Pramāṇa · Search · About · API

Matsya 93

Matsya 93

Language
Sanskrit

Contents

93.1

cha || || sūta uvāca || || vaiśampāyanamāsīnamapṛccha
cchaunakaḥ purā || sarvvakāmāptaye nityaṃ kathaṃ śāntikapauṣṭikam

93.2

vaiśampāyana uvāca || || śrīkāmaḥ śāntikāmo vā grahayajñaṃ samārabhet
vṛddhayāyuḥpuṣṭikāmo vā tathaivābhicaran punaḥ

93.2-2

yena brahmanvidhānena tanme nigadataḥ śṛṇu

93.3

sarvvaśāstrāṇyanukramya saṃkṣipya granthavistaram || grahaśāntiṃ
pravakṣyāmi purāṇaśruticoditām

93.4

puṇye'hni viprakathite kṛtvā brāhmaṇavācanam || grahānyahādhidevāṃśca sthāpya homaṃ samārabhet

93.5

grahaya
jñastridhā proktaḥ purāṇaśrutikovidaiḥ || prathamo'yutahomaḥ syāllakṣahomastataḥ param

93.6

tṛtīyaḥ koṭihomastu sarvvakāmaphalapradaḥ || ayutenāhutīna
ñca navagrahamakhaḥ smṛtaḥ

93.7

tasya tāvadvidhiṃ vakṣye purāṇaśrutibhāṣitam || gartasyottarapūrveṇa vitastidvayavistṛtām

93.8

vapradvayāvṛtāṃ vediṃ vita
styucchrayasammitam || saṃsthāpanāya devānāṃ caturasrāmudaṅmukhām

93.9

agnipraṇayanaṃ kṛtvā tasyāmāvāhayetsurān || devatānāṃ tataḥ sthāpyā viṃśati
rdvādaśādhikā

93.10

sūryyaḥ somastathā bhaumo budhajīvasitārkajāḥ || rāhuketuriti proktā grahā lokahitāvahāḥ

93.11

madhye tu bhāskaraṃ vidyāllo
hitaṃ dakṣiṇena tu || uttareṇa guruṃ vidyādbudhaṃ pūrvvottareṇa tu

93.12

pūrvveṇa bhārgavaṃ vidyātsomaṃ dakṣiṇapūrvvake || paścimena śaniṃ vidyādrāhuṃ paścimadakṣiṇe
paścimottarataḥ ketuṃ sthāpayecchuklataṇḍulaiḥ

93.13

bhāskarasyeśvaraṃ vidyādumāñca śaśinastathā || skandamaṅgārakasyāpi budhasya ca tathā harim

93.14

brahmāṇañca gurorvidyācchukrasyāpi śacīpatim || śanaiścarasya tu yamaṃ rāhoḥ kālaṃ tathaiva ca

93.15

ketorvicitraguptañca sarvveṣāmadhidevatāḥ || agniśrāpaḥ
kṣitirviṣṇurindra aindrī ca devatāḥ

93.16

prajāpatiśca sarpāṃśca brahmā pratyadhidevatāḥ || vināyakaṃ tathā durgāṃ vāyurākāśameva ca || āvāhayedvyā
hṛtibhistathaivāśvikumārakau

93.17

saṃsmaredraktamādityamaṅgārakasamanvitam || somaśukrau tathā śvetau budhajīvau ca piṅgalau || mandarāhu tathā kṛṣṇau
dhūmraṃ ketugaṇaṃ viduḥ

93.18

grahavarṇāni deyāni vāsāṃsi kusumāni ca || dhūpāāmodo'tra surabhirupariṣṭādvitānikam || śobhanaṃ sthāpayetprājñaḥ phala
puṣpasamanvitam

93.19

guḍaudanaṃ raverdedyātsomāya ghṛtapāyasam || aṅgārakāya saṃyāvaṃ budhāya kṣīraṣaṣṭikai

93.20

dadhyodanañca jīvāya śukrāya ca
guḍaudanam || śanaiścarāya kusarāmajāmāṃseca rāhave || citraudanañca ketubhyaḥ sarvairbhakṣyairyathārcayet

93.21

prāguttareṇa tasmācca dadhyakṣatavibhūṣitam || cūta
pallavasaṃchannaṃ phalavastrayugānvitam

