddhairannadānairbhūtāni balikarmmabhiḥ
51.15
pañcaite vihitā yajñāḥ pañcasūnāpanuttaye
kaṇḍanī peṣaṇī cullī jalakumbhī pramārjanī
51.16
pañca sūnā gṛhasthasya tena svarge na gacchati || tatpāpanāśanāyāmī pañca yajñāḥ prakīrttitāḥ
51.17
dvāviṃśatistathāṣṭau ca ye saṃskārāḥ prakīrttitāḥ || tadyukto'pi na mokṣāya yastvatmaguṇavarjitaḥ
51.18
tasmādātmaguṇopetaḥ śrutikarmma
samācaret || gobrāhmaṇānāṃ vittena sarvvadā bhadramācaret
51.19
gobhūhiraṇyavāsobhirgandhamālyodakena ca || pūjayedbrahmaviṣṇvarkarudravasvātmakaṃ
śivam
51.20
vratopavāsairvidhivacchraddhayā ca vimatsaraḥ || yo'sāvatīndriyaḥ śāntaḥ sūkṣmo'vyaktaḥ sanātanaḥ || vāsudevo jaganmūrttistasya sambhūtayo
dyamī
51.21
brahmā viṣṇuśca bhagavānmāttaṃṇḍo vṛṣavāhanaḥ || aṣṭau ca vasavastadvadekādaśa gaṇādhipāḥ || lokapālādhipāścaiva pitaro mātarastathā
51.22
imā vibhūtayaḥ proktāścarācarasamanvitāḥ || brahmādyāścaturo mūlamavyaktādhipatiḥ smṛtaḥ
51.23
brahmaṇā cātha sūryeṇa viṣṇunātha śivena vā
abhedātpūjitena syātpūjitaṃ sacarācaram
51.24
brahmādīnāṃ paraṃ dhāma trayāṇāmapi saṃsthitiḥ || vedamūrtīvataḥ pūṣā pūjanīyaḥ prayatnataḥ
51.25
tasmādagnidvijamukhānkṛtvā sampūjayedimān || dānairvratopavāsaiśca japahomādinā naraḥ
51.26
iti kriyāyogaparāyaṇasya vedāntaśāstrasmṛtivatsalasya
vikarmmabhītasya sadā na kiñcitprāptavyamastīha pare ca loke
51.26.p1
iti śrīmatsye mahāpurāṇe yogamāhātmyaṃ nāma dvipañcāśo'dhyāyaḥ
Linked texts (2)
- Matsyapurāṇa — Vyāsa, Sanskrit
- Nityācārapaddhati (Vidyākara vājapeyin) — Vidyākara vājapeyin, Sanskrit