Matsya 91
Matsya 91
- Language
- Sanskrit
Contents
- 91.10 — 1 part
91.1
īśvara uvāca
ataḥ paraṃ pravakṣyāmi raupyācalamanuttamam || yatpradānānnaro yāti somalokamanuttamam
91.2
daśabhiḥ palasāhasrairuttamo rajatācalaḥ
pañcabhirmadhyamaḥ proktastadarddhenādhamaḥ smṛtaḥ
91.3
aśakto viṃśaterūrddhaṃ kārayecchaktitastadā || viṣkambhaparvvatāṃstadvat turīyāṃśena kalpayet
91.4
pūrvvavadrājatānkurvvanmandarādīnvidhānataḥ || kaladhautamayāṃstadvallokeśānarcayedbudhaḥ
91.5
brahmaviṣṇuvārkavānkāryyo nitambo'tra hiraṇmayaḥ
rājataṃ syādyadanyeṣāṃ sarvvaṃ tadiha kāñcanam
91.6
śeṣantu pūrvvavat kuryyāddhomajāgaraṇādikam || dadyāttataḥ prabhāte tu gurave raupyaparvvatam
91.7
viṣkambhaśailāṃstṛtvigbhyaḥ pūjya vastravibhūṣaṇaiḥ || imaṃ mantraṃ paṭhandadyāddadarbhapāṇirvimatsaraḥ
91.8
pitṝṇāṃ vallabho yasmāddharīṃdrāṇāṃ śivasya ca
pāhi rajata tasmāttvaṃ śokaṃsārasāgarāt
91.9
itthaṃ nivedya yo dadyādrajatācalamuttamam || gavāmayutadānasya phalaṃ prāpnoti mānavaḥ
91.10
somaloke sa gandharvvaiḥ kinnarāpsarasāṃ gaṇaiḥ|| pūjyamāno vasedvidvān yāvadābhūtasaṃplavam
91.10.p1
iti śrīmātsye mahāpurāṇe raupyācalakīrttanaṃ nāmaika navatitamo'dhyāyaḥ
Linked texts (1)
- Matsyapurāṇa — Vyāsa, Sanskrit