Pramāṇa · Search · About · API

Matsya 64

Matsya 64

Language
Sanskrit

Contents

64.1

manuruvāca || || candrādityoparāge tu yatsnānamabhidhīyate || tadahaṃ śrotumicchāmi
dravyamantravidhānavit

64.2

matsya uvāca || || yasya rāśiṃ samāsādya bhavedgrahaṇasaṃplavaḥ || tasya snānaṃ pravakṣyāmi mantrauṣadhavidhānataḥ

64.3

candroparāgaṃ samprāpya kṛtvā brāhmaṇavācanam || sampūjya caturo viprānśuklamālyānulepanaiḥ

64.4

pūrvamevoparāgasya samāsādyauṣadhādikam
sthāpayeccaturaḥ kumbhānvraṇānsāgarāniti

64.5

gajāśvarathyāvalmīkasaṅgamāddhradagokulāt || rājadvārapradeśācca mṛdānīya cākṣipet

64.6

pañca
gavyañca kumbheṣu śuddhamuktāphalāni ca || rocanāṃ padmaśaṅkhau ca pañcaratnasamanvitam

64.7

sphaṭikaṃ candanaṃ śvetaṃ tīrthavāri sasarṣapam || rājadantaṃ
sakumudaṃ tathaivośīraguggulam || etatsarvvaṃ vinikṣipya kumbheṣvāvāhayet surān

64.8

sarvve samudrāḥ saritastīrthāni jaladā nadāḥ || āyāntu
yajamānasya duritakṣayakārakāḥ

64.9

yo'sau vajradharo deva ādityānāṃ prabhurmataḥ || sahasranayanaścendro grahapīḍāṃ vyapohatu

64.10

mukhaṃ yaḥ sarvva
devānāṃ saptāciramitadyutiḥ || candroparāgasambhūtāmagniḥ pīḍāṃ vyapohatu

64.11

yaḥ karmasākṣī bhūtānāṃ dharmo mahiṣavāhanaḥ || yamaścandroparāgotthāṃ
mama pīḍāṃ vyapohatu

64.12

nāgapāśadharo devaḥ sākṣānmakaravāhanaḥ || sa jalādhipatiścandragrahapīḍāṃ vyapohatu

64.13

prāṇarūpeṇa yo lokānpāti
kṛṣṇamṛgapriyaḥ || vāyuścandroparāgotthāṃ pīḍāmantra vyapohatu

64.14

yo'sau nidhipatirdevaḥ khaḍgaśūlagadādharaḥ || candroparāgakaluṣaṃ dhanado me vyapohatu

64.15

yo'sāvindudharo devaḥ pinākī vṛṣavāhanaḥ || candroparāgajāṃ pīḍāṃ vināśayatu śaṅkaraḥ

64.16

trailokye yāni bhūtāni sthāvarāṇi carāṇi ca || brahmaviṣṇurka
yuktāni tāni pāpaṃ dahantu vai

64.17

evamāmantrya taiḥ kumbharaibhiṣikto guṇānvitaiḥ || ṛgyajuḥsāmamantraiśca śuklamālyānulepanaiḥ || pūjayedvastragodānairbrāhmaṇā
niṣṭadevatāḥ

64.18

etāneva tato mantrānvilikhetkarakānvitān || vastrapaṭṭe'thavā padme pañcaratnasamanvitān

64.19

yajamānasya śirasi nidadhyuste dvijotta
māḥ|| tato'tivāhayedvelāmuparāgā'nugāminīm

64.20

prāṅmukhaḥ pūjayitvā tu namasya triṣṭadevatām || candragrahe vinirvṛtte kṛtagodānamaṅgalaḥ || kṛtasnānā
yataṃ paṭṭaṃ brāhmaṇāya nivedayet

64.21

anena vidhinā yastu grahasnānaṃ samācaret || na tasya grahapīḍā syānna ca bandhujanakṣayaḥ

64.22

paramāṃ siddhiṃ
māpnoti punarāvṛttidurlabhām || sūryyagrahe sūryyanāma sadā mantreṣu kīrttayet

64.23

adhikāḥ padmarāgāḥ syuḥ kapilāñca suśobhanām || prayacchecca
niśāṃ patye candrasūryyoparāgayoḥ

64.24

ya idaṃ śṛṇuyānnityaṃ śrāvayedvāpi mānavaḥ || sarvvapāpavinirmutko śukraloke mahīyate

64.24.p1

iti śrīmātsye mahāpurāṇe candrādityauparāgasnānavidhirnāma saptaṣaṣṭitamo'dhyāyaḥ

Linked texts (3)