[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Physiognomy](https://indike.org/pramana/in.astro.samudrika) › [Works attributed to sages and ancient authorities](https://indike.org/pramana/in.astro.samudrika.arsa) › [Angavidya](https://indike.org/pramana/in.astro.samudrika.arsa.angavidya) › 2 # Angavidya 2 Aṅgavidyā 2 - **Language:** Sanskrit ### [2.1](https://indike.org/pramana/in.astro.samudrika.arsa.angavidya.2.1) nagajāṅgasamudbhūtaṃ gajānanamaharniśam siddhibuddhipradaṃ devaṃ vande vighnaharaṃ param ### [2.2](https://indike.org/pramana/in.astro.samudrika.arsa.angavidya.2.2) sarvaśāstrārthatattvajñāṃ vīṇāpāṇiṃ sarasvatīm namāmi varadāṃ devīmajñānadhvāntaśāntaye ### [2.3](https://indike.org/pramana/in.astro.samudrika.arsa.angavidya.2.3) īśānaṃ sarvavidyānāmīśvaraṃ sarvaprāṇinām viśveśaṃ kalaye svānta-nilaye'bhīṣṭadāyakam ### [2.1-2](https://indike.org/pramana/in.astro.samudrika.arsa.angavidya.2.1-2) prasūtikāle prabalā yadi syurnṛpālayogāḥ puruṣasya yasya sadrājacihnāni pade tadīye bhavanti vā pāṇitale'malāni ### [2.2-2](https://indike.org/pramana/in.astro.samudrika.arsa.angavidya.2.2-2) anāmikā mūlagatā praśastā sā kīrtitā puṇyavidhānarekhā madhyāṅguleryā maṇibandhamāptā, rājyāptaye sā ca kilordhvarekhā ### [2.3-2](https://indike.org/pramana/in.astro.samudrika.arsa.angavidya.2.3-2) virājamānaṃ yavalāñchanaṃ cedaṅguṣṭhamadhye puruṣasya yasya bhaved yaśasvī nijavaṃśabhūṣo bhūṣāviśeṣaiḥ sahito vinītaḥ ### [2.3-3](https://indike.org/pramana/in.astro.samudrika.arsa.angavidya.2.3-3) puruṣo bhavati, svayaṃ bhūṣāviśeṣaiḥ-vastrālaṅkārādibhiḥ paripūrṇo vinītaśca bhavati ### [2.4](https://indike.org/pramana/in.astro.samudrika.arsa.angavidya.2.4) ced vāraṇo vā''tapavāraṇaṃ vā vesāriṇaḥ puṣkariṇī suṇirvā vīṇā ca pāṇau caraṇe narāṇāṃ te syurnarāṇāmadhipā vareṇyāḥ ### [2.5](https://indike.org/pramana/in.astro.samudrika.arsa.angavidya.2.5) ādarśamālā-karavāla-śaila-halāśca yatpāṇitale milanti syānmaṇḍalīko'vanipālako vā kule nṛpālaḥ kulatāratamyāt ### [2.6](https://indike.org/pramana/in.astro.samudrika.arsa.angavidya.2.6) ced yasya pāṇau caraṇe ca cakraṃ dhanurdharābjavyajanāsanāni rathāśca dolāḥ kamalāvilāsāt tasyālaye syurgajavājiśālāḥ ### [2.7](https://indike.org/pramana/in.astro.samudrika.arsa.angavidya.2.7) stambhastu kumbhastu tarusturaṅgo gadā mṛdaṅgo'dhi-karapradeśe daṇḍo'thavā'khaṇḍitarājyalakṣmyā syānmaṇḍitaḥ paṇḍitaśauṇḍako vā ### [2.8](https://indike.org/pramana/in.astro.samudrika.arsa.angavidya.2.8) suvṛttamaulistu viśālabhālaścākarṇanīlotpalapatranetraḥ śrājānubāhuṃ puruṣaṃ tamāhurbhūmaṇḍalākhaṇḍalamāryavaryāḥ ### [2.9](https://indike.org/pramana/in.astro.samudrika.arsa.angavidya.2.9) narasya nāsā saralā ca yasya vakṣaḥsthalaṃ cāpi śilātalābham nābhirgabhīrātimṛdū bhavetāmāraktavarṇau caraṇau sa bhūpaḥ ### [2.10](https://indike.org/pramana/in.astro.samudrika.arsa.angavidya.2.10) prasannamūrtiḥ samudāracetā vaṃśābhimānaḥ śubhavāgvilāsaḥ anītibhīrurgurusādhunamraḥ, sāmrājyalakṣmīṃ labhate manuṣyaḥ ### [2.11](https://indike.org/pramana/in.astro.samudrika.arsa.angavidya.2.11) karatale