93.22

pañcaratnasamāyuktaṃ pañcabhaṅgasamanvitam || sthāpayedavraṇaṃ kumbhaṃ varuṇaṃ tatra vinyaset

93.23

gaṅgādyāḥ
saritaḥ sarvvāḥ samudrāṃśca sarāṃsi ca || gajāśvarathyāvalmīkasaṅgamāddhradagokulāt

93.24

mṛdānīya viprendra sarvvauṣadhijalānvitām || snānārthaṃ
vinyasettatra yajamānasya dharmmavit

93.25

sarvve samudrāḥ saritaḥ sarāṃsi ca nadāstathā || āyāntu yajamānasya duritakṣayakārakāḥ

93.26

evamāvāhayedetānamarānmunisattama || homaṃ samārabhet sarpiryavavrīhitilādinā

93.27

arkaḥ pālāśakhadirāvapāmārgo'tha pippalaḥ || audumbaraḥ
śamī dūrvvā kuśāśca samidhaḥ kramāt

93.28

ekaikasyāṣṭakaśatamuṣṭāviṃśatimeva vā || hotavyā madhusarpibhyāṃ dadhnā caiva samanvitāḥ

93.29

prādeśamātrā aśriphā aśākhā apalāśinīḥ || samidhaḥ kalpayetprājñaḥ sarvvakarmmasu sarvvadā

93.30

devānāmāpi sarvveṣāsupāṃśu paramārthavit
svena svenaiva mantreṇa hotavyāḥ samidhaḥ pṛthak

93.31

hotavyañca ghṛtābhyaktaṃ carurbhakṣādikaṃ punaḥ || mantrairdaśāhutīrhutvā homaṃ vyāhṛtibhi
stataḥ

93.32

udaṅmukhāḥ prāṅmukhā vā kuryyurbrāhmaṇapuṅgavāḥ || mantravantaśca kartavyāścaravaḥ pratidaivatam

93.33

hutvā ca tāṃścarūnsabhyak
tato homaṃ samācaret || ākṛṣṇeti ca sūryyāya homaḥ kāryyo dvijanmanā

93.34

āpyāyasveti somāya mantreṇa juhuyātpunaḥ || agnimūrddhā
divo mantra iti bhaumāya kīrttayet

93.35

agne vivasvaduṣasa iti somasutāya vai || bṛhaspate paridīyā ratheneti gurormataḥ

93.36

śukra
nte anyaditi ca śukrasyāpi nigadyate || śanaiścarāyeti punaḥ śanno devīti homayet

93.37

kayānaścitra ābhuva iti rāhorudāhṛtaḥ || ketuṃ kṛṇvannapi
brūyātketūnāmapi śāntaye

93.38

āvo rājeti rudrasya balihomaṃ samācaret || āpohiṣṭhetyumāyāstu syoneti svāminastathā

93.39

viṣṇoridaṃ viṣṇu
riti tamīśeti svayambhuvaḥ || indramidevatāyeti indrāya juhuyāttataḥ

93.40

tathā yamasya cāyaṃ gauriti homaḥ prakīrttitaḥ || kālasya brahmajajñāna
miti mantraḥ praśasyate

93.41

citraguptasya cājñātamiti mantravido viduḥ || agniṃ dūtaṃ vṛṇīmaha iti vahnerudāhṛtaḥ

93.42

uduttamaṃ varuṇamityapāṃ
mantraḥ prakīrttitaḥ || bhūmeḥ pṛthivyantarikṣamiti vedeṣu paṭhyate

93.43

sahasraśīrṣā puruṣa iti viṣṇorudāhṛtaḥ || indrāyendro marutvata iti śakrasya
śasyate

93.44

uttānaparṇe subhage iti devyāḥ samācaret || prajāpateḥ punarhomaḥ prajāpatiriti smṛtaḥ

93.45

namo'stu sarpebhya iti sarpāṇāṃ mantra
ucyate || || eṣa brahmā ya ṛtvigbhya iti brahmaṇyudāhṛtaḥ

93.46

vināyakasya cānūnamiti mantro budhaiḥ smṛtaḥ || jātavedase sunavāmiti durgāmantra
ucyate

93.47

ādipratnasya retasa ākāśasya udāhṛtaḥ || prāṇāśiśurmahīnāñca vāyormantraḥ prakīrtitaḥ

