Matsya 92
Matsya 92
- Language
- Sanskrit
Contents
- 92.35 — 1 part
92.1
cha || īśvara uvāca || || athātaḥ sampravakṣyāmi śarkarāśailamuttamam || yasya pradānādviṣṇvarkarudrāstuṣyanti sarvvadā
92.2
aṣṭābhiḥ śarkarābhārairuttamaḥ syānmahācalaḥ|| caturbhirmadhyamaḥ prokto bhārābhyāmadhamaḥ smṛtaḥ
92.3
bhāreṇa vārddhabhāreṇa kuryyādyaḥ svalpavittavān
viṣkambhaparvvatān kuryyāt turīyāṃśena mānavaḥ
92.4
dhānyaparvvatavat sarvvamāsādyāmarasaṃyutam || merorupari tadvacca sthāpya hematarutrayam
92.5
mandāraḥ
pārijātaśca tṛtīyaḥ kalpapādapaḥ || etadvṛkṣatrayaṃ mūrdhni sarvveṣvapi niyojayet
92.6
haricandanasantānau pūrvvapaścimabhāgayoḥ || niveśyau sarvvaśaileṣu
viśeṣāccharkarācale
92.7
mandare kāmadevastu pratyagvaktraḥ sadā bhavet || gandhamādanaśṛṅge tu dhanadaḥ syādudaṅmukhaḥ
92.8
prāṅmukho vedamūrtistu
haṃsaḥ syādvipulācale || haimī supāśveṃ surabhirdakṣiṇābhimukhī bhavet
92.9
dhānyaparvatavatsarvvamāvāhanavidhānakam || kṛtvā tu gurave dadyānmadhyamaṃ parvvatottamam || ṛtvigbhyaścaturaḥ śailānemānmantrānudīrayan
92.10
saubhāgyamṛtasāro'yaṃ parvvataḥ śarkarāyutaḥ || tasmādānandakārī tvaṃ bhava śailendra sarvvadā
92.11
amṛtaṃ pibatāṃ ye tu nipeturbhuvi śīkarāḥ || devānāṃ tatsamutthastvaṃ pāhi naḥ śarkarācala
92.12
manobhavadhanurmadhyādudbhūtā śarkarā yataḥ
tanmayo'si mahāśaila pāhi saṃsārasāgarāt
92.13
yo dadyāccharkarā śailamanena vidhinā naraḥ || sarvvapāpairvinirmmaktaḥ sa yātiṃ paramaṃ padam
92.14
candratārārkasaṅkāśamadhiruhyānujīvibhiḥ || sahaiva yānamātiṣṭhet tatra viṣṇupracoditaḥ
92.15
tataḥ kalpaśatānte tu saptadvīpādhipo bhavet || āyurā
rogyasampanno yāvajjanmārbudatrayam
92.16
bhojanaṃ śaktitaḥ kuryyātsarvvaśaileṣvamatsaraḥ || sarvvatrākṣāralavaṇamaśrīyāttadanujñayā || parvvatopaskarānsa
rvvānprāpayedbrāhmaṇālayam
92.17
īśvara uvāca || || āsītpurā bṛhatakalpe dharmmamūrtirjanādhipaḥ|| suhṛcchakrasya nihatā yena daityāḥ sahasraśaḥ
92.18
somasūryyādayo yasya tejasā vigataprabhāḥ || bhavanti śataśo yena kṣatravaścāparājitāḥ || yathecchārūpadhārī ca manuṣyo'pyaparājitaḥ
92.19
tasya
bhānumatī nāma bhāryyā trailokyasundarī || lakṣmīvaddivyarūpeṇa nirjjitā'marasundarī
92.20
rājñastasyāgramahiṣī prāṇebhyo'pi garīyasī || daśanā
rīsahasrāṇāṃ madhye śrīriva rājate
92.21
nṛpakoṭisahasreṇa na kadācitsamucyate || kadācidāsthānagataḥ papraccha sa purodhasam || vismayenāvṛto
rājā vasiṣṭhamṛṣisattamam
92.22
rājovāca || || bhagavankena dharmmeṇa mama lakṣmīriranuttamā || kasmācca vipulaṃ tejo maccharīre sadottamam
92.23
vasiṣṭha uvāca || || purā līlāvatī nāma veśyā śivaparāyaṇā || tayā dattaśraturddaśyāṃ gurave lavaṇācalaḥ || hemavṛkṣādibhiḥ sāīṃ yathāvadvidhipū
rvvakam
92.24
śūdraḥ suvarṇakāraśca nāmnā śauṇḍo'bhavattadā || bhṛtyo līlāvatīgehe tena hemā vinirmitāḥ
92.25
taravaḥ suramukhyāśca śraddhāyuktena
pārthiva || atirūpeṇa sampannā ghaṭayitvā vinā bhṛtim || dharmmakāryyamiti jñātvā na gṛhṇāti kathañcana
92.26
ujjvalitāśca tatpatnyā sauvarṇā
narapādapāḥ || līlāvatī gireḥ pārśve paricaryyāñca pārthiva
92.27
kṛtvā tābhyāmaśāṭhyena guruśuśrūṣaṇādikam || sā ca līlāvatī veśyā kālena
mahatāpi ca
92.28
kāladharmmamanuprāptā karmmayogena nārada || sarvvapāpavinirmuktā jagāma śivamandiram
92.29
yo'sau suvarṇakārastu daridro'pyati
sattvavān || na maulyamādādvaiśyātaḥ sa bhavāniha sāmpratam
92.30
saptadvīpapatirjātaḥ sūryyāyutasamaprabhaḥ || yayā suvarṇakārasya taravo hemanirmitāḥ
samyagujjvalitāḥ patnyā seyaṃ bhānumatī tava
92.31
ujjvalanādujjvalarūpamasyāḥ sañjātamasmin bhuvanādhipatyam || yasmātkṛtaṃ tatparikarmma
rātrāvanuddhatābhyāṃ lavaṇācalasya
92.32
tasmācca lokeṣvaparājitatvamārogyasaubhāgyayutā ca lakṣmīḥ || tasmāttvamapyatra vidhānapūrvvaṃ dhānyāca
lādīndaśadhā kuruṣva
92.33
tatheti satkṛtya sa dharmmamūrttirvaco vasiṣṭhasya dadau ca sarvvān || dhānyācalādīñchatajño murārerlokaṃ jagāmāmarapū
jyamānaḥ
92.34
paśyedapīmānadhano'tibhaktyā spṛśenmanuṣyairapi dīyamānān || śṛṇoti bhaktyātha matiṃ dadāti vikalpaṣaḥ so'pi divaṃ prayāti
92.35
duḥkhapnaṃ praśamamupaiti paṭhyamānaiḥ śailendrairbhavabhayabhedanairmanuṣyaiḥ || yaḥ kuryyātkimu munipuṅgaveha samyak śāntātmā sakalagirīndrasampradānam
92.35.p1
iti śrīmātsye mahāpurāṇe parvvatapradānamāhātmyaṃ nāma dvinavatitamo'dhyāyaḥ
Linked texts (1)
- Matsyapurāṇa — Vyāsa, Sanskrit