Matsya 53
Matsya 53
- Language
- Sanskrit
Contents
- 53.31 — 1 part
53.1
cha || sūta uvāca || || ataḥ paraṃ pravakṣyāmi dānadharmmā
naśeṣataḥ || vratopavāsasaṃyuktānyathāmatsyoditāniha
53.2
mahādevasya saṃvāde nāradasya ca dhīmataḥ || yathāvṛttaṃ pravakṣyāmi dharmmakāmārthasādhakam
53.3
kailāsaśikharāsīnamapṛcchannāradaḥ purā || trinayanamanaṅgārimanaṅgāṅgaharaṃ haram
53.4
nārada uvāca || || bhagavandevadeveśa brahmaviṣṇuvandyanāyaka
śrīmadārogyarūpāyurbhāgya saubhāgyasampadā || saṃyuktastava viṣṇorvā pumānbhaktaḥ kathaṃ bhavet
53.5
nārī vā vidhavā sarvaguṇasaubhāgyasaṃyutā || kramānmuktipradaṃ
deva kiñcidvratamihocyatām
53.6
īśvara uvāca || || samyakpṛṣṭaṃ tvayā brahmansarvvalokahitāvaham || śrutamapyatra yacchāntyai tadvrataṃ śṛṇu nārada
53.7
nakṣatrapuruṣaṃ nāma vrataṃ nārāyaṇātmakam || pādādikuryādvidhivadviṣṇunāmānukīrttanam
53.8
pratimāṃ vāsudevasya mūlakṣādiṣu cārcayet
caitramāsaṃ samāsādya kṛtvā brāhmaṇavācanam
53.9
mūle namo viśvadharāya pādau gulphāvanantāya ca rohiṇīṣu || jaṅke'bhipūjye varadāya caiva dve jānunī
vāśvikumāraṛkṣe
53.10
pūrvvottarāṣāḍhayuge tathorū namaḥ śivāyatyabhipūjanīyau || pūrvvottarāphalguniyugmake ca meḍhraṃ namaḥ pañcaśarāya pūjyam
53.11
kaṭiṃ namaḥ śāṅgidharāya viṣṇoḥ sampūjayennārada kṛttikāsu || tathārcayedbhādrapadādvaye ca pārśve namaḥ keśiniṣūdanāya
53.12
kukṣidvayaṃ nārada revatīṣu
dāmodarāyetyabhipūjanīyam || ṛkṣe'nurādhāsu ca mādhavāya namastathoraḥsthalameva pūjyam
53.13
pṛṣṭhaṃ dhaniṣṭhāsu ca pūjanī yamaghaughavidhvaṃsa karāya tacca
śrīśaṅgacakrāsigadādharāya namo viśākhāsu bhujāśca pūjyāḥ
53.14
haste tu hastā madhusūdanātha namo'bhipūjyeti kaiṭabhāreḥ || punarvvasāvaṅgulipūrvva
bhāgāḥ sāmnāmadhīśāya namo'bhipūjyāḥ
53.15
bhujaṅganakṣatradine nakhāni sampūjayenmatsyaśarīrabhājaḥ || kūrmasya pādau śaraṇaṃ vrajāmi jyeṣṭhāsu kaṇṭhe harirarca
nīyaḥ
53.16
śrotre varāhāya namo'bhipūjya janāddenasya śravaṇena samyak || puṣye mukhaṃ dānavasūdanāya namo nṛsiṃhāya ca pūjanīyam
53.17
namo
namaḥ kāraṇavāmanāya svātīṣu dantāgramathārccanīyam || āsyaṃ harerbhārgavanandanāya sampūjanīyaṃ dvija vāruṇe tu
53.18
namo'stu rāmāya maghāsu
nāsā sampūjanīyā raghunandanasya || mṛgottamāṅge nayane'bhipūjye namo'stu te rāma vivūrṇitākṣa
53.19
buddhāya śāntāya namo lalāṭaṃ citrāsu sampū
jyatamaṃ murāreḥ || śiro'bhipūjyaṃ bharaṇīṣu viṣṇornamo'stu viśveśvara kalkirūpiṇe
53.20
ārdrāsu keśāḥ puruṣottamasya sampūjanīyā haraye namante
upoṣitenarkṣadineṣu bhaktyā sampūjanīyā dvijapuṅgavāḥ syuḥ
53.21
pūrṇe vrate sarvvaguṇānvitāya satpātraśīlāya ca sāmagāya || haimīṃ viśālāyata
bāhudaṇḍāṃ muktāphalendūpalavajrayuktām
53.22
jalasya pūrṇe kalaśe niviṣṭāmarccīṃ harervastragavā sahaiva || śayyāṃ tathopaskarabhājanādiyuktāṃ pradyādvijapu
ṅgavāya
53.23
yadyasti yatkiñcidihāsti deyaṃ dadyādvijāyātmahitāya sarvvam || manorathaṃ naḥ saphalīkuruṣva hiraṇyagarbhācyuta rudrarū
pin
53.24
salakṣmīkaṃ sabhāryyāya kāñcanaṃ puruṣottamam || śayyāñca dadyānmantreṇa granthibhedavivarjitām
53.25
yathā na viṣṇu
bhaktānāṃ vṛjinaṃ jāyate kvacit || tathā surūpatārogyaṃ keśave bhaktimuttamām
53.26
yathā na lakṣmyā śayanaṃ tava śūnyaṃ janārddana
śayyā mamāpyaśūnyāstu kṛṣṇa janmani janmani
53.27
evaṃ nivedya tatsarvvaṃ vastramālyānulepanam || nakṣatrapuruṣajñāya viprāyātha visarjayet
53.28
bhuñjītātailalavaṇaṃ sarvvarkṣeṣvapyupoṣitaḥ || bhojanañca yathāśakti vittaśāṭhyaṃ vivarjayet
53.29
iti nakṣatrapuruṣamupāsya vidhivatsvayam || sarvvā
nkāmānavāpnoti viṣṇuloke mahīyate
53.30
brahmahatyādikaṃ kiñcidiha vāmutra vā kṛtam || ātmanā vātha pitṛbhistatsarvaṃ kṣayamāpnuyāt
53.31
iti paṭhati śṛṇoti yaśca bhaktyā puruṣavaro vratamaṅganā'tha kuryyāt || kalikaluṣavidāraṇaṃ murāreḥ sakalavibhūtiphalapradañca puṃsām
53.31.p1
iti śrīmā tsye mahāpurāṇe nakṣatrapuruṣavrataṃ nāma catuḥpañcāśo'dhyāyaḥ
Linked texts (1)
- Matsyapurāṇa — Vyāsa, Sanskrit