Matsya 9

Language: Sanskrit

9.12 — 1 part

9.1

cha || || ṛṣaya ūcuḥ || || ādisargaśca yaḥ sūta kathito vistareṇa tu || pratisargaśca ye yeṣāmadhipā
stānvadasva naḥ

9.2

sūta uvāca || || yadābhiṣiktaḥ sakalādhirājye pṛthurdharitryāmadhipo babhūva || tadauṣadhīnāmadhipaṃ cakāra yajñavratānāṃ tapa
sāñca candram

9.3

nakṣatratārādvijavṛkṣagulmalatāvitānasya ca rukmagarbhaḥ || apāmadhīśaṃ varuṇaṃ dhanānāṃ rājñāṃ prabhuṃ vaiśravaṇañca tadvat

9.4

viṣṇuṃ ravīṇāmadhipaṃ vasūnāmagniṃ ca lokādhipatiścakāra || prajāpatīnāmadhipañca dakṣaṃ cakāra śakraṃ marutāmadhīśam

9.5

daityādhipānāmatha dānavānāṃ
prahlādamīśañca yamaṃ pitṝṇām || piśācarakṣaḥpaśubhūtayakṣavetālarājaṃ tvatha śūlapāṇim

9.6

prāleyaśailañca patiṃ girīṇāmīśaṃ samudraṃ sasarinnadā
nām || gandharvvavidyādharakinnarāṇāmīśaṃ punaścitrarathaṃ cakāra

9.7

nāgādhipaṃ vāsukimugravīryyaṃ sarpādhipaṃ takṣakamādideśa || diśāṃ gajānāmadhipaṃ ca
kāra gajendramairāvatanāmadheyam

9.8

suparṇamīśaṃ patatāmathā'śvarājānuccaiḥśravasaṃ cakāra || siṃhaṃ mṛgāṇāṃ vṛṣabhaṃ gavāñca vṛkṣaṃ punaḥ sarvvavanaspatī
nām

9.9

pitāmahaḥ pūrvvamathābhyaṣiñcaccaitānpunaḥ sarvvadiśādhināthān || pūrvveṇa dikpālamathābhyaṣiñcannāmnā sudharmmāṇamarātiketum

9.10

tato'
dhipaṃ dakṣiṇataścakāra sarvveśvaraṃ śaṅkhapadābhidhānam || sa ketumantañca digīśamīśaścakāra paścādbhuvanāṇḍagarbhaḥ

9.11

hiraṇyaromāṇamudagdigīśaṃ prajā
patirdevasutaṃ cakāra || adyāpi kurvvanti diśāmadhīśāḥ śatrūndahantastu bhuvo'bhirakṣām

9.12

caturbhirebhiḥ pṛthunāmadheyo nṛpo'bhiṣiktaḥ prathamaṃ pṛthi
vyām || gate'ntare cākṣuṣanāmadheye vaivasvatākhye ca punaḥ pravṛtte || prajāpatiḥ so'sya carācarasya babhūva sūryānyavayaṃvaśācihnaḥ

9.12.p1

iti śrīmātsye mahāpurāṇe ādhipatyābhiṣecanaṃ nāmāṣṭamo'dhyāyaḥ

Matsya 9

Contents