Pramāṇa · Search · About · API

Matsya 58

Matsya 58

Language
Sanskrit

Contents

58.1

cha || || ṛṣaya ūcuḥ
pādapānāṃ vidhiṃ sūta yathāvadvistarādvada || vidhinā kena karttavyaṃ pādapodyāpanaṃ budhaiḥ || ye ca lokāḥ smṛtāsteṣāṃ tānidānīṃ vadasva naḥ

58.2

sūta uvāca
pādapānāṃ vidhiṃ vakṣye tathaivodyānabhūmiṣu || taḍāgavidhivatsarvvamāsādya jagadīśvara

58.3

ṛtviṅ‌maṇḍapasambhāraścācāryyaścaiva tadvidhaḥ || pūjayedbrāhmaṇāṃstadvadve
mavastrānulepanaiḥ

58.4

sarvvauṣadhyudakaiḥ siktānapiṣṭākavibhūṣitān || vṛkṣānmālyairalaṅkṛtya vāsobhirabhiveṣṭayet

58.5

sūcyā sauvarṇayā kāryyaṃ sarvveṣāṃ karṇave
dhanam || añjanañcāpi dātavyaṃ tadvaddhemaśalākayā

58.6

phalāni sapta cāṣṭau vā kāladhautāni kārayet || pratyekaṃ sarvvavṛkṣāṇāṃ vedyāṃ tānyadhivāsayet

58.7

dhūpo'tra guggulaḥ śreṣṭhastāmrāpātrairadhiṣṭhitān || sarvvāndhānyasthitānkṛtvā vastragandhānulepanaiḥ

58.8

kumbhānsarvveṣu vṛkṣeṣu sthāpayitvā nareśvara || sahiraṇyā
naśeṣāṃstān kṛtvā balinivedanam

58.9

yathāsvaṃ lokapālānāmindrādīnāṃ viśeṣataḥ || vanaspateśca vidvadbhirhomaḥ kāryyo dvijātibhiḥ

58.10

tataḥ
śuklāmbaradharāṃ sauvarṇakṛtabhūṣaṇām || sakāṃsyadohāṃ sauvarṇaśṛṅgābhyāmatiśālinīm || payasvinīṃ vṛkṣamadhyādutsṛjedbrāhmadṛṅmukhīm

58.11

tato'bhiṣe
kamantreṇa vādyamaṅgalagītakaiḥ || ṛgyajuḥsāmamantraiśca vāruṇairabhitastathā || taireva kumbhaiḥ snapanaṃ kuryyādbrāhmaṇapuṅgavaḥ

58.12

snātaḥ śuklāmbarastadva
dyajamāno'bhipūjayet || gobhirvibhavataḥ sarvvānṛtvijastānsamāhitaḥ

58.13

hemasūtraiḥ sakaṭakairaṅgulīyapavitrakaiḥ || vāsobhiḥ śayanīyaiśca tathopaska
rapāḍukaiḥ || kṣīreṇa bhojanaṃ dadyādyāvaddinacatuṣṭayam

58.14

homaśca sarṣapaiḥ kāryyo yavaiḥ kṛṣṇatilaistathā || palāśasamidhaḥ śastāścaturthe'hni tathotsavaḥ
dakṣiṇā ca punastadvaddeyā tatrāpi śaktitaḥ

58.15

yadyadiṣṭatamaṃ kiñcit tattaddadyādamatsarī || ācāryyaṃ dviguṇaṃ dadyāt praṇipatya visarjayet

58.16

anena vidhinā yastu kuryyādvṛkṣotsavaṃ budhaḥ || sarvvānkāmānavāpnoti phalañcānantyamaśnute

58.17

yaścaikamapi rājendra vṛkṣaṃ saṃsthāpayennaraḥ || so'pi svarge vasedrā
jan yāvadindrāyutatrayam

58.18

bhūtānbhavyāṃśca manujāṃstārayeddrumasaṃmitān || paramāṃ siddhimāpnoti punarāvṛttidurlabhām

58.19

ya idaṃ śṛṇuyānnityaṃ
śrāvayedvāpi mānavaḥ || so'pi sampūjito devairbrahmaloke mahīyate

58.19.p1

iti śrīmātsye mahāpurāṇe vṛkṣotsavo nāmaikonaṣaṣṭitamo'dhyāyaḥ

Linked texts (2)