Matsya 83
Matsya 83
- Language
- Sanskrit
Contents
- 83.45 — 1 part
83.1
nārada uvāca || || bhagavaṃñchrotumicchāmi dānamāhātmyamuttamam
yadakṣayaṃ pare loke devarṣigaṇapūjitam
83.2
umāpatiruvāca || || meroḥ pradānaṃ vakṣyāmi daśadhā munipuṅgava || yatpradānānnaro lokānā
pnoti surapūjitān
83.3
purāṇeṣu ca vedeṣu yajñeṣvāyataneṣu ca || na tatphalamadhīteṣu kṛteṣviha yadaśnute
83.4
tasmādvidhānaṃ vakṣyāmi
parvvatānāmanukramāt || prathamo dhānyaśailaḥ syādditīyo lavaṇācalaḥ
83.5
guḍācalastutīyastu caturtho hemaparvvataḥ || pañcamastilaśailaḥ syāt ṣaṣṭhaḥ
kārpāsaparvvataḥ
83.6
saptamo ghṛtaśailaśca ratnaśailastathāṣṭamaḥ || rājato navamastadvaddaśamaḥ śarkarācalaḥ
83.7
vakṣye vidhānameteṣāṃ yathāvadanupūrvvaśaḥ
ayane viṣuve puṇye vyatīpāte dinakṣaye
83.8
śuklapakṣe tṛtīyāyāmuparāge śaśikṣaye || vivāhotsavayajñeṣu dvādaśyā matha vā punaḥ
83.9
śuklāyāṃ pañca
daśyāṃ vā puṇyarkṣe vā vidhānataḥ || dhānyaśailādayo deyā yathāśāstraṃ vidhānataḥ
83.10
tīrtheṣvāyatane vāpi goṣṭhe vā bhavanāṅgaṇe
maṇḍapaṃ kārayedbhaktyā caturasramudaṅmukham || prāgudakpravaṇaṃ tadvatprāṅmukhañca vidhānataḥ
83.11
gomayenānu liptāyāṃ bhūmāvāstīryya vai kuśān || tanmadhye
parvvataṃ kuryyādviṣkambhaparvvatānvitam
83.12
dhānyadroṇasahasreṇa bhavedgiririhottamaḥ || madhyamaḥ pañcaśatikaḥ kaniṣṭhaḥ syāttribhiḥ śataiḥ
83.13
merurmahātrīhimaṃyastu madhye suvarṇavṛkṣatrayasaṃyuktaḥ syāt || pūrveṇa muktāphalavajrayukto yāmyena gomedakapuṣparāgaiḥ
83.14
paścācca gārutmatanīlaratnaiḥ
saumyena vaidūryyasarojarāgaiḥ || śrīkhaṇḍakhaṇḍairabhitaḥ pravālairlatānvitaḥ śuktiśilātalaḥ syāt
83.15
brahmātha viṣṇurbhagavānpurārirdivāka
ro'pyatra hiraṇmayaḥ syāt || mūrddhanyavasthānamamatsareṇa kāryyantvanekairatha punardvijaughaiḥ
83.16
catvāri śṛṅgāṇi ca rājatāni nitambabhāgeṣvapi
rajatataḥ syāt || tatheṣuvaṃśāvṛtakandarastu ghṛtodakaprasravaṇaiśca dikṣu
83.17
śuklāmbarāṇyambudharāvalī syātpūrveṇa pītāni ca
dakṣiṇena || vāsāṃsi paścādatha karburāṇi raktāni caivottarato ghanālī
83.18
raupyānramahendrapramukhāṃstathāṣṭau saṃsthāpya lokādhipatīnkrameṇa
nānāphalālī ca samantataḥ syānmanoramaṃ mālyavilepanañca
83.19
vitānakañcopari pañcavarṇamamlānapuṣpābharaṇaṃ sitañca || itthaṃ niveśyā'
maraśailamagryaṃ merostu viṣkambhagirīnkrameṇa
83.20
turīyabhāgena caturdiśañca saṃsthāpayetpuṣpavilepanāḍhyān || pūrveṇa mandaramanekaphalāva
lībhiryuktaṃ yavaiḥ kanakabhadrakadambacihnaiḥ
83.21
kāmena kāñcanamayena virājamānamākārayetkusumavastravilepanāḍhyam || kṣīrāruṇodasarasā'tha
vanena caivaṃ raupyeṇa śaktighaṭitena virājamānam
83.22
yāmyena gandhamadanaśca niveśanīyo godhūmasañcayamayaḥ kaladhautayuktaḥ || haimena yajña
patinā ghṛtamānasena vastraiśca rājatavanena ca saṃyutaḥ syāt
83.23
