Matsya 99
Matsya 99
- Language
- Sanskrit
Contents
- 99.21 — 1 part
99.1
nandikeśvara uvāca || || śṛṇu nārada vakṣyāmi viṣṇorvratamanuttamam || vibhūtidvādaśī nāma sarvvadevanamaskṛtam
99.2
kārttike caitravaiśākhe
mārgaśīrṣe ca phālgune || āṣāḍhe vā daśamyāntu śukāyāṃ laghubhuṅnaraḥ || kṛtvā sāyantanīṃ sandhyāṃ gṛhṇīyānniyamaṃ budhaḥ
99.3
ekādaśyāṃ nirāhāraḥ
samabhyarcya janārddanam || dvādaśyāṃ dvijasaṃyuktaḥ kariṣye bhojanaṃ vibho
99.4
tadavighnena me yātu saphalaṃ syācca keśava || namo nārāyaṇāyeti vācyañca
svapatā niśi
99.5
tataḥ prabhāta utthāya kṛtasnānajapaḥ śuciḥ || pūjayetpuṇḍarīkākṣaṃ śuklamālyānulepanaiḥ
99.6
vibhūtaye namaḥ pādāvaśoqāya
ca jānunī || namaḥ śivāyetyūrū ca viśvamūrttai namaḥ kaṭim
99.7
kandarpāya namo meḍhramādityāya namaḥ karau || dāmodarāyetyudaraṃ vāsudevāya ca
stanau
99.8
mādhavāyetyuro viṣṇoḥ kaṇṭhamutkaṇṭhine namaḥ || śrīdharāya mukhaṃ keśānkeśavāyeti nārada
99.9
pṛṣṭhaṃ śārṅgadharāyeti śravaṇau varadāya vai
svanāmnā śaṅkhacakrāsigadājalajapāṇaye || śiraḥ sarvvātmane brahmannama ityabhipūjayet
99.11
matsyamutpalasaṃyuktaṃ haimaṃ kṛtvā tu śaktitaḥ || udakumbha
samāyuktamagrataḥ sthāpayedbudhaḥ ||10||guḍapātraṃ tilairyuktaṃ sitavastrābhiveṣṭitam || rātrau jāgaraṇaṃ kuryyāditihāsakathādinā
99.12
prabhātāyāntu śarvvayya
brāhmaṇāya kuṭumbine || sakāñcanotpalaṃ devaṃ sodakumbhaṃ nivedayet
99.13
yathā na mucyase deva sadā sarvvairvibhūtibhiḥ || tathā māmuddharāśeṣaduḥ
khasaṃsārakarddamāt
99.16
daśāvatārarūpāṇi pratimāsaṃ kramānmune || dattātreyaṃ tathā vyāsamūtpalena samanvitam || dadyādevaṃ samā yāvatpāṣaṇḍāna
bhivarjayet ||14||samāpyaivaṃ yathāśaktyā dvādaśa dvādaśīḥ punaḥ || saṃvatsarānte lavaṇaparvvatena samanvitām || śayyāṃ dadyānmuniśreṣṭha gurave dhenusaṃyutām
15||grāmañca śaktimāndadyātkṣetraṃ vā bhavanānvitam || guruṃ sampūjya vidhivadvastrālaṅkārabhūṣaṇaiḥ
99.17
anyānapi yathāśaktyā bhojayitvā dvijottamān
tarpayedvastragodānai ratnaughadhanasañcayaiḥ || alpavitto yathāśaktyā stokaṃ stokaṃ samācaret
99.18
yaścāpyatīva niḥsvaḥ syādbhaktimānmādhavaṃ prati
puṣpārccanavidhānena sa kuryyādvatsaradvayam
99.19
anena vidhinā yastu vibhūtidvādaśīvratam || kuryyātpāpavinirmuktaḥ pitṝṇāṃ tārayecchatam
99.20
janmanāṃ śatasāhasraṃ na śokaphalabhāgbhavet || na ca vyādhirbhavettasya na dāridryaṃ na bandhanam || vaiṣṇavo vātha śaivo vā bhavejjanmani janmani
99.21
yāvadyugasahasrāṇāṃ śatamaṣṭottaraṃ bhavet || tāvatsvarge vasedbrahmanbhūpatiśca punarbhāvet
99.21.p1
iti śrīmātsye mahāpurāṇe viṣṇuvrataṃ nāma navana vatitamo'dhyāyaḥ
Linked texts (1)
- Matsyapurāṇa — Vyāsa, Sanskrit