yadi yasya tilo bhavedaviralo kila tasya dhanāgamaḥ padatale ca tilena samanvite nṛpatirvāhanacihnasamanvitaḥ ### [2.12](https://indike.org/pramana/in.astro.samudrika.arsa.angavidya.2.12) etat phalaṃ rājakulodbhavānāṃ syānmānavānāṃ munayo vadanti prakalpayedanyakulodbhavānāṃ nūnaṃ tadūnaṃ svakulānumānāt ### [2.13](https://indike.org/pramana/in.astro.samudrika.arsa.angavidya.2.13) cihnāni yāni pratipāditāni vyaktāni sampūrṇaphalapradāni vāmetareṃ'ghrau ca kare narāṇāṃ dhanyāni vāme khalu kāminīnām ### [2.14](https://indike.org/pramana/in.astro.samudrika.arsa.angavidya.2.14) pañcadīrghaṃ caturhasvaṃ pañcasūkṣmaṃ ṣaḍunnatam saptaraktaṃ trigambhīraṃ trivistīrṇaṃ praśasyate ### [2.16](https://indike.org/pramana/in.astro.samudrika.arsa.angavidya.2.16) nābhiḥ svaraḥ sattvamiti praśasyaṃ gambhīrametat tritayaṃ narāṇām uro lalāṭo vadanaṃ narāṇāṃ, vistīrṇametat tritayaṃ praśastam ### [2.17](https://indike.org/pramana/in.astro.samudrika.arsa.angavidya.2.17) vakṣo'tha kukṣidvayanāsikāsyakukāṭakāśceti ṣaḍaṅgatāni hasvāni catvāryatha liṅgapṛṣṭhe grīvā ca jaṅghe ca hitapradāni ### [2.18](https://indike.org/pramana/in.astro.samudrika.arsa.angavidya.2.18) netrāntapādakaratālvadharoṣṭhajihvā, raktā nakhāśca khalu sapta sukhāvahāni sūkṣmāṇi pañca daśanāṅguliparvakeśāḥ, sākaṃ tvacā kararuhāśca na duḥkhitānām ### [2.18-2](https://indike.org/pramana/in.astro.samudrika.arsa.angavidya.2.18-2) śarīrasya tvak, tathā karuhāśca=nakhāśca--etāni pañca aṅgāni yasya sūkṣmāṇi bhavanti sa sukhī bhavati | duḥkhitānāṃ jātakānāṃ imāni aṅgāni sūkṣmāṇi na bhavanti ### [2.19](https://indike.org/pramana/in.astro.samudrika.arsa.angavidya.2.19) yavo'ṅguṣṭhodare yasya yaśasvī ca naro bhavet anāmikāmūlajā syād rekhā yasya sa puṇyavān ### [2.20](https://indike.org/pramana/in.astro.samudrika.arsa.angavidya.2.20) uro viśālaṃ dhanavān hanuḥ śīrṣo'parājitaḥ bahuputraḥ kaṭisthūlo viśālacaraṇo dhanī ### [2.21](https://indike.org/pramana/in.astro.samudrika.arsa.angavidya.2.21) cakṣuḥsnehe ca saubhāgyaṃ dantasnehe ca bhojanam vapuḥsnehe ca saukhyaṃ syāt pādasnehe ca vāhanam ### [2.22](https://indike.org/pramana/in.astro.samudrika.arsa.angavidya.2.22) ulūkākṣāśca kākākṣā maṇḍūkākṣāśca ye narāḥ alparomakapolāśca te sarve pāpabuddhayaḥ ### [2.23](https://indike.org/pramana/in.astro.samudrika.arsa.angavidya.2.23) visvarāḥ kākanādāśca karkarāḥ babhrunāsikāḥ śirālā romaṇā hrasvottaroṣṭhāste ca pāpinaḥ ### [2.24](https://indike.org/pramana/in.astro.samudrika.arsa.angavidya.2.24) pitṛśīlottamā kanyā mātṛśīlo narastathā samapuṣṭastulyarūpo vivāhaḥ sukhado bhavet ### [2.25](https://indike.org/pramana/in.astro.samudrika.arsa.angavidya.2.25) yayoreva samaṃ vittaṃ yayoreva samaṃ kulam tayorvivāhaḥ sakhyaṃ ca na tu puṣṭa-vipuṣṭayoḥ || 24ka śaṅkha-padma-yava-chatra-mālā-matsya-dhvajādayaḥ pāde pāṇau bhavantyeva rājñāṃ tadacocitāṃ tathā ### [2.26](https://indike.org/pramana/in.astro.samudrika.arsa.angavidya.2.26) vyāsoktyā nārīṇāṃ viśeṣalakṣaṇāni mārjāra-piṅgalā-nārī viṣakanyeti kīrtitā