93.48

eṣo uṣā apūrvyā
dityaśvinormantra ucyate || pūrṇāhutistu mūrddhānaṃ diva ityabhipātayet

93.49

athābhiṣekamantreṇa vādyamaṅgalagītakaiḥ || pūrṇakumbhena tenaiva
homānte prāgudaṅmukham

93.50

avyaṅgāṅgāvayavairbrāhmaṇai hematragdāmabhūṣitaiḥ || yajamānasya karttavyaṃ caturbhiḥ snapanaṃ dvijaiḥ

93.51

surā
stvāmabhiṣiñcantu brahmaviṣṇumaheśvarāḥ || vāsudevo jagannāthastathā saṅkarṣaṇo vibhuḥ || pradyumnaścāniruddhaśca bhavantu vijayāya te

93.52

ākhaṇḍa
lo'gnirbhagavānyamo vai nirṛtistathā || varuṇaḥ pavanaścaiva dhanādhyakṣastathā śivaḥ || brahmaṇā sahitaḥ śeṣo dikpālāstvāmavantu te

93.53

kīrttirlakṣmīrdhṛtirmedhā puṣṭiḥ śraddhā kriyā matiḥ || buddhirlajjā vapuḥ śāntistuṣṭiḥ kāntiśca mātaraḥ|| etāstvāmabhiṣiñcantu dharmapatnyaḥ samāgatāḥ

93.54

ādityaścandramā bhaumo budho jīvaḥ sito'rkajaḥ || grahāstvāmabhiṣiñcantu rāhuḥ ketuśca tarpitāḥ

93.55

devadānavagandharvā yakṣarākṣasapannagāḥ
ṛṣayo munayo gāvo devamātara eva ca

93.56

devapatnyo drumā nāgā daityāścāpsarasāṃ gaṇāḥ || astrāṇi sarvvaśastrāṇi rājāno vāhanāni ca

93.57

auṣadhāni ca ratnāni kālasyāvayavāśca ye || saritaḥ sāgarāḥ śailāstīrthāni jaladā nadāḥ || ete tvāmabhiṣiñcantu sarvvakāmārthasiddhaye

93.58

tataḥ śuklāmbaradharaḥ śuklagandhānulepanaḥ || sarvvauṣadhaiḥ sarvvagandhaiḥ snāpito dvijapuṅgavaiḥ

93.59

yajamānaḥ sapatnīka ṛtvijaḥ susamāhitān
dakṣiṇābhiḥ prayatnena pūjayedgatavismayaḥ

93.60

sūryāya kapilāṃ dhenuṃ śaṅkhaṃ dadyāttathendave || raktaṃ dhurandharaṃ dadyādbhaumāya ca kakudminam

93.61

budhāya jātarūpantu gurave pītavāsasī || śvetāśvaṃ daityagurave kṛṣṇāṃ gāmarkasūnave

93.62

āyasaṃ rāhave dadyātketubhyaśchāgamuttamam || suvarṇena
samā kāryā yajamānena dakṣiṇā

93.63

sarvveṣāmathavā gāvo dātavyā hemabhūṣitāḥ || suvarṇamathavā dadyādgururvā yena tuṣyati || samantreṇaiva
dātavyāḥ sarvvāḥ sarvvatra dakṣiṇāḥ

93.64

kapile sarvvadevānāṃ pūjanīyāsi rohiṇī || tīrthadevamayī yasmādataḥ śānti prayaccha me

93.65

puṇyastvaṃ śaṅkha puṇayānāṃ maṅgalānāñca maṅgalam || viṣṇunā vidhṛtaścāsi tataḥ śānti prayaccha me

93.66

dharmastvaṃ vṛṣarūpeṇa jagadānandakāraka
aṣṭamūrteradhiṣṭhānamataḥ śāntiṃ prayaccha me

93.67

hiraṇyagarbhaṃgarbhastvaṃ hemabījaṃ vibhāvasoḥ || anantapuṇyaphaladamataḥ śānti prayaccha me

93.68

pītavastrayugaṃ yasmādvāsudevasya vallabham || pradānāttasya me viṣṇo hyataḥ śāntiṃ prayaccha me

93.69

viṣṇustvamaśvarūpeṇa yasmādamṛtasambhavaḥ
candrārkavāhano nityamataḥ śāntiṃ prayaccha me

