Matsya 82
Matsya 82
- Language
- Sanskrit
Contents
- 82.31 — 1 part
82.1
manuruvāca || || guḍadhenuvidhānaṃ me samācakṣva jagatpate || kiṃrūpaṃ kena mantreṇa dātavyaṃ tadihocyatām
82.2
matsya uvāca || || guḍadhenuvidhānasya yadrūpamiha yatphalam || tadidānīṃ pravakṣyāmi sarvvapāpavināśanam
82.3
kṛṣṇājinaṃ caturhastaṃ prāgagraṃ
vinyasedbhuvi || gomayenānusritāyāṃ darbhānāstīryya sarvvataḥ
82.4
laghveṇakājinaṃ tadvadvatsañca parikalpayet || prāṅmukhīṃ kalpayeddhenumudakpādāṃ sava
tsakām
82.5
uttamā guḍadhenuḥ syātsadā bhāracatuṣṭayam || vatsaṃ bhāreṇa kurvīta dvābhyāṃ vai madhyamā smṛtā
82.6
arddhabhāreṇa vatsaḥ syātka
niṣṭhā bhārakeṇa tu || caturthāṃśena vatsaḥ syādgahavittānusārataḥ
82.7
dhenuvatsau ghṛtāsyau ca sitasūkṣmāmbarāvṛtau || śuktikarṇāvikṣupādau śuci
muktāphalekṣaṇau
82.8
sitasūtraśirālau tau sitakambalakambalau || tāmragaṇḍakapṛṣṭhau tau sitacāmararomakau
82.9
vidrumabhrūyugopetau navanītastanāvubhau
kṣaumapucchau kāṃsyadohāvindranīlakatārakau
82.10
suvarṇaśṛṅgābharaṇau rajataiḥ khurasaṃyutau || nānāphalasamāyuktau ghrāṇagandhakaraṇḍakau || ityevaṃ racayitvā tau
dhūpadīpairathārcayet
82.11
yā lakṣmīḥ sarvvabhūtānāṃ yā ca deveṣvavasthitā || dhenurūpeṇa sā devī mama śāntiṃ prayacchatu
82.12
dehasthā yā ca rudrāṇī
śaṅkarasya sadā priyā || dhenurūpeṇa sā devī mama pāpaṃ vyapohatu
82.13
viṣṇorvvakṣasi yā lakṣmīḥ svāhā yā ca vibhāvasoḥ || candrārkaśakraśaktiyyām̐
dhenurūpā'stu sā śriye
82.14
caturmukhasya yā lakṣmīryā lakṣmīrdhanadasya ca || lakṣmīryā lokapālānāṃ sā dhenurvaradā'stu me
82.15
svadhā yā
pitṛmukhyānāṃ svāhā yajñabhujāñca yā || sarvvapāpaharā dhenustasmācchāntiṃ prayaccha me
82.16
evamāmantrya tāṃ dhenuṃ brāhmaṇāya nivedayet || vidhānametaddhenūnāṃ
sarvvāsāmabhiṣaṭhyate
82.17
yāstāḥ pāpavināśinyaḥ paṭhyante daśa dhenavaḥ || tāsāṃ svarūpaṃ vakṣyāmi nāmāni ca narādhipa
82.18
prathamā guḍadhenuḥ syādghṛta
dhenustathāparā || tiladhenustṛtīyā tu caturthī jalasaṃjñitā
82.19
kṣīradhenuśca vikhyātā madhudhenustathāparā || saptamī śarkarādhenurdadhidhenustathāṣṭamī
rasadhenuśca navamī daśamī syātsvarūpataḥ
82.20
kumbhāḥ syurdravadhenūnāmitarāsāntu rāśayaḥ || suvarṇadhenumapyatra kecidicchanti mānavāḥ
82.21
navanītena ratnaiśca tathānye tu maharṣayaḥ || etadevavidhānaṃ syātta evopaskarāḥ smṛtāḥ
82.22
mantrāvāhanasaṃyuktāḥ sadā parvvaṇi parvvaṇi
yathāśraddhaṃ pradātavyā bhuktimuktiphalapradāḥ
82.23
guḍadhenuprasaṅgena sarvvāstāstanmayoditāḥ || aśeṣayajñaphaladāḥ sarvvāḥ pāpaharāḥ śubhāḥ
82.24
vratānāmuttamaṃ yasmādviśokadvādaśīvrataṃm || tadaṅgatvena caivātra guḍadhenuḥ praśasyate
82.25
ayane viṣuve puṇye vyatīpāte
'thavā punaḥ || guḍadhenvādayo deyāstūparāgādiparvvasu
82.26
viśokadvādaśī caiṣā puṇyā pāpaharā śubhā || yāmupoṣya naro yāti
tadviṣṇoḥ paramaṃ padam
82.27
iha loke ca saubhāgyamāyuśarogyameva ca || vaiṣṇavaṃ puramāpnoti maraṇe ca smaranharim
82.28
navāmbudasrahasrāṇi daśa
cāṣṭau ca dharmavit || na śokaduḥkhadaurgatyaṃ tasya sañjāyate nṛpa
82.29
nārī vā kurute yā tu viśokadvādaśīvratam || nṛtyagītaparā nityaṃ sāpi
tatphalamāpnuyāt
82.30
tasmādagre harernityamanantaṃ gītavādanam || karttavyaṃ bhūtikāmena bhaktyā tu parayā nṛpa
82.31
iti paṭhati ya itthaṃ yaḥ
śṛṇotīha samyaṅ madhumuranarakāreārccanaṃ yaśca paśyet || matimapi ca janānāṃ yo dadātīndraloke vasati sa vibudhaughaiḥ pūjyate kalpamekam
82.31.p1
iti śrīmatsye mahāpurāṇe viśokadvādaśīvrataṃ nāma tryaśītitamo'dhyāyaḥ
Linked texts (3)
- Matsyapurāṇa — Vyāsa, Sanskrit
- Bhaviṣyapurāṇa — Vyāsa, Sanskrit
- Kṛtyasārasamuccaya (Amṛtanātha Jhā Śarman) — Amṛtanātha Jhā Śarman 1800, Sanskrit