Matsya 59
Matsya 59
- Language
- Sanskrit
Contents
- 59.49 — 1 part
59.1
cha
matsya uvāca || || tathaivānyat pravakṣyāmi sarvvakāmaphalapradam || saubhāgyaśayanaṃ nāma yat purāṇavido viduḥ
59.2
purā dagdheṣu lokeṣu bhūrbhuvaḥsvarmahā
diṣu || saubhāgyaṃ sarvvabhūtānāmekasthamabhavattadā || vaikuṇṭhaṃ svargamāsādya viṣṇorvakṣaḥsthalasthitam
59.3
tataḥ kālena mahatā punaḥ sargavidhau nṛpa
ahaṅkārāvṛte loke pradhānapuruṣānvite
59.4
sparddhāyāñca pravṛttāyāṃ kamalāsanakṛṣṇayoḥ || liṅgākārā samudbhūtā vahnejvālātibhīṣaṇā || tayābhi
tatasya harervakṣasastadviniḥsṛtam
59.5
vakṣaḥsthalaṃ samāśritya viṣṇoḥ saubhāgyamāsthitam || rasarūpaṃ tato yāvat prāpnoti vasudhāta lam
59.6
utkṣiptamantarikṣe tadbrahmaputreṇa dhīmatā || dakṣeṇa pītamātraṃ tadrūpalāvaṇyakārakam
59.7
balaṃ tejo mahajjātaṃ dakṣasya parameṣṭhinaḥ || śeṣaṃ yadapatadbhūmāvaṣṭadhā
samajāyata
59.8
tato janānāṃ sañjātāḥ sapta saubhāgyadāyakāḥ || ikṣavo rasarājāśca niṣpāvājājidhānyakam
59.10
vikāravacca gokṣīraṃ kusumabhaṃ
kuṅkumaṃ tathā|| lavaṇañcāṣṭamaṃ tadvat saubhāgyrāṣṭakamucyate||9||pītaṃ yadbrahmaputreṇa yogajñānavidā punaḥ|| duhitā sābhavattasya yā satītyabhidhīyate
59.11
lokānatītya lālityāllalitā tena cocyate || trailokyasundarīmenāmupayeme pinākadhṛk
59.12
yā devī saubhāgyamayī bhuktimuktiphalapradā || tāmā
rādhya pumān bhaktyā nārī vā kiṃ na vindati
59.13
manuruvāca || || kathamārādhanaṃ tasyā jagaddhātryā janārddana || tadvidhānaṃ jagannātha tat sarvvañca
vadasva me
59.16
matsya uvāca|| || vasantamāsamāsādya tṛtīyāyāṃ janapriya|| śuklapakṣasya pūrvāhne tilaiḥ snānaṃ samācaret || 14||tasminnahani sā devī kila
viśvātmanā satī||pāṇigrahaṇakarmantairavasadvaravārṇinī || 15||tayā sahaiva deveśaṃ tṛtīyāyāmathārcayet || phalairnānāvidhairdhūpairdīpanaivedyasaṃyutaiḥ
59.17
pratimāṃ pañca
gavyena tathā gandhodakena tu || snāpayitvārccayedgaurīminduśekharasaṃyutām
59.18
namo'stu pāṭalāyai tu pādau devyāḥ śivasya tu || śivāyaiti
ca saṅkīrttya jayāyai gulphayordvayoḥ
59.19
triguṇāyeti rudrāya bhavānyai jaṅghayoryugam || śivāṃ rudreśvarāyai ca vijayāyeti jānunī || saṅkīrttya
harikeśāya tathorū varade namaḥ
59.20
īśāyai ca kaṭiṃ devyāḥ śaṅkarāyaiti śaṅkaram || kukṣidvayañca koṭavyai śūline śūlapāṇaye
59.21
maṅgalāyai namastubhyamudarañcābhipūjayet || sarvvātmane namo rudramīśānyai ca kucadvayam
59.22
śivaṃ vedātmane tadvadbhavānyai kaṇṭhamarcayet || tripu
raghnāya viśveśamanantāyai karadvayam
59.23
trilocanāya ca haraṃ bāhukālānalapriye || saubhāgyabhavanāyeti bhūṣaṇāni sadārcayet || svāhāsva
dhāyai ca mukhamīśvarāyeti śūlinam
59.24
aśokamadhuvāsinyai pūjyāvoṣṭhau ca bhūtidau || sthāṇave tu haraṃ tadvadvāsyaṃ candramukhapriye
59.25
namorddhanārīśaharamasitāṅgīti nāsikām || nama ugrāya lokeśaṃ laliteti punarbhruvau
59.26
śarvvāya purahantāraṃ vāsanyai tu tathālakān