93.70

yasmāttvaṃ pṛthivī sarvā dhenuḥ keśavasannibhā || sarvvapāpaharā nityamataḥ śāntiṃ prayaccha me

93.71

yasmādāyasakarmāṇi tavādhīnāni sarvvadā || lāṅgalādyāyudhādīni tasmācchāntiṃ prayaccha me

93.72

yasmāttvaṃ sarvvayajñānāmaṅgattvena vyavasthitaḥ
yānaṃ vibhāvasornityamataḥ śāntiṃ prayaccha me

93.73

gavāmaṅgeṣu tiṣṭhanti bhuvanāni caturdaśa || yasmāttasmācchriye me syādiha loke paratra ca

93.74

yasmādaśūnyaṃ śayanaṃ keśavasya ca sarvvadā || śayyā mamāpyaśūnyā'stu dattā janmani janmani

93.75

yathā ratneṣu sarvveṣu sarvve devāḥ pratiṣṭhitāḥ
tathā ratnāni yacchantu ratnadānena me surāḥ

93.76

yathā bhūmipradānasya kalāṃ nārhanti ṣoḍaśīm || dānānyanyāni me śāntirbhūmidānādbhavatviha

93.77

evaṃ sampūjayedbhaktyā vittaśāṭhyena varjjitaḥ || ratnakāñcanavastraudhairdhūpamālyānulepanaiḥ

93.78

anena vidhinā yastu grahapūjāṃ samācaret
sarvvānkāmānavāpnoti pretya svarge mahīyate

93.79

yastu pīḍākaro nityamalpavittasya vā grahaḥ || tañca yatnena sampūjya śeṣānapyarcayedbudhaḥ

93.80

grahā gāvo narendrāśca brāhmaṇāśca viśeṣataḥ || pūjitāḥ pūjayantyete nirdahantyavamānitāḥ

93.81

yathā bāṇaprahārāṇāṃ kavacaṃ bhavati vāraṇam
tadvaivoSingle-line spacepaghātānāṃ śāntirbhavati vāraṇam

93.82

tasmānna dakṣiṇāhīnaṃ kartavyaṃ bhūtimicchatā || sampūrṇyā dakṣiṇayā yasmāddevo'pi tuṣyati

93.83

sadaivāyutahomo'yaṃ navagrahamakhe sthitaḥ || vivāhotsavayajñeṣu pratiṣṭhādiṣu karmmasu

93.84

nirvighnārthaṃ muniśreṣṭha tathodvegādbhuteṣu ca || kathito yuta
homo'yaṃ lakṣahomamataḥ śṛṇu

93.85

sarvvakāmāptaye yasmāllakṣahomaṃ vidurbudhāḥ || pitṝṇāṃ vallabhaṃ sākṣādbhuktimuktiphalapradam

93.86

grahatārābalaṃ labdhvā kṛtvā brāhmaṇavācanam || gṛhasyottarapūrveṇa maṇḍapaṃ kārayedbudhaḥ

93.87

rudrāyatanabhūmau vā caturasramudaṅmukham || daśahastamathāṣṭau
vā hastānkuryāddvidhānataḥ

93.88

prāgudakplavanāṃ bhūmiṃ kārayedyatnato budhaḥ || prāguttaraṃ samāsādya pradeśaṃ maṇḍapasya tu

93.90

śobhanaṃ kāraye
tkuṇḍaṃ yathāvallakṣaṇānvitam || caturasraṃ samantāttu yonivaktraṃ samekhalam||89||caturaṅgulavistārā mekhalā tadvaducchritā || prāgudakplavanā kāryyā sarvvataḥ
samavasthitā

93.91

śāntyarthaṃ sarvvalokānāṃ navagrahamakhaḥ smṛtaḥ|| mānahīnādhikaṃ kuṇḍamanekabhayadaṃ bhavet || yasmāttasmātsusampūrṇaṃ śāntikuṇḍaṃ
vidhīyate

93.92

asmāddaśaguṇaḥ prokto lakṣahomaḥ svayambhuvā || āhutībhiḥ prayatnena dakṣiṇābhistathaiva ca

93.93

dvihastavistṛtaṃ tadvaccaturarddhasta
yataṃ punaḥ || lakṣahome bhavetkuṇḍaṃ yonivaktraṃ trimekhalam