suvarṇapiṅgalā nārī nātiduṣṭā pare jaguḥ ### [2.27](https://indike.org/pramana/in.astro.samudrika.arsa.angavidya.2.27) kṛṣṇajihvā ca lamboṣṭhī piṅgākṣī ghargharasvarā tyājyā yasyāśca pādau ca kucāvoṣṭhau ca romaśau ### [2.28](https://indike.org/pramana/in.astro.samudrika.arsa.angavidya.2.28) viralāṅgulidantā ca kucagaṇḍavṛhatkacā kṛṣṇatāluḥ parityājyā vyaṅgāṅgī pitṛmātṛtaḥ ### [2.29](https://indike.org/pramana/in.astro.samudrika.arsa.angavidya.2.29) kaniṣṭhānāmikā yasyā yadi madhyamikā tathā bhūmiṃ na spṛśati sā strī vijñeyā vyabhicāriṇī ### [2.30](https://indike.org/pramana/in.astro.samudrika.arsa.angavidya.2.30) pāde pradeśinī yasyā aṃguṣṭhaṃ samatikramet na sā bhartuṃgṛhe tiṣṭhet svecchandā kāmacāriṇī ### [2.31](https://indike.org/pramana/in.astro.samudrika.arsa.angavidya.2.31) udare śvaśuraṃ hanti lalāṭe hanti devaram sphicau patiṃ lambamāne ghanaṃ kūrmodarī haret ### [2.32](https://indike.org/pramana/in.astro.samudrika.arsa.angavidya.2.32) pṛṣṭhāvartā patiṃ hanti nābhyāvartā pativratā kaṭayāvartā tu svacchandā skandhāvartārthabhāginī ### [2.33](https://indike.org/pramana/in.astro.samudrika.arsa.angavidya.2.33) susvarā ca suveśā ca mṛdvaṅgī cārubhāṣiṇī praśastā sugatiḥ kanyā yā ca dṛṅmanasoḥ priyā ### [2.34](https://indike.org/pramana/in.astro.samudrika.arsa.angavidya.2.34) maṇḍūkakukṣikā nārī nyagrodhaparimaṇḍalā evaṃ janayate putraṃ sa tu rājā bhaviṣyati ### [2.35](https://indike.org/pramana/in.astro.samudrika.arsa.angavidya.2.35) madhyāṅgulīyā maṇibandhanotthā rekhā gatā pāṇitale'ṅganānām ūrdhvaṃ gatā pāṇitale'thavā yā puṃso'thavā rājasukhāya sā syāt ### [2.36](https://indike.org/pramana/in.astro.samudrika.arsa.angavidya.2.36) kaniṣṭhikāmūlabhavā gatā yā pradeśinī madhyamakāntarālā karoti rekhā paramāyuṣaḥ sā pramāṇahīnā'tha tadūnamāyuḥ ### [2.37](https://indike.org/pramana/in.astro.samudrika.arsa.angavidya.2.37) aṅguṣṭhamūle prasavasya rekhāḥ putrā bṛhatyaḥ pramadāśca tanvyaḥ acchinnadīrghāśca cirāyuṣastāḥ svalpāyuṣaśchinnalaghupramāṇāḥ ### [2.38](https://indike.org/pramana/in.astro.samudrika.arsa.angavidya.2.38) kalatrakāntayoḥ sakhyaṃ jīvitākhyakaniṣṭhayoḥ madhye vicintayed dakṣe vāmahaste narastriyoḥ ### [2.39](https://indike.org/pramana/in.astro.samudrika.arsa.angavidya.2.39) nirdhanānāṃ hastarekhā arekhaṃ bahurekhaṃ vā yeṣāṃ pāṇitalaṃ nṛṇām te syuralpāyuṣo niḥsvā duḥkhitā nātra saṃśayaḥ ### [2.40](https://indike.org/pramana/in.astro.samudrika.arsa.angavidya.2.40) kleśasampallavā rekhā kuryācchinnāyuṣaḥ kṣayam maṇibandhonmukhā vṛddhiṃ vipado'guṣṭhasammukhā ### [2.41](https://indike.org/pramana/in.astro.samudrika.arsa.angavidya.2.41) śubhā rekhā matsyaḥ karatale yasya sa naro bahukośavān bhāgyarekhā sutīkṣṇāgrā śubhā chatrākṛtistathā ### [2.42](https://indike.org/pramana/in.astro.samudrika.arsa.angavidya.2.42) hastaracanāṃ dṛṣṭvā phalādeśavidhiḥ— śliṣṭānyaṃgulimadhyāni dravyasañcayahetave tāni cecchidrayuktāni tyāgaśīlākarāṇi ca ### [2.43](https://indike.org/pramana/in.astro.samudrika.arsa.angavidya.2.43) agrāhyanārīṇāṃ lakṣaṇāni miladbhrūyugmakā kāