Pramāṇa · Search · About · API

Matsya 81

Matsya 81

Language
Sanskrit

Contents

81.1

cha|| || manuruvāca || || kimabhīṣṭaviyogaśokasaṅgādalamuddharttumupoṣaṇaṃ vrataṃ vā
vibhavodbhavakāri bhūtale'smin bhavabhīterapi sūdanañca puṃsaḥ

81.2

matsya uvāca || || paripṛṣṭamidaṃ jagatpriyaṃ te vibudhānāpi durlabhaṃ mahattvāt || tava
bhaktimatastathāpi vakṣye vratamindrāsuramānaveṣu guhyam

81.3

puṇyamāśvayuje māsi viśokadvādaśīvratam || daśamyāṃ laghubhugvidvānārabhenniyamena tu

81.4

udaṅmukhaḥ prāṅmukho vā dantadhāvanapūrvakam || ekādaśyāṃ nirāhāraḥ samabhyarcya tu keśavam || śriyaṃ vābhyarcya vidhivadbhokṣyāmi tvapare'hani

81.5

evaṃ
niyamakṛt suptvā prātarutthāya mānavaḥ || snānaṃ sarvvauṣadhaiḥ kuryyāt pañcagavyajalena tu || śukkumālyāmbaradharaḥ pūjayecchrīśamutpalaiḥ

81.6

viśokāya namaḥ
pādau jaṅghe ca varadāya vai || śrīśāya jānunī tadvadūrū ca jalaśāyine

81.7

kandarpāya namo guhyaṃ mādhavāya namaḥ kaṭim || dāmodarāyetyudaraṃ pārśve ca
vipulāya vai

81.8

nābhiśca padmanābhāya hṛdayaṃ manmathāya vai || śrīdharāya vibhorvakṣaḥ karau madhujite namaḥ

81.9

cakriṇe vāmabāhuñca dakṣiṇaṃ gadine namaḥ
vaikuṇṭhāya namaḥ kaṇṭhamāsyaṃ yajñamukhāya vai

81.10

nāsāmaśokanidhaye vāsudevāya cākṣiṇī || lalāṭaṃ vāmanāyeti harayeti punarbhuvau

81.11

alakānmādhavā
yeti kirīṭaṃ viśvarūpiṇe || namaḥ sarvātmane tadvacchira ityabhipūjayet

81.12

evaṃ sampūjya govindaṃ phalamālyānulepanaiḥ || tatastu maṇḍalaṃ
kṛtvā sthaṇḍilaṃ kārayenmudā

81.13

caturasraṃ samantācca ratnamātramudakplavam || ślakṣṇaṃ dvayakṣaṃ parito vipratrayasamāvṛtam

81.14

aṅgulenocchritā
viprāstadvistārastu dvyaṅgulaḥ || sthaṇḍilasyopariṣṭācca bhittiraṣṭāṅgulā bhavet

81.15

nadīvālukayā śūrpe lakṣmyāḥ pratikṛtiṃ nyaset || sthaṇḍile
śūrpamāropya lakṣmīmityarcayedbudhaḥ

81.16

namo devyai namaḥ śāntyai namo lakṣmyai namaḥ śriyai || namaḥ puṣṭyai namastuṣṭyai vṛṣṭyai hṛṣṭyai namo namaḥ

81.17

viśokā duḥkhanāśāya viśokā varadā'stu me || viśokā cāstu sampattyai viśokā sarvvasiddhaye

81.18

tataḥ śuklāmbaraiḥ śūrpaṃ veṣṭya sampūja
yetphalaiḥ || vastrairnānāvidhaistadvatsuvarṇakamalena ca

81.19

rajanīṣu ca sarvvāsu pibedaṃbhodakaṃ budhaḥ || tatastu gītanṛtyādi kārayetsakalāṃ niśām

81.20

yāmatraye vyatīte tu suptvāpyutthāya mānavaḥ || abhigamya ca viprāṇāṃ mithunāni tadārcayet

81.21

śaktitastrīṇi caikaṃ vā vastramālyānulepanaiḥ
śayanasthāniṃ pūjyāni namo'stu jalaśāyine

81.22

tatastu gītavādyena rātrau jāgaraṇe kṛte || prabhāte ca tataḥ snānaṃ kṛtvā dāmpatyamarcayet

81.23

bhojanañca yathāśaktyā vittaśāṭhyavivarjjitaḥ || bhuktvā śrutvā purāṇāni taddinañcātivāhayet

81.24

anena vidhinā sarvvaṃ māsi māsi samācaret
vratānte śayanaṃ dadyādguḍadhenusamanvitam || sopadhānakaviśrāmaṃ sāstarāvaraṇaṃ śubham

81.25

yathā na lakṣmīrdeveśa tvāṃ parityajya gacchati
tathā surūpatārogyamaśokaścāstu me sadā

81.26

yathā devena rahitā na lakṣmīrjāyate kvacit || tathā viśokatā me'stu bhaktiravyā ca keśave

81.27

mantreṇānena śayanaṃ guḍadhenusamanvitam || śūrpañca lakṣmyā sahitaṃ dātavyaṃ bhūtimicchatā

81.28

utpalaṃ karavīrañca bāṇamamlānakuṅkumam || ketakī
sindhuvārañca mallikā gandhapāṭalā || kadambaṃ kubjakaṃ jātiḥ śastānyetāni sarvvadā

81.28.p1

iti śrīmātsye mahāpurāṇe viśokadvādaśīvrataṃ nāmaikāśītitamo'dhyāyaḥ

Linked texts (3)