93.94

tasya cottarapūrveṇa vitastitrayasaṃsthitam || prāgudakplavanaṃ tacca caturasraṃ samantataḥ

93.95

viṣkambhāddhocchritaṃ proktaṃ sthaṇḍilaṃ viśvakarmaṇā || saṃsthāpanāya devānāṃ vapratrayasamāvṛtam

93.96

dvyaṅgulo hyucchrito vipraḥ prathamaḥ sa
udāhṛtaḥ || aṅgulocchrayasaṃyuktaṃ vapradvayamathopari

93.97

tryaṅgulasya ca vistāraḥ sarvveṣāṃ kathyate budhaiḥ || daśāṅgulocchritā bhittiḥ sthaṇḍile
syāttathopari || tasminnāvāhayeddevānpūrvvavatpuṣpataṇḍulaiḥ

93.98

ādityābhimukhāḥ sarvvāḥ sādhipratyadhidevatāḥ || sthāpanīyā muni
śreṣṭha nottareṇa parāṅmukhāḥ

93.99

garutmānadhikastatra sampūjyaḥ śriyamicchatā || sāmadhvaniśarīrastvaṃ vāhanaṃ parameṣṭhinaḥ || viṣapāpaharo
nityamataḥ śāntiṃ prayaccha me

93.100

pūrvvavatkumbhamāmantrya tadvaddhomaṃ samācaret || sahasrāṇāṃ śataṃ hutvā samitsaṃkhyādhikaṃ punaḥ
ghṛtakumbhavasorddhārāṃ pātayedanalopari

93.101

audumbarīṃ tathādrīñca ṛjvīṅkoṭaravarjitām || bāhumātrāṃ srucaṃ kṛtvā tataḥ stambhadvayopari
ghṛtadhārāṃ tayā samyagagnerupari pātayet

93.102

śrāvayet sūktamāgneyaṃ vaiṣṇavaṃ raudramaindravam || mahāvaiśvānaraṃ sāma jyeṣṭhasāma ca vācayet

93.103

snānañca yajamānasya pūrvvavat svastivācanam || dātavyā yajamānena pūrvvavaddakṣiṇāḥ pṛthak

93.104

kāmakrodhavihīnena ṛtvigbhyaḥ śāntacetasā
navagrahamakhe viprāścatvāro vedavedinaḥ

93.105

athavā ṛtvijau śāntau dvāveva śrutikovidau || kāryyāvayutahome tu na prasajyeta vistare

93.106

tadvacca daśa cāṣṭau ca lakṣahome tu ṛtvijaḥ || karttavyāḥ śaktitastadvaccatvāro vā vimatsaraḥ

93.107

navagrahamakhāt sarvvaṃ lakṣahome daśottaram
bhakṣyān dadyānmuniśreṣṭha bhūṣaṇānyapi śaktitaḥ

93.108

śayanāni savastrāṇi haimāni kaṭakāni ca || karṇāṅgulipavitrāṇi kaṇṭhasūtrāṇi śaktimān

93.109

na kuryyāddakṣiṇāhīnaṃ vittaśāṭhyena mānavaḥ || adadallobhato mohāt kulakṣayamavāpnute

93.110

annadānaṃ yathāśaktyā karttavyaṃ bhūtimicchatā
annahīnaḥ kṛto yasmāddurbhikṣaphalado bhavet

93.111

annahīno dahedrāṣṭraṃ mantrahīnastu ṛtvijaḥ || yaṣṭāraṃ dakṣiṇāhīnaṃ nāsti yajñasamo ripuḥ

93.112

na vāpyalpadhanaḥ kuryyāllakṣahomaṃ naraḥ kvacit || yasmāt pīḍākaro nityaṃ yajñe bhavati vigrahaḥ

93.113

tameva pūjayedbhaktyā dvau vā trīn vā yathā
vidhi || ekamapyarcayedbhaktyā brāhmaṇaṃ vedapāragam || dakṣiṇābhiḥ prayatnena na bahūnalpavittavān

93.114

lakṣahomastu karttavyo yathāvittaṃ bhavedbahu
yataḥ sarvvānavāpnoti kurvvan kāmān vidhānataḥ

93.115

pūjyate śivaloke ca vasvādityamarudgaṇaiḥ || yāvatkalpaśatānyaṣṭāvatha mokṣamavāpnuyāt

