Pramāṇa · Search · About · API

Matsya 61

Matsya 61

Language
Sanskrit

Contents

61.1

cha || || manuruvāca || || saubhāgyarogyaphaladamumutrākṣyakārakam || bhuktimuktipradaṃ deva tanme brūhi janārdana

61.2

matsya uvāca || || yadumāyāḥ purā deva uvāca purasūdanaḥ || kailāsaśikharāsīno devyā pṛṣṭastadā kila

61.3

kathāsu sampravṛttāsu dharmyā
su lalitāsu ca || tadidānīṃ pravakṣyāmi bhuktimuktiphalapradām

61.4

īśvara uvāca || || śṛṇuṣvāvahitā devi tathaivānantapuṇyakṛt || narāṇā
matha nārīṇāmārādhanamanuttamam

61.5

nabhasye vātha vaiśākhe puṇyamārge śirasya ca || śuklapakṣe tṛtīyāyāṃ susnāto gaurasarṣapaiḥ

61.6

gorocanaṃ sagomū
tramuṣṇaṃ gośakṛtaṃ tathā || dadhicandanasaṃmiśraṃ lalāṭe tilakaṃ nyaset || saubhāgyarogyadaṃ yasmātsadā ca lalitāpriyam

61.7

pratipakṣaṃ tṛtīyāsu pumā
npītavāsasī || dhārayedatha raktāni nārī cedatha saṃyatā

61.8

vidhavā dhāturaktāni kumārī śuklavāsasī || devīntu pañcagavyena tataḥ kṣīreṇa kevalam
snāpayenmadhunā tadvat puṣpagandhodakena ca

61.9

pūjayecchuklapuṣpaiśca phalairnānāvidhairapi || dhānyakājaাজilavaṇairguḍakṣīraghṛtānvitaiḥ

61.10

śuklākṣatatilai
rghyā tato devīṃ sadārśvayet || pādādyabhyarcanaṃ kuryyātpratipakṣaṃ varānane

61.11

varadāyai namaḥ pādau tathā gulphau namaḥ śriyai || aṅgo
kāyai namo jaṅghe pārvatyai jānunī tathā

61.12

ūrū maṅgalakāriṇyai vāmadevyai tathā kaṭim || padmodarāyai jaṭharamuraḥ kāmaśriyai namaḥ

61.13

karau saubhāgyadāyinyai bāhūdaramukhaṃ śriyai || mukhaṃ darpaṇavāsinyai smaradāyai smitaṃ namaḥ

61.14

gauryai namastathā nāsāmutpalāyai ca locane || tuṣṭyai
lalāṭamalakānkātyāyanyai śirastathā

61.15

namo gauryai namo dhiṣṇyai namaḥ kāntyai namaḥ śriyai || rambhāyai lalitāyai ca vāsudevyai namo namaḥ

61.16

evaṃ sampūjya vidhivadagrataḥ padmamālikhet || patrairdvādaśabhiryuktaṃ kuṅkumena sakarṇikam

61.17

pūrveṇa vinyasedgaurīmaparṇāñca tataḥ param || bhavā
nīṃ dakṣiṇe tadvadrudrāṇīñca tataḥ param

61.18

vinyasetpaścime saumyāṃ sadā madanavāsinīm || vāyavye pāṭalāmugrāmantareṇa tato'pyumām

61.19

ma
dhye yathāsvaṃ māṃsāṅgāṃ maṅgalāṃ kumudāṃ satīm || rudrañca madhye saṃsthāpya lalitāṃ karṇikopari || kusumairakṣatairvāpirnāmamatkāreṇa vinyaset

61.20

gītama
ṅgalanighoṣānkārayitvā suvāsinīḥ || pūjayedraktavāsobhī raktamālyānulepanaiḥ || sindūraṃsnānavarṇañca tāsāṃ śirasi pātayet

61.21

sindūrakuṅkuma
snānamatīveṣṭatamaṃ yataḥ || tathopadeṣṭāramapi pūjayedyatnato gurum || na pūjyate gururyatra sarvvāstatrāphalāḥ kriyāḥ

61.22

nabhasye pūjayedgaurīmutpalaiḥ
sitaiḥ sadā || bandhujīvairāśvayuje kārttike śatapatrakaiḥ

61.23

jātīpuṣpairmārgaśīrṣe pauṣe pītaiḥ kuraṇṭakaiḥ || kundakuṅkumapuṣpaistu devīṃ māghe tu pūjayet
sindhuvāreṇa jātyā vā phālgune'pyarcayedumām

61.24

caitre tu mallikāśokairvaiśākhe gandhapāṭalaiḥ || jyeṣṭhe kamalamandārairāṣāḍhe ca navāmbujaiḥ || kadambairatha
mālatyā śrāvaṇe pūjayetsadā

61.25

gomūtraṃ gomayaṃ kṣīraṃ dadhi sarpiḥ kuśodakam || vilvapatrārkapuṣpañca yavāngośṛṅgavāri ca

61.26

pañcagavyañca vilvañca
prāśayetkramaśastadā || etadbhādrapadādyantu prāśanaṃ samudāhṛtam

61.29

pratipakṣañca mithunaṃ tṛtīyāyāṃ varānane || pūjayitvārccayedbhaktyā vastramālyānulepanaiḥ
27||puṃsaḥ pītāmbare dadyāt striyai kausumbhavāsasī||niṣpāvājājilavaṇamikṣudaṇḍaguḍānvitam||tasyai dadyāt phalaṃ puṣpaṃ suvarṇotpalasaṃyutam||28||yathā
na devi deveśastvatvāṃ parityajya gacchati || tathā māmuddharāśeṣaduḥkhasaṃsārasāgarāt

61.30

kumudā vimalā'nantā bhavānī ca sudhā śivā || lalitā
kamalā gaurī satī rambhātha pārvvatī

61.31

nabhasyādiṣu māseṣu prīyatāmityudīrayet || vratānte śayanaṃ dadyāt suvarṇakamalānvitam

61.32

mithunāni caturviṃśaddaśa dvau ca samarccayet || aṣṭau ṣaḍvāpyatha punaścānumāsaṃ samarccayet

61.33

pūrvvaṃ dattvā tu gurave śeṣānapyarcayedbudhaḥ || uktānanta
tṛtīyeṣā sadānantaphalapradā

61.34

sarvvapāpaharāṃ devi saubhāgyamārogyavarddhinīm || na caināṃ vittaśāṭhyena kadācidapi laṅghayet || naro vā yadi vā
nārī vittaśāṭhyāt patatyadhaḥ

61.35

garbhiṇī sūtikā naktaṃ kumārī vātha rogiṇī || yadyaśuddhā tadānyena kārayet prayatā svayam

61.36

imā
manantaphaladāṃ yastṛtīyāṃ samācaret || kalpakoṭiśataṃ sāgraṃ śivaloke mahīyate

61.37

vittahīno'pi kurute varṣatrayamupoṣaṇaiḥ || puṣpamantravidhānena
so'pi tatphalamāpnuyāt

61.38

nārī vā kurute yā tu kumārī vidhavā'thavā || sāpi tatphalamāpnoti gauryyanugrahalālitā

61.39

iti paṭhati
śṛṇoti vā ya itthaṃ giritanayāvratamindravāsasaṃsthaḥ || matimapi ca dadāti so'pi devairamaravadhūranakinnaraiśca pūjyaḥ

61.39.p1

iti śrīmātsye mahāpurāṇe 'nantatṛtīyāvrataṃ nāma dviṣaṣṭitamo'dhyāyaḥ

Linked texts (7)