Pramāṇa · Search · About · API

Matsya 62

Matsya 62

Language
Sanskrit

Contents

62.1

cha || || īśvara uvāca || || athānyāmapi vakṣyāmi tṛtīyāṃ pāpanāśinīm||rasakalyāṇinīmetāṃ
purākalpavido viduḥ

62.2

māghamāse tu samprāpte tṛtīyāṃ śuklapakṣataḥ || prātargavyena payasā tilaiḥ snānaṃ samācaret

62.3

snāpayenmadhunā devīṃ tathaivekṣura
sena ca || dakṣiṇāṅgāni sampūjya tato vāmāni pūjayet

62.4

lalitāyai namo devyāḥ pādau gulphau tato'rcayet || jaṅghāṃ jānuṃ tathā śāntyai tathaivorūṃ
śriye namaḥ

62.5

madālasāyai tu kaṭimamalāyai tathodaram || stanau madanavāsinyai kumudāyai ca kandharīm

62.6

bhujaṃ bhujāgraṃ mādhavyai kamalāyai mukha
smite || bhrūlalāṭe ca rudrāṇyai śaṅkarāyai tathālakān

62.7

mukuṭaṃ viśvavāsinyai śiraḥ kāntyai tathārcayet || madanāyai lalāṭantu mohanāyai punarbhuvau

62.8

netre candrārddhadhāriṇyai tuṣṭayai ca vadanaṃ punaḥ || utkaṇṭhinyai namaḥ kaṇṭhamamṛtāyai namaḥ stanau

62.9

rambhāyai vāmakukṣiśca viśokāyai namaḥ kaṭim
hṛdayaṃ manmathādhiṣṇyai pāṭalāyai tathodaram

62.10

kaṭiṃ suratavāsinyai tathorūṃ campakapriye || jānujaṅge namo gauryyai gāyatryai ghuṭike namaḥ

62.11

dharādharāyai pādau tu viśvakāryyai namaḥ śiraḥ || namo bhavānyai kāminyai kāmadevyai jagatpriye

62.12

evaṃ sampūjya vidhivadvijadāmpatyamarcayet
bhojayitvātrapānena madhureṇa vimatsaraḥ

62.13

jalapūritaṃ tathā kumbhaṃ śuklāmbarayugadvayam || dattvā suvarṇakamalaṃ gandhamālyaiḥ samarccayet

62.14

prīyatāmatra kumudā gṛhṇīyāllavaṇavratam || anena vidhinā devīṃ māsi māsi sadārcayet

62.15

lavaṇaṃ varjjayenmāghe phālgune ca guḍaṃ punaḥ || tailaṃ
rājiṃ tathā caitre varjyaṃ ca madhu mādhave

62.16

pānakaṃ jyeṣṭhamāse tu āṣāḍhe cātha jīrakam || śrāvaṇe varjjayet kṣīraṃ dadhi bhādrapade tathā

62.17

ghṛtamāśvayuje tadvajjaiṃ varjyañca mākṣikam || dhānyakaṃ mārgaśīrṣe tu pauṣe varjyā ca śarkarā

62.18

vratānte karakaṃ pūrṇameteṣāṃ māsi māsi ca || dadyā
ttrikālavelāyāṃ pūrṇapātreṇa saṃyutam

62.19

laḍḍukāścetavarṇāṃśca saṃyāvamatha pūrikāḥ || ghārikānapyapūpāṃśca piṣṭāpūpāṃśca maṇḍakān

62.20

kṣīraṃ śākañca dadhyannamiṇḍayyoṃ'śokavarttikāḥ || māghādikramo dadyādetāni karakopari

62.21

kumudā mādhavī gaurī rambhā bhadrā jayā śivā
umā ratiḥ satī tadvanmaṅgalā ratilālasā

62.22

kramānmāghādi sarvvatra prīyatāmiti kīrttayet || sarvvatra pañcagavyena prāśanaṃ samudāhṛtam || upavā
sī bhavettrityamaśakte naktamiṣyate

62.23

punarmāghe tu samprāpte śarkarāṃ karakopari || kṛtvā tu kāñcanīṃ gaurīṃ pañcaratnasamanvitām

62.24

haimīma
ṅguṣṭhamātrāñca sākṣasūtrakamaṇḍalum || caturbhujāminduyutāṃ sitanetrapaṭāvṛtām

62.25

tadvadgomithunaṃ śuklaṃ suvarṇārthaṃ sitāmbaram || savastrabhājanaṃ dadyādgavā
nī prīyatāmiti

62.26

anena vidhinā yastu rasakalyāṇinīvratam || kuryyātsa sarvvapāpebhyastatkṣaṇādeva mucyate

62.27

navāmbudasaṅghāntu na duḥkhī jā
yate naraḥ||suvarṇakamalaṃ gauri māsi māsi dadannaraḥ|| agniṣṭomasrahastrasya yatphalaṃ tadavāpnuyāt

62.28

nārī vā kurute yā tu kumārī vā varānane || vidhavā yā
tathā nārī sāpi tatphalamāpnuyāt || saubhāgyarogyasampannā gaurīloke mahīyate

62.29

iti paṭhati śṛṇoti śrāvayedvāḥ prasaṅgāt kalikaluṣavimuktaḥ pārvva
tīlokameti || matimapi ca narāṇāṃ yo dadāti priyārthaṃ vibudhapativimāne nāyakaḥ syādāghoghaḥ

62.29.p1

iti śrīmatsye mahāpurāṇe rasakalyāṇinīvrataṃ nāma triṣaṣṭitamo'dhyāyaḥ

Linked texts (5)