Pramāṇa · Search · About · API

Matsya 72

Matsya 72

Language
Sanskrit

Contents

72.1

īśvara uvāca || || śṛṇu cānyatpravakṣye yadrūpasampadvidhāyakam || bhaviṣyati yuge tasmindvaparānte pitāmaha || pippalādasya saṃvāde
yudhiṣṭhirapuraḥsaraiḥ

72.2

vasantaṃ naimiṣāraṇye pippalādaṃ mahāmunim || abhigamya tadā cainaṃ praśnamekaṃ kariṣyati || yudhiṣṭhiro
dharmaputro dharmayuktastapodhanam

72.3

yudhiṣṭhira uvāca || || kathamārogyamaiśvaryaṃ matirdharme gatistathā || avyaṅgatā śive bhaktivai
ṣṇavo vā bhavetkatham

72.4

īśvara uvāca || || tasyottaramidaṃ brahmanpippalādasya dhīmataḥ || śṛṇuṣva yadvakṣyati vai dharmaputrāya
dhārmikaḥ

72.5

pippalāda uvāca || || sādhu pṛṣṭaṃ tvayā bhadra idānīṃ kathayāmi te || aṅgāravratamityetattasa vakṣyati mahīpateḥ

72.6

atrāpyudāharantīmamitihāsaṃ purātanam || virocanasya saṃvādaṃ bhārgavasya ca dhīmataḥ

72.7

prahlādasya sutaṃ dṛṣṭvā dviraṣṭaparivatsaram || rūpeṇāpra
timaṃ kāntyā so'hasadbhṛgunandanaḥ

72.8

sādhu sādhu mahābāho virocana śivaṃ tava || tattathā hasitaṃ tasya papraccha surasūdanaḥ

72.9

brahmankimarthametatte hāsyamākasmikaṃ kṛtam || sādhu sādhviti māmevamuktavāṃstvaṃ vadasva me

72.10

tamevaṃvādinaṃ śukra uvāca vadatāṃ varaḥ || visma
yādbhūtamāhātmyāddhāsyametatkṛtaṃ mayā

72.11

purā dakṣavināśāya kupitasya tu śūlinaḥ || atha tadbhīmavaktrasya svedabindurvalāṭajaḥ

72.12

bhittvā sa saptapātālānadahatsaptasāgarān || anekavaktranayano jvalajjvalanabhīṣaṇaḥ

72.13

vīrabhadra iti khyātaḥ karapādāyutairyutaḥ
kṛtvā'sau yajñamathanaṃ punarbhūtalasambhavaḥ || trijagannirdahanbhūyaḥ śivena vinivāritaḥ

72.14

kṛtaṃ tvayā vīrabhadra dakṣayajñavināśanam || idānīmalametena
lokadāhena karmmaṇā

72.15

śāntipradātā sarveṣāṃ grahāṇāṃ prathamo bhava || prekṣiṣyante janāḥ pūjāṃ kariṣyanti varānmama

72.16

aṅgāraka iti khyātiṃ
gamiṣyasi dharātmaja || devaloke'dvitīyaśca tava rūpaṃ bhaviṣyati

72.17

ye ca tvāṃ pūjayiṣyanti caturthyāṃ tvādine narāḥ || rūpamārogyamaiśvaryaṃ
teṣvanantaṃ bhaviṣyati

72.18

evamuktastadā kṣāntimagamatkāmarūpadhṛk || sañcātastatkṣaṇādrājan grahatvamagamatpunaḥ

72.19

sa kadā
cidgavāṃstasya pūjādyadiikamuttamam || dṛṣṭavānkriyamāṇañca śūdreṇa ca vyavasthitaḥ

72.20

tena tvaṃ rūpavāñjātaḥ suraśatrukulodvaha || vividhā
ca rucirjātā yasmāttava vidūragā

72.21

virocana iti prāhustasmāttvāṃ devadānavāḥ || śūdreṇa kriyamāṇasya vratasya tava darśanāt || īdṛśīṃ
rūpasampattiṃ dṛṣṭvā vismitavānaham

72.22

sādhu sādhviti tenoktamaho māhātmyamuttamam || paśyato'pi bhavedrūpamaiśvaryaṃ kimu kurvvataḥ

72.23

yasmācca bhaktyā dharaṇīsutasya vinindyamānena gavādidānam || ālokitaṃ tena surārigarbhaṃ sambhūtireṣā tava daitya jātā