93.116

sakāmo yastvimaṃ kuryyāllakṣahomaṃ yathāvidhi || sa taṃ kāmamavāpnoti padamānantyamaśnute

93.117

putrārthī labhate putrān dhanārthī labhate dhanam
bhāryārthī śobhanāṃ bhāryyā kumārī ca śubhaṃ patim

93.118

bhraṣṭarājyastathā rājyaṃ śrīkāmaḥ śriyamāpnuyāt|| yaṃ yaṃ prārthayate kāmaṃ sa vai bhavati puṣkalaḥ
niṣkāmaḥ kurute yastu sa paraṃ brahma gacchati

93.119

asmācchataguṇaḥ proktaḥ koṭihomaḥ svayambhuvā || āhutībhiḥ prayatnena dakṣiṇābhiḥ phalena ca

93.120

pūrvavadgrahadevānāmāvāhanavisarjane || homamantrāsta evoktāḥ snāne dāne tathaiva ca||kuṇḍamaṇḍapavedīnāṃ viśeṣo'yaṃ nibodha me

93.121

koṭi
home caturhastaṃ caturasrantu sarvvataḥ || yonivaktradvayopetaṃ tadapyāhustrimekhalam

93.122

dvyaṅgulābhyucchritā kāryyā prathamā mekhalā budhaiḥ || tryaṅgulā'
bhyucchritā tadvadvitīyā parikīrttitā

93.123

ucchrāyavistarābhyāñca tṛtīyā caturaṅgulā || dvyaṅgulaśceti vistāraḥ pūrvvayoreva śasyate

93.124

vitastimātrā yoniḥ syāt ṣaṭsaptāṅgulavistṛtā || kūrmapṛṣṭhonnatā madhye pārśvayoraṣṭāṅgulocchritā

93.125

gajoṣṭhasadṛśī tadvadāyatā chidrasaṃyutā
etat sarvveṣu kuṇḍeṣu yonilakṣaṇamucyate

93.126

mekhalopari sarvvatra aśvatthadalasannibham || vedī ca koṭihome syādvitastīnāṃ catuṣṭayam

93.127

caturasrā samantācca tribhirvapraistu saṃyutā || vaprapramāṇaṃ pūrvvoktaṃ vedīnāñca tathocchrayaḥ

93.128

tathā ṣoḍaśahastaḥ syānmaṇḍapaśca caturmukhaḥ
pūrvvadvāre ca saṃsthāpya bahvṛcaṃ vedapāragam

93.129

yajurvvidaṃ tathā yāmye paścime sāmavedinam || atharvvavedinaṃ tadvaduttare sthāpayedbudhaḥ

93.130

aṣṭau tu homakāḥ kāryyā vedavedāṅgavedinaḥ || evaṃ dvādaśa viprāḥ syurvastramālyānulepanaiḥ|| pūrvvavat pūjayedbhaktyā vastrāmaraṇabhūṣaṇaiḥ

93.132

rātrisūktañca raudrañca pāvamānaṃ sumaṅgalam||pūrvvato bahvṛcaḥ śāntiṃ paṭhannāste hyudaṅmukhaḥ||131||śāktaṃ śākrañca saumyañca kauṣmāṇḍaṃ śāntimeva ca|| pāṭha
yeddakṣiṇadvāre yajurvvidinamuttamam

93.133

suparṇamatha vairājamāgneyaṃ rudrasaṃhitām || jyeṣṭhasāma tathā śānti chandogaḥ paścime japet

93.134

śāntisūktañca saurañca tathā śākunakaṃ śubham || pauṣṭikañca mahārājyamuttareṇāpyatharvvavit

93.135

pañcabhiḥ saptabhirvāpi homaḥ kāryyo'tra pūrvvavat
snāne dāne ca mantrāḥ syurasta eva munisattama

93.136

vasordhārāvidhānañca lakṣahome viśiṣyate || anena vidhinā yastu koṭihomaṃ samācaret
sarvvān kāmānavāpnoti tato viṣṇupadaṃ vrajet

93.137

yaḥ paṭhecchṛṇuyādvāpi grahayajñatrayaṃ naraḥ || sarvvapāpaviśuddhātmā padamindrasya gacchati

93.138

aśvamedhasahastrāṇi daśa cāṣṭau ca dharmmavit || kṛtvā yat phalamāpnoti koṭihomāt tadaśnute

