Matsya 56
Matsya 56
- Language
- Sanskrit
Contents
- 56.28 — 1 part
56.1
cha || || nārada uvāca || || dīrghāyurārogyakulābhivṛddhiyuktaḥ pumānbhūpakulāyutaḥ syāt || muhurmuhurja
nmani yena samyagvrataṃ samācakṣva tadindumaule
56.2
śrībhagavānuvāca || || tvayā pṛṣṭamidaṃ samyaguktañcākṣayakārakam || rahasyaṃ tava vakṣyāmi
yatpurāṇavido viduḥ
56.3
rohiṇīcandraśayanaṃ nāma vratamihottamam || tasminnārāyaṇasyārcāmarcayedindunāmabhiḥ
56.4
yadā somadine śuklā bhave
tpañcadaśī kvacit || athavā brahmaṛkṣatraṃ paurṇamāsyāṃ prajāyate
56.5
tadā snānaṃ naraḥ kuryyātpañcagavyena sarṣapaiḥ || āpyāyasveti tu japedvidvānaṣṭaśataṃ punaḥ
56.6
śūdro'pi parayā bhaktyā pāṣaṇḍālāpavarjitaḥ || somāya varadāyātha viṣṇave ca namo namaḥ
56.7
kṛtajapyaḥ svabhavanamāgatya madhusūdanam || pūjayetphalapuṣpai
śca somanāmāni kīrttayan
56.8
somāya śāntāya namostu pādāvanantadhāmneti ca jānu jaṅghe || ūrudvayañcāpi jalodarāya sampūjayenmeḍhramanaṅgavāhave
56.9
namo namaḥ kāmasukhapradāya kaṭiḥ śaśāṅkasya sadārcanīyā || tathodarañcāpyamṛtodarāya nābhiḥ śaśāṅkāya namo'bhipūjyā
56.10
namo'stu candrāya
mukhañca pūjyaṃ dantā dvijānāmadhipāya pūjyāḥ || hāsyaṃ namaścandramase'bhipūjyamoṣṭhau kumudvantavanapriyāya
56.11
nāsā ca nāthāya vanauṣadhīnāmānanda
bhūtāya punardhruvau ca || netradvayaṃ padmanibhaṃ tathendorindīvaraśyāmakarāya śaureḥ
56.12
namaḥ samastādhvaravanditāya karṇadvayaṃ daityaniṣūdanāya || lalāṭāmi
ndorudadhipriyāya keśāḥ suṣumnādhipateḥ prapūjyāḥ
56.13
śiraḥ śaśāṅkāya namo murārerviśveśvarāyeti namaḥ kirīṭine || padmapriye rohiṇi nāma lakṣmīḥ
saubhāgyasaukhyāmṛtacārukāye
56.14
devīñca sampūjya sugandhapuṣpairnaivedyadhūpādibhirindupatnīm || suptvātha bhūmau punarutthitena snātvā ca viprāya havi
ṣyayuktaḥ
56.15
deyaḥ prabhāte sahiraṇyavārikumbho namaḥ pāpavināśanāya || samprāśya gomūtramamāṃsamannamakṣāramaṣṭāvatha viṃśatiñca || grāsānpayaḥsarpi
yutānupoṣya bhuktvetihāsa śṛṇuyānmuhūrtam
56.16
kadambanīlotpalaketakāni jātī sarojaṃ śatapatrikā ca || amlānakubjāntyatha sindhuvāraṃ puṣpaṃ
punarnārada mallikāyāḥ|| śubhrañca viṣṇoḥ karavīrapuṣpaṃ śrīcampakaṃ candramasaḥ pradeyam
56.17
śrāvaṇādiṣu māseṣu kramādetāni sarvvadā || yasminmāse
vratādiḥ syāttatpuṣpairarcayeddharim
56.18
evaṃ saṃvatsaraṃ yāvadupāsya vidhivannaraḥ || vratānte śayanaṃ dadyāddarpaṇopaskarānvitam
56.19
rohiṇīca
ndramithunaṃ kārayitvātha kāñcanam || candraḥ ṣaḍaṅgulaḥ kāryo rohiṇī caturaṅgulā
56.20
muktāphalāṣṭakayutaṃ siṃtanetrapaṭṭāvṛtam || kṣīrakumbhopari punaḥ
kāṃsyapātrākṣatānvitam || dadyānmantreṇa pūrvāhne śālīkṣuphalasaṃyutam
56.21
śvetāmatha suvarṇāsyāṃ khurai raupyaiḥ samanvitām || savastrabhājanāṃ dhenuṃ
tathā śaṅkhañca śobhanam
56.22
bhūṣaṇairdvijadāmpatyamalaṅkṛtya guṇānvitam || candro'yaṃ dvijakūpeṇa sabhāyyaṃ iti kalpayet
56.23
yathā na rohiṇī
kṛṣṇaśayyāṃ santyajya gacchati || somarūpasya te tadvanmamābhedo'stu bhūtibhiḥ
56.24
yathā tvameva sarvveṣāṃ paramānandamuktidaḥ || bhuktirmuktistathā
bhaktistvayi candrāstu me sadā
56.25
iti saṃsārabhītasya muktikāmasya cānagha || rūpārogyāyuṣāmetadvidhāyakamanuttamam
56.26
idameva
pitṝṇāñca sarvvadā vallabhaṃ mune || trailokyādhipatirbhūtvā saptakalpaśatatrayam || candralokamavāpnoti viśuddhatvā tu mucyate
56.27
nārī vā rohiṇī
candraśayanaṃ yā samācaret || sāpi tatphalamāpnoti punarāvṛttidurlabham
56.28
iti paṭhati śṛṇoti vā ya itthaṃ madhumathanācenamindukīrttanena nityam
matimapi ca dadāti so'pi śaurerbhavanagataḥ paripūjyate'maraudhaiḥ
56.28.p1
iti śrīmātsye mahāpurāṇe rohiṇīcandraśayanavrataṃ nāma saptapañcāśo'dhyāyaḥ
Linked texts (1)
- Matsyapurāṇa — Vyāsa, Sanskrit