Pramāṇa · Search · About · API

Matsya 85

Matsya 85

Language
Sanskrit

Contents

85.1

cha || || īśvara uvāca || || ataḥ paraṃ prakṣyāmi guḍaparvvatamuttamam|| yatpradānānnaraḥ svargamāpnoti surapūjitam

85.2

uttamo
daśabhirbhārairmadhyamaḥ pañcabhirmataḥ|| tribhirbhāraiḥ kaniṣṭhaḥ syāttadarddhenālpavittavān

85.3

tadvadāmantraṇaṃ pūjāṃ hemavṛkṣasurārcanam || viṣkambhaparvvatāṃstadvattasarāṃsi
vanadevatāḥ

85.4

homajāgaraṇaṃ tadvallokapālādhivāsanam || dhānyaparvvatavatkuryyādimaṃ mantramudīrayet

85.5

yathā deveṣu viśvātmā pravaro'yaṃ janārddanaḥ
sāmavedastu vedānāṃ mahādevastu yoginām

85.6

praṇavaḥ sarvvamantrāṇāṃ nārīṇāṃ pārvvatī yathā || tathā rasānāṃ pravaraḥ sadaiveścuraso mataḥ

85.7

mama tasmātparāṃ lakṣmīṃ guḍaparvvata dehi vai || yasmātsaubhāgyadāyinyā bhrātā tvaṃ guḍaparvvata || nivāsaścāpi pārvvatyāstasmācchāntiṃ prayaccha me

85.8

anena vidhinā yastu dadyādguḍamayaṃ girim || pūjyamānaḥ sa gandharvvairgaurīloke mahīyate

85.9

tataḥ kalpaśatānte tu saptadvīpādhipo bhavet
āyuśarogyasampannaḥ śatrubhiścāparājitaḥ

85.9.p1

iti śrīmātsye mahāpurāṇe guḍaparvvatakīrttanaṃ nāma pañcāśītitamo'dhyāyaḥ

Linked texts (2)