93.139

brahmahatyāsahasrāṇi bhrūṇahatyārbudāni ca
koṭihomena naśyanti yathāvacchivabhāṣitam

93.140

vaśyakarmmābhicārādi tathoccāṭanādikam || navagrahamukhaṃ kṛtvā tataḥ kāmyaṃ samācaret

93.141

anyathā phaladaṃ puṃsāṃ na kāmyaṃ jāyate kvacit || tasmādayutahomasya vidhānaṃ pūrvvamācaret

93.143

vṛttaṃ voccāṭane kuṇḍaṃ tathā ca vaśakarmmaṇi
trimekhalaścaikavaktramaratnirvastareṇa tu ||142||palāśasamidhaḥ śastā madhugorocanānvitāḥ || candanāguruṇā tadvat kuṅkumenābhiṣiñcitāḥ

93.145

homaye
nmadhusarpibhyāṃ bilvāni kamalāni ca || sahasrāṇi daśaivoktaṃ sarvvadeva svayambhuvā||144||vaśyakarmmaṇi bilvānāṃ padmānāñcaiva dharmmavit || sumitriyā na
āpa oṣadhaya iti homayet

93.146

na cātra sthāpanaṃ kāryyaṃ na ca kumbhābhiṣecanam || snānaṃ sarvvauṣadhaiḥ kṛtvā śuklapuṣpāmbaro gṛhī

93.147

kaṇṭhasūtraiḥ sakanakaurviprān samabhipūjayet || sūkṣmavastrāṇi deyāni śuklā gāvaḥ sakāñcanāḥ

93.148

avaśyāni vaśīkuryyāt sarvvaśatrubalānyapi
amitrāṇyapi mitrāṇi homo'yaṃ pāpanāśanaḥ

93.149

vidveṣaṇe'bhicāre ca trikoṇaṃ kuṇḍamiṣyate|| trimekhalaṃ koṇamukhaṃ hastamātrañca sarvvaśaḥ

93.150

homaṃ kuryyustato viprā raktamālyānulepanāḥ || nivītalohitoṣṇīṣā lohitāmbaradhāriṇaḥ

93.151

navavāyasaraktāvyapātratrayasamanvitāḥ
samidho vāmahastena śyenāsthibalasaṃyutāḥ || hotavyā muktakeśaistu dhyāyadbhiraśivaṃ ripau

93.152

durmitriyāstasmai santu tathā huṃphaḍitīti ca
śyenābhicāramantreṇa kṣuraṃ samabhimantrya ca

93.153

pratirūpaṃ ripoḥ kṛtvā kṣureṇa parikarttayet || ripurūpasya śakalānyathaivāgnau viniḥkṣipet

93.154

grahayajñavidhānānte sadaivābhicaranpunaḥ || vidveṣaṇaṃ tathā kurvvannetadeva samācaret

93.155

ihaiva phaladaṃ puṃsāmetannāmutra śobhanam || tasmācchāntikame
vātra karttavyaṃ bhūtimicchatā

93.156

grahayajñatrayaṃ kuryyādyastvakāmyena mānavaḥ || sa viṣṇoḥ padamāpnoti punarāvṛttidurlabham

93.157

ya idaṃ
śṛṇuyānnityaṃ śrāvayedvāpi mānavaḥ || na tasya grahapīḍā syānna ca bandhujanakṣayaḥ

93.158

grahayajñatrayaṃ gehe likhitaṃ yatra tiṣṭhati || na pīḍā tatra bālānāṃ
na rogo na ca bandhanam

93.159

aśeṣayajñaphaladaṃ niḥśeṣāghavināśanam || koṭihomaṃ viduḥ prājñā bhuktimuktiphalapradam

93.160

aśvamedhaphalaṃ prāhurla
kṣahomaṃ surottamāḥ || dvādaśāhamakhastadvannavagrahamakhaḥ smṛtaḥ

93.161

iti kathitamidānīmutsavānandahetoḥ sakalakaluṣahārī devayajñābhiṣekaḥ|| pari
paṭhati ya itthaṃ yaḥ śṛṇoti prasaṅgādabhibhavati sa śatrūnāyurārogyayuktaḥ

93.161.p1

iti śrīmatsye mahāpurāṇe navagrahahomaśāntividhānaṃ nāma trina vatitamo'dhyāyaḥ

Linked texts (13)