Matsya 66
Matsya 66
- Language
- Sanskrit
Contents
- 66.28 — 1 part
66.1
vipreṇa vedaviduṣā vidhivaddarbhapāṇinā || sthāpayitvā tu caturaḥ kumbhān
mimām
66.2
yadā śuklatṛtīyāyāmāṣāḍharkṣaṃ bhavetkvacit || brahmarkṣaṃ vā mṛgakṣaṃ vā hasto mūlamathāpi vā || darbhagandhodakaiḥ snānaṃ tadā samyak samācaret
66.3
śuklamālyāmbaradharaḥ śuklagandhānulepanaḥ || bhavānīmarcayedbhaktyā śuklapuṣpaiḥ sugandhibhiḥ || mahādevena sahitāmupaviṣṭāṃ mahāsane
66.4
vāsudevyai namaḥ
pādau śaṅkarāya namo haram || jaṅghe śokavināśinyai ānandāya namaḥ prabhoḥ
66.5
rambhāyai pūjayedūrū śivāya ca pinākinaḥ || adityai ca kaṭiṃ devyāḥ
śūlinaḥ śūlapāṇaye
66.6
mādhavyai ca tathā nābhimatha śambhorbhavāya ca || stanāvānandakāriṇyai śaṅkarasyendudhāriṇe
66.7
utkaṇṭhinyai namaḥ kaṇṭhaṃ
nīlakaṇṭhāya vai haram || karāvutpaladhāriṇyai rudrāya ca jagatpate || bāhū ca parirambhiṇyai triśūlāya harasya ca
66.8
devyā mukhaṃ vilāsinyai vṛṣeśāya puna
rvibhoḥ || smitaṃ sasmeralīlāyai viśvavaktrāya vai vibhoḥ
66.9
netre madanavāsinyai viśvadhāmne triśūlinaḥ || bhruvau nṛtyapriyāyai tu tāṇḍave
śāya śūlinaḥ
66.10
devyā lalāṭamindrāṇyai havyavāhāya vai vibhoḥ || svāhāyai mukuṭaṃ devyā vibhorgaṅgādharāya vai
66.11
viśvakāyau viśvamukhau
viśvapādakarau śivau || prasannavadanau vande pārvatīparameśvarau
66.12
evaṃ sampūjya vidhivadagrataḥ śivayoḥ punaḥ || padmotpalāni rajasā nānāvarṇena kāra
yet
66.13
śaṅkhacakre sakaṭake svastikāṅkuśacāmarān || yāvantaḥ pāṃsavastatra rajasaḥ patitā bhuvi || tāvadvarṣasahasrāṇi śivaloke mahīyate
66.14
catvāri ghṛtapātrāṇi sahiraṇyāni bhaktitaḥ || dattvā dvijāya karakamudakānnasamānvitam || pratipakṣaṃ caturmāsaṃ yāvadetannivedayet
66.15
tatastu caturo mā
sānpūrvavatkarakopari || catvāri saktupātrāṇi tilapātrāṇyataḥ param
66.16
gandhodakaṃ puṣpavāri candanaṃ kuṅkumodakam || apakvaṃ dadhi dugdhañca gośṛṅgo
dakamevaṃ ca
66.17
piṣṭodakaṃ tathā vāri kuṣṭhacūrṇānvitaṃ punaḥ || uśīrasalilaṃ tadvadyavacūrṇodakaṃ punaḥ
66.18
tilodakañca samprāśya svapenmārgaśirādiṣu
māseṣu pakṣadvitayaṃ prāśanaṃ samudāhṛtam
66.19
sarvvatra śuklapuṣpāṇi praśastāni sadārcane || dānakāle ca sarvvatra mantrametamudīrayet
66.20
gau
rī me prīyatāṃ nityamaghanāśāya maṅgalā || saubhāgyāyāstu lalitā bhavānī sarvvasiddhaye
66.21
saṃvatsarānte lavaṇaṃ guḍakumbhañca sarjikām
candanaṃ netrapaṭṭañca sahiraṇyāmbujena tu
66.22
umāmaheśvaraṃ haimaṃ tadvadikṣuphalairyutam || satūloāvaraṇāṃ śayyāṃ saviśrāmāṃ nivedayet || sapatnīkāya
viprāya gaurī me prīyatāmiti
66.23
ārdrānandakarī nāmnā tṛtīyeṣā sanātanī || yāmupoṣya naro yāti śambhoryatparamaṃ padam
66.24
iha loke sadānandamāpnoti dhanasampadaḥ || āyurārogyasampattyā na kaścicchokamāpnuyāt
66.26
nārī vā kurute yā tu kumārī vidhavā ca yā
sāpi tatphalamāpnoti devyanugrahalālitā
66.26-2
pratipakṣamapoṣvaivaṃ mantrārccanavidhānavit || rudrāṇīlokamabhyeti punarāvṛttidurlabham
66.27
ya idaṃ śṛṇuyānnityaṃ śrāvayedvāpi mānavaḥ || śakraloke sa gandharvaiḥ pūjyate'pi yugatrayam
66.28
ānandadāṃ sakaladuḥkhaharāṃ tṛtīyāṃ yā strī karo
tyavidhavā vidhavātha vāpi || sā sve gṛhe sukhaśatānyanubhūya bhūyo gaurīpadaṃ sadyitā dayitā prayāti
66.28.p1
iti śrīmātsye mahāpurāṇe ārdrānandakarītṛtīyāvrataṃ nāma catuḥṣaṣṭitamo'dhyāyaḥ
Linked texts (4)
- Padmapurāṇa — Vyāsa, Sanskrit
- Bhaviṣyapurāṇa — Vyāsa, Sanskrit
- Matsyapurāṇa — Vyāsa, Sanskrit
- Vratakhaṇḍa — Hemādri, Sanskrit