Pramāṇa · Search · About · API

Matsya 77

Matsya 77

Language
Sanskrit

Contents

77.1

cha
īśvara uvāca || || śarkarāsaptamīṃ vakṣye tadgatkalmaṣanāśinīm || āyurārogyamaiśvaryyaṃ yayānantaṃ prajāyate

77.2

mādhavasya site pakṣe saptamyāṃ
niyatāvrataḥ|| prātaḥ snātvā tilaiḥ śuklaiḥ śuklamālyānulepanaḥ

77.3

sthaṇḍile padmamālikhya kuṅkumena sakarṇikam || tasmingramaḥ savitre tu gandhadhūpau
nivedayet

77.4

sthāpayedudakumbhañca śarkarāpātrasaṃyutam || śuklabastrairalaṃṅkṛtya śuklamālyānulepanaiḥ || suvarṇena samāyuktaṃ mantreṇānena pūjayet

77.5

viśvavedamayo yasmādvedavādīti paṭhyase || sarvvasyāmṛtameva tvamataḥ śāntiṃ prayaccha me

77.6

pañcagavyaṃ tataḥ pītvā svapetatpārthataḥ kṣitau || saurasūktaṃ
smarannāste purāṇaśravaṇena ca

77.7

ahorātre gate paścātsaptamyāṃ kṛtanaityakaḥ || tatsarvvaṃ viduṣe tadvadbrāhmaṇāya nivedayet

77.8

bhojayecchaktito
viprāñcharkarāghṛtapāyasaiḥ || bhuñjītātailalavaṇaṃ svayamapyatha vāgyataḥ

77.9

anena vidhinā sarvvaṃ māsi māsi samācaret || saṃvatsarānte śayanaṃ śarkarāka
laśānvitam

77.10

sarvvopaskarasaṃyuktaṃ tathaikāṃ gāṃ payasvinīm || gṛhañca śaktimāndadyātsamastopaskarānvitam

77.11

sahasreṇātha niṣkāṇāṃ kṛtvā
dadyācchatena vā || daśabhirvātha niṣkeṇa tadarddhenāpi śaktitaḥ

77.12

suvarṇāśvaḥ pradātavyaḥ pūrvvavanmantravādanam || na vittaśāṭhyaṃ kurvvīta kurvvandoṣaṃ
samaśnute

77.13

amṛtaṃ pivato vaktrātsūryyasyāmṛtavindavaḥ || nipeturye tadutthāmī śālimudgekṣavaḥ smṛtāḥ

77.14

śarkarā tu parā tasmādikṣusāro'
mṛtātmavān || iṣṭā raverataḥ puṇyā śarkarā havyakavyayoḥ

77.15

śarkarāsaptamī ceyaṃ vājimedhaphalapradā || sarvvaduṣṭapraśamanī putrapautrapravarddhinī

77.16

yaḥ kuryyātparayā bhaktyā sa vai sadgatimavāpnuyāt || kalpamekaṃ vasetsvarge tato yāti paraṃ padam

77.17

idamannayaṃ śṛṇoti yaḥ smaredvā paripaṭhatīha divāka
rasya loke || matimapi ca dadāti so'pi devairamaravadhūjanamālyābhipūjyaḥ

77.17.p1

iti śrīmātsye mahāpurāṇe śarkarāvrataṃ nāma saptasaptatitamo'dhyāyaḥ

Linked texts (4)