Matsya 73

cha || || pippalāda uvāca
athātaḥ śṛṇu bhūpāla pratiśukaṃ praśāntaye || yatrārambhe'vasāne ca tathā śukrodaye tviha

rājate vātha sauvarṇe kāṃsyapātre'thavā punaḥ
śuklapuṣpāmbarayute sitataṇḍulapūrite

vidhāya rajataṃ śuklaṃ śucimuktāphalānvitam || mantreṇānena tat sarvvaṃ sāmagāya nivedayet

namaste
sarvvalokeśa namaste bhṛgunandana || kave sarvvārthasiddhyarthaṃ gṛhāṇārghyaṃ namo'stu te

evamabhyudaye kurvvandyātrādiṣu ca bhārata || sarvvānkāmāna
vāpnoti viṣṇuloke mahīyate

yāvacchukrasya na hṛtā pūjā sā mālyakaiḥ śubhaiḥ || vaṭakaiḥ pūrikābhiśca godhūmaiścaṇakairapi || tāvadannaṃ na cāśnīyā
dvibhiḥ kāmārthasiddhaye

tadvadbṛhaspateḥ pūjāṃ pravakṣyāmi yudhiṣṭhira || suvarṇapātre sauvarṇamameśapurohitam

pītapuṣpāmbarayutaṃ kṛtvā
snātvātha sarṣapaiḥ || palāśaśvatthayogena pañcagavyajalena ca

pītāṅgarāgavasano ghṛtahomantu kārayet || praṇamya ca gavāṃ sārddhaṃ brāhmaṇāya nivedayet

namaste'ṅgirasāṃ nātha vākpate ca bṛhaspate || krūragrahaiḥ pīḍitānāmamṛtāya namo namaḥ

saṃkrāntāvasya kaunteya yātrāsvabhyudayeṣu
ca || kurvvanbṛhaspateḥ pūjāṃ sarvvān kāmānsamaśnute

iti śrīmātsye mahāpurāṇe guruśukrapūjāvidhirnāma trisaptatitamo'dhyāyaḥ

Linked texts (2)