Pramāṇa · Search · About · API

Matsya 65

Matsya 65

Language
Sanskrit

65.1

cha|| || nārada uvāca || || kimudvegādbhute kṛtyamalakṣmīḥ kena
hanyate || mṛtavatsābhiṣekādikāryyeṣu ca kimiṣyate

65.2

śrībhagavānuvāca || || purā kṛtāni pāpāni phalantyasmiṃstapodhana || rogadaurgatya
rūpeṇa tathaiveṣṭavadhena ca

65.3

tadvighātāya vakṣyāmi sadā kalyāṇakārakam || saptamīstrapanaṃ nāma janapīḍāvināśanam

65.4

bālānāṃ maraṇaṃ yatra kṣīrapāṇāṃ
pradṛśyate || tadvadvṛddhātturāṇāñca yauvane cāpi varttatām

65.5

śāntaye tatra vakṣyāmi mṛtavatsābhiṣecanam || etadevādvutodvegacittabhramavināśanam

65.6

bhaviṣyati ca vārāho yatra kalpastapodhana || vaivasvataśca tatrāpi yadā tu manuruttamaḥ

65.7

bhaviṣyati ca tatraiva pañcaviṃśatimaṃ yadā || kṛtaṃ nāma
yugaṃ tatra haihayānvayavarddhanaḥ || bhavitā nṛpatirvīraḥ kṛtavīryyaḥ pratāpavān

65.8

sa saptadvīpamakhilaṃ pālayiṣyati bhūta lam || yāvadvarṣasahasrāṇi saptasa
ptati nārada

65.9

jātamātrañca tasyāpi yāvat putraśataṃ tathā || cyavanasya tu śāpena vināśamupayāsyati

65.10

sahasrabāhuśca yadā bhavitā tasya vai
sutaḥ || kuraṅga nayanaḥ śrīmān sambhūto nṛpalakṣaṇaiḥ

65.11

kṛtavīryyastadārādhya sahasrāṃśuṃ divākaram || upavāsairvratairddivyairvedasūktaiśca nārada || putrasya
jīvanāyālametat snānamavāpsyati

65.12

kṛtavīryyeṇa vai pṛṣṭa idaṃ vakṣyati bhāskaraḥ || aśeṣaduṣṭaśamanaṃ sadā kalmaṣanāśanam

65.13

sūryya
uvāca || || alaṃ kleśena mahatā putrastava narādhipa || bhaviṣyati cirañjīvī kintu kalmaṣanāśanam

65.14

saptamīstrapanaṃ vakṣye sarvvalokahitāya
vai || jātasya mṛtavatsāyāḥ saptame māsi nārada || athavā śuklasaptamyāmetat sarvvaṃ praśasyate

65.15

grahatārābalaṃ labdhvā kṛtvā brāhmaṇavācanam
vālasya janma nakṣatraṃ varjjayet tāṃ tithiṃ budhaḥ || tadvadvṛddhetarāṇāñca kṛtyaṃ syāditareṣu ca

65.16

gomayenānu liptāyāṃ bhūmāvekāgnivattadā || taṇḍulai
raktaśālīyaiścaruṃ gokṣīrasaṃyutam || nirvvapet sūryyarudrābhyāṃ tanmantrābhyāṃ vidhānataḥ

65.17

kīrttayet sūryyadaivatyaṃ saptarcañca ghṛtāhutīḥ || juhuyādrudra
sūktena tadvadvudrāya nārada

65.18

hotavyāḥ samidhaścātra tathaivārkapalāśayoḥ || yavakṛṣṇatilairhomaḥ karttavyo'ṣṭaśataṃ punaḥ

65.19

vyāhṛtībhistathājyena
tathaivāṣṭaśataṃ punaḥ || hutvā snānañca karttavyaṃ maṅgalaṃ yena dhīmatā

Linked texts (2)