paścāt tilācalamanekasugandhipuṣpasauvarṇapippalahiraṇmayahaṃsayuktam || ākārayedva
jatapuṣpavanena tadvadbhrānvitaṃ dadhisitodarasarastathāgre
83.24
saṃsthāpya taṃ vipulaśailamathottareṇa śailaṃ supārśvamapi māṣamayaṃ suvastram || puṣpaiśca hemavaṭa
pādapaśekharaṃ tamākārayetkanakadhenuvirājamānam
83.25
mākṣīkabhadrasarasā'tha vanena tadvadraupyeṇa bhāsvaravatā ca yutaṃ nidhāya || homaścaturbhiratha vedapu
rāṇavidbhirdāntairanindyacaritākṛtibhirdvijendraiḥ
83.26
pūrveṇa hastamitamatra vidhāya kuṇḍaṃ kāryyastilairyavaghṛtena samitkuśaiśca || rātrau ca jāgaramanu
ddhatagītatūryyairāvāhanañca kathayāmi śiloccayānām
83.27
tvaṃ sarvvadevagaṇadhāmanidhe viruṅdhamasmaddruheṣvamaraparvvata nāśayāśu || kṣemaṃ vidhatsva kuru
śāntimanuttamāṃ naḥ sampūjitaḥ paramabhaktimatā mayā hi
83.28
tvameva bhagavānīśo brahmā viṣṇurdivākaraḥ || mūrttāmūrttītparaṃ bījamataḥ pāhi sanā
tana
83.29
yasmāttvaṃ lokapālānāṃ viśvamūrtteśca mandiram || rudrādityavasūnāñca tasmācchāntiṃ prayaccha me
83.30
yasmādaśūnyamamarairnārībhiśca
śivena ca||tasmānmāmuddharāśeṣaduḥkhasaṃsārasāgarāt
83.31
evamabhyarcya taṃ meruṃ mandarañcābhipūjayet || yasmāccaitrarathena tvaṃ bhadrāśvena ca varṣataḥ
83.33
śobhase mandara kṣipramatastuṣṭikaro bhava||yasmāccūḍāmaṇirjambūdvīpe tvaṃ gandhamādana||32||gandharvvavanaśobhāvānāntaḥ kīrttirdṛḍhā'stu me || yasmāttvaṃ ketumālena
vaibhrājena vanena ca
83.34
hiraṇmayāśvatthaśirāstasmātpuṣṭirdhruvā'stu me || uttaraiḥ kurubhiryasmātsāvitreṇa vanena ca
83.35
supārśva rājase nityamataḥ
śrīrakṣayā'stu me || evamāmantrya tānsarvvānprabhāte vimale punaḥ
83.36
snātvātha gurave dadyānmadhyamaṃ parvvatottamam || viṣkambhaparvvatāndadyādṛtvāgbhyaḥ
kramaśo mune
83.37
gāśca dadyāccaturviṃśatyathavā daśa nārada || nava sapta tathāṣṭau vā pañca dadyādaśaktimān
83.38
ekāpi gurave deyā kapilā
ca payasvinī || parvvatānāmaśeṣāṇāmeṣa eva vidhiḥ smṛtaḥ
83.39
ta eva pūjane mantrāsta evopaskarā matāḥ || grahāṇāṃ lokapālānāṃ brahmādīnāñca
sarvvadā
83.40
svamantreṇaiva sarvveṣu homaḥ śaileṣu paṭhyate || upavāsī bhavennityamaśakte naktamiṣyate
83.41
vidhānaṃ sarvvaśailānāṃ kramaśaḥ śṛṇu
nārada || dānakāle ca ye mantrāḥ parvvateṣu ca yatphalam
83.42
annaṃ brahma yataḥ proktamanne prāṇāḥ pratiṣṭhitāḥ|| annādbhavanti bhūtāni jagadannena varttate
83.43
annameva tato lakṣmīnnameva janārddanaḥ || dhānyaparvvatarūpeṇa pāhi tasmānnagottama
83.44
anena vidhinā yastu dadyāddhānyamayaṃ girim || manvantaraśataṃ
sāgraṃ devaloke mahīyate
83.45
apsarogaṇagandharvvairākīrṇena virājatā || vimānena divaḥ pṛṣṭhamāyāti sma niṣevitaḥ || dharmmakṣaye rājarājyamāpnotīha
na saṃśayaḥ
83.45.p1
iti śrīmatsye mahāpurāṇe dānamāhātmyaṃ nāma tryaśītitamo'dhyāyaḥ
Linked texts (1)
- Matsyapurāṇa — Vyāsa, Sanskrit