namaḥ śrīkaṇṭhanāthāyai śivakeśāṃstato'rcayet || bhīmodyasamarūpiṇyai śiraḥ sarvvātmane namaḥ
59.27
śivamabhyarcya vidhivatsaubhāgrāṣṭakamagrataḥ
sthāpayeddṛtaniṣpāvakusumbhakṣīrajīrakān
59.28
rasarājañca lavaṇaṃ kustumburu tathāṣṭakam || dattaṃ saubhāgyamityasmātsaubhāgyāṣṭakamitsyataḥ
59.29
evaṃ nivedya tatsarvvamagrataḥ śivayoḥ punaḥ || rātrau śṛṅgodakaṃ prāśya tadvadbhrūmāvarindama
59.30
punaḥ prabhāte tu tathā kṛtasnānajapaḥ śuciḥ || sampūjya
dvijadāmpatyaṃ vastramālyavibhūṣaṇaiḥ
59.31
saubhāgyāṣṭakasaṃyuktaṃ suvarṇacaraṇadvayam || prīyatāmatra lalitā brāhmaṇāya nivedayet
59.32
evaṃ saṃvatsaraṃ yāvattṛtīyāyāṃ sadā mano || karttavyaṃ vidhivadbhaktyā sarvvasaubhāgyamīpsubhiḥ
59.33
prāśane dānamantre ca viśeṣo'yaṃ nibodha me
śṛṅgodakaṃ caitramāse vaiśākhe gomayaṃ punaḥ
59.34
jyeṣṭhe mandārakusumaṃ vilvapatraṃ śucau smṛtam || śrāvaṇe dadhi samprāśyaṃ nabhasye ca kuśodakam
59.35
kṣīramāśvayuje māsi kārttike pṛṣadājyakam || mārge māse tu gomūtraṃ pauṣe samprāśayeddhṛtam
59.36
māghe kṛṣṇatilaṃ tadvatpañcagavyañca phālgune
lalitā vijayā bhadrā bhavānī kumudā śivā
59.37
vāsudevī tathā gaurī maṅgalā kamalā satī || umā ca dānakāle tu prīyatāmiti kīrttayet
59.38
mallikāśokakamalaṃ kadambotpalamālatīḥ || kubjakaṃ karavīrañca bāṇamamlānakuṅkumam
59.39
sindhuvārañca sarvveṣu māseṣu kramaśaḥ smṛtam
japākusumbhakusumaṃ mālatī śatapatrikā
59.40
yathālābhaṃ praśastāni karavīrañca sarvvadā || evaṃ saṃvatsaraṃ yāvadupoṣya vidhivannaraḥ
59.41
strī
bhaktā vā kumārī vā śivamabhyarcya bhaktitaḥ || vratānte śayanaṃ dadyātsarvvopaskarasaṃyutam
59.42
umāmaheśvaraṃ haimaṃ vṛṣabhañca gavā saha || sthāpayi
tvātha śayane brāhmaṇāya nivedayet
59.43
anyānyapi yathāśakti mithunānyambarādibhiḥ || dhānyālaṅkāragodānairabhyarceddhanasañcayaiḥ || vittaśā
ṭhyena rahitaḥ pūjayedgatavismayaḥ
59.44
evaṃ karoti yaḥ samyak saubhāgyaśayanavratam || sarvvānkāmānavāpnoti padamantyantamaśnute || phalasyaikasya
tyāgena vratametatsramācaret
59.45
ya icchankīrttimāpnoti pratimāsaṃ narādhipa || saubhāgyārogyarūpāyurvastrālaṅkārabhūṣaṇaiḥ || na viyukto
bhavedrājannābuddhaśatatrayam
59.46
yastu dvādaśa varṣāṇi saubhāgyaśayanavratam || karoti sapta cāṣṭau vā śrīkaṇṭhabhavane'maraiḥ || pūjyamāno
vasetsamyag yāvatkalpāyutatrayam
59.47
nārī vā kurute vāpi kumārī vā nareśvara || sāpi tatphalamāpnoti devyanugrahalālitā
59.48
śṛṇuyādapi yaścaiva pradadyādathavā matim || so'pi vidyādharo bhūtvā svargaloke ciraṃ vaset
59.49
ihamiha madanena pūrvvamiṣṭaṃ śatadhanuṣā kṛtavaryyasūnunā ca || kṛtamatha varuṇena nandinā vā kimu jananātha tato yadudbhavaḥ syāt
59.49.p1
iti śrīmātsye mahāpurāṇe saubhāgyaśayanavrataṃ nāma ṣaṣṭitamo' dhyāyaḥ
Linked texts (6)
- Matsyapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Vratakāṇḍa — Lakṣmīdhara, Sanskrit
- Vratakhaṇḍa — Hemādri, Sanskrit
- Vrataprakāśa — Viśvanātha 1711, Sanskrit
- Vrataprakasa (ed1884) — Sanskrit