72.24

īśvara uvāca
atha tadvacanaṃ śrutvā bhārgavasya mahātmanaḥ || prahlādanandano vīraḥ punaḥ papraccha vismitaḥ

72.25

virocana uvāca || || bhagavaṃstadbrataṃ samyak
śrotumicchāmi tattvataḥ || dīyamānantu yaddānaṃ mayā dṛṣṭaṃ bhavāntare

72.26

māhātmyañca vidhiṃ tasya yathāvadvaktumarhasi || iti tadvacanaṃ śrutvā punaḥ
provāca vistarāt

72.27

śukra uvāca || || caturthyaṅgārakadine yadā bhavati dānava || mṛdā snānaṃ tadā kuryyāt pañcarāgavibhūṣitaḥ

72.28

agnimūrddhā divo mantraṃ japannāste udaṅmukhaḥ || śūdrastūṣṇīṃ smaranbhaumamāste bhogavivarjjitaḥ

72.29

tathāstamita āditye gomayenānulepayet || prāṅgaṇaṃ
puṣpamālābhirakṣatābhiḥ samantataḥ

72.30

abhyarcyībhilikhet padmaṃ kuṅkumenāṣṭapatrakam || kuṅkumasyāpyabhāve tu raktacandanamiṣyate

72.31

catvāraḥ karakāḥ
kāryā bhakṣyabhojyasamanvitāḥ || taṇḍulai raktaśālīyaiḥ pañcarāgaiśca saṃyutāḥ

72.32

catuṣkoṇeṣu tān kṛtvā phalāni vividhāni ca || gandhamālyādikaṃ
sarvvaṃ tathaiva vinivedayet

72.33

suvarṇaśṛṅgīṃ kapilāmathāryya raupyaiḥ khuraiḥ kāṃsyadohāṃ savatsām || dhurandharaṃ raktamatīva saumyaṃ dhānyāni saptambarasaṃyutāni

72.34

aṅguṣṭhamātraṃ puruṣaṃ tathaiva sauvarṇamatyāyatabāhudaṇḍam || caturbhujaṃ hemamaye niviṣṭaṃ pātre guḍasyopari sarpiryuktam

72.35

samastayajñajñāya
jitendriyāya pātrāya śīlānvayasaṃyutāya || dātavyametatsukalaṃ dvijāya kuṭumbine naiva tu dāmbhikāya || samarpayedvipravarāya bhaktyā kṛtāñjaliḥ pūrvvamudīryya
mantram

72.36

bhūmiputra mahābhāga svedodbhava pinākinaḥ || rūpārthī tvāṃ prapanno'haṃ gṛhāṇārghyaṃ namo'stu te

72.37

mantreṇānena dattvārghyaṃ raktaca
ndanavāriṇā || tato'rcayedvipravaraṃ raktamālyāmbarādibhiḥ

72.40

dadyāttenaiva mantreṇa bhaumaṃ gomithunānvitam || śayyāñca śaktito dadyāt sarvvopaskarasaṃyu
tām ||38||yadyadiṣṭatamaṃ loke yaccāsya dayitaṃ gṛhe || tattadguṇavate deyaṃ tadevākṣayamicchatā ||39||pradakṣiṇaṃ tataḥ kṛtvā visarjaye dvijapuṅgavam || naktamakṣāra
lavaṇamaśrīyādghṛtasaṃyutam

72.41

bhaktyā yastu punaḥ kuryādevamaṅgārakāṣṭakam || caturo vātha vā tasya yatpuṇyaṃ tadvadāmi te

72.42

rūpasaubhāgyasampannaḥ
punarjanmani janmani || viṣṇau vātha śive bhaktaḥ saptadvīpādhipo bhavet

72.43

saptakalpasahasrāṇi rudraloke mahīyate || tasmāttvamapi daityendra vratame
tatsamācara

72.44

pippalāda uvāca || || ityevamuktvā bhṛgunandano'pi jagāma daityaśca cakāra sarvvam|| tvañcāpi rājankuru sarvvametadyato'kṣayaṃ vedavido
vadanti

72.45

īśvara uvāca || || tatheti sampūjya sa pippalādaṃ vākyaṃ cakārādbhutavīryyakarmmā || śṛṇoti yaścainamananyacetāstasyāpi
siddhiṃ bhagavān vidhatte

72.45.p1

iti śrīmātsye mahāpurāṇe'ṅgārakavrataṃ nāma dvisaptatitamo'dhyāyaḥ

Linked texts (8)