Pramāṇa · Search · About · API

Matsya 98

Matsya 98

Language
Sanskrit

Contents

98.1

nandikeśvara uvāca || || athānyadapi vakṣyāmi sakrāntyudyāpane phalam || yadakṣayaṃ pare loke sarvvakāmaphalapradam

98.2

ayane
viṣuve vāpi saṃkrāntivratamācaret||pūrvedyurekabhaktena dantadhāvanapūrvvakam||saṃkrāntivāsare prātastilaiḥ snānaṃ vidhīyate

98.5

ravisaṃkramaṇe bhūmau candanenāṣṭapatra
kam||padmaṃ sakarṇikaṃ kuryyāttasminnāvāhayedravim||3||karṇikāyāṃ nyasetsūryyamādityaṃ pūrvvatastataḥ||nama uṣṇāṃśiṣe yāmye namo ṛṅmaṇḍalāya ca||4||namaḥ
savitre nairṛtye vāruṇe tapanaṃ punaḥ || vāyavye tu bhagaṃ nyasya punaḥ punarathārcayet

98.6

mārttaṇḍamuttare viṣṇumīśāne vinyasetsadā || gandhamālyaphalairbhakṣyaiḥ
sthaṇḍile pūjayettataḥ

98.7

dvijāya sodakumbhañca ghṛtapātraṃ hiraṇmayam || kamalañca yathāśaktyā kārayitvā nivedayet

98.10

candanodakapuṣpaiśca devāyārghyaṃ
nyasedbhuvi||viśvāya viśvarūpāya viśvadhāmne svayambhuve||namo'nanta namo dhātre ṛksāmayajuṣāṃpate||8||anena vidhinā sarvva māsi māsi samācaret||vatsarānte
'thavā kuryyātsarvvaṃ dvādaśadhā naraḥ||9||saṃvatsarāṃte ghṛtapāyasena santarpya vahniṃ dvijapuṅgavāṃśca || kumbhānpunardvādaśadhenuyuktānsa ratnahairanmayapadmayuktān

98.11

payasvinīḥ śīlavatīśca dadyāddhemaiḥ śṛṅgai raupyakhuraiśca yuktāḥ || gāvo'ṣṭa vā sapta sakāṃsyadohā mālyāmbarā vā caturo'pyaśaktaḥ
daurgatyayuktaḥ kapilāmathaikāṃ nivedayedbrāhmaṇapuṅgavāya

98.12

haimīñca dadyātpṛthivīṃ saśeṣāmakāryya rūpyāmatha vā ca tāmrīm || paiṣṭīmaśaktaḥ pratimāṃ
vidhāya sauvarṇasūryeṇa samaṃ pradadyāt || na vittaśāṭhyaṃ puruṣo'tra kuryyātkurvvannadho yāti na saṃśayo'tra

98.13

yāvanmahendrapramukhairnagendraiḥ pṛthvī ca saptābdhi
yuteha tiṣṭhet || tāvat sa gandharvvagaṇairaśeṣaiḥ sampūjyate nārada nākapṛṣṭhe

98.14

tatastu karmmakṣayamāpya saptadvīpādhipaḥ syāt kulaśīlayuktaḥ || sṛṣṭe
rmukhe'vyaṅgavapuḥ sabhāyyaiḥ prabhūtaputrānvayavanditāṅghriḥ

98.15

iti paṭhati śṛṇoti vātha bhaktyā vidhimakhilaṃ ravisaṃkramasya puṇyam || matimapi
ca dadāti so'pi daivairumarapaterbhavane prapūjyate ca

98.15.p1

iti śrīmatsye mahāpurāṇe saṃkrāntyudyāpanavidhirnāmāṣṭanavatitamo'dhyāyaḥ

Linked texts (3)