Matsya 96
Matsya 96
- Language
- Sanskrit
Contents
- 96.25 — 1 part
96.1
nandikeśvara uvāca || || phalatyāgasya māhātmyaṃ yadvavecchṛṇu nārada || yadakṣayaṃ paraṃ loke sarvvakāmaphalapradam
96.2
mārgaśīrṣe
śubhe māsi tṛtīyāyāṃ mune vratam || dvādaśayāmathavāṣṭamyāṃ caturdaśyāmathāpi vā || ārabhecchuklapakṣasya kṛtvā brāhmaṇavācanam
96.3
anyeṣvapi hi māseṣu
puṇyeṣu munisattama || sadakṣiṇaṃ pāyasena bhojayecchaktito dvijān
96.4
aṣṭādaśānāṃ dhānyānāmannaṃ phalamūlakaiḥ || varjayedvandvamekantu ṛte auṣadha
kāraṇam || savṛṣaṃ kāñcanaṃ rudraṃ dharmarājañca kārayet
96.5
kūṣmāṇḍaṃ mātuluṅgañca vārttākaṃ panasraṃ tathā || āmrāmrātakapitthāni kāliṅgamatha
vālukam
96.6
śrīphalāśvatthavadaraṃ jambīraṃ kadalīphalam || kāimaraṃ dāḍimaṃ śaktyā kāladhautāni ṣoḍaśa
96.7
mūlakāmalakaṃ jambūtantiḍī
karamardakam || kaṅkolailākatuṇḍīrakarīrakuṭajaṃ śamī
96.8
auḍumbaraṃ nārikelaṃ drākṣā'tha bṛhatīdvayam || raupyāṇi kārayecchaktyā phalāni
māni ṣoḍaśa
96.9
tāmraṃ tālaphalaṃ kuryādgastiphalameva ca || piṇḍārakāimaryyaphalaṃ tathā sūranakandakam
96.10
raktālukākandakañca kana
kāhvaṃ ca cirbhiṭam || citravallīphalaṃ tadvatkūṭaśālmalijaṃ phalam
96.11
āmraniṣpāvamadhukavaṭamudgapaṭolakam || tāmrāṇi ṣoḍaśaitāni kāraye
cchaktito naraḥ
96.12
udakumbhadvayaṃ kuryāddhānyopari savastrakam|| tataśca kārayecchayyāṃ yathopari suvāsasī
96.13
bhakṣyapātratrayopetaṃ yamarudravṛṣā
nvitam || dhenvā sahaiva śāntāya viprāyūtha kuṭumbine || sapatnīkāya sampūjya puṇye'hni vinivedayet
96.14
yathā phaleṣu sarvveṣu vasantyamarakoṭayaḥ
tathā sarvvaphalatyāgavratādbhaktiḥ śive'stu me
96.15
yathā śivaśca dharmaśca sadānantaphalapradau || tadyuktaphaladānena tau syātāṃ me varapradau
96.16
yathā phalānyanantāni śivabhakteṣu sarvvadā || tathānantaphalāvāptirastu janmani janmani
96.17
yathā bhedaṃ na paśyāmi śivaviṣṇvarkapadmajān
tathā mamāstu viśvātmā śaṅkaraḥ śaṅkaraḥ sadā
96.18
iti dattvā ca tatsarvvamalaṅkṛtya ca bhūṣaṇaiḥ || śaktiścecchayanaṃ dadyāt sarvvopaskarasaṃyutam
96.19
aśaktastu phalānyeva yathoktāni vidhānataḥ || tathodakumbhasaṃyuktau śivadharmmau ca kāñcanau
96.20
viprāya dattvā bhuñjīta vāgyatastailavarji
tam || anyānyapi yathāśaktyā bhojayecchaktito dvijān
96.21
etadbhāgavatānāntu sauravaiṣṇavayoginām || śubhaṃ sarvvaphalatyāgavrataṃ vedavido
viduḥ
96.22
nārībhiśca yathāśaktyā karttavyaṃ dvijapuṅgava || etasmānnāparaṃ kiñcidiha loke paratra ca || vratamasti muniśreṣṭha yadanantaphalapradam
96.23
sauvarṇeraupyatāmraiṣu yāvantaḥ paramāṇavaḥ || bhavanti cūrṇyamāneṣu phaleṣu munisattama || tāvadyugasahasrāṇi rudraloke mahīyate
96.24
etatsamastakalluṣāpaharaṃ
janānāmājīvanāya manujeṣu ca sarvvadā syāt || janmāntareṣvapi na putraviyogaduḥkhamāpnoti dhāma ca purandaralokajuṣṭam
96.25
yo vā śṛṇoti puruṣo'
lpadhanaḥ paṭhedvā devālayeṣu bhavaneṣu ca dhārmikāṇām || pāpairviyuktavapuṣatra puraṃ surāreśrānandakṛtpadamupaiti munīndra so'pi
96.25.p1
iti śrīmātsye mahāpurāṇe sarvvaphalatyāgamāhātmyaṃ nāma ṣaṇṇavatitamo'dhyāyaḥ
Linked texts (3)
- Matsyapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Vratakāṇḍa — Lakṣmīdhara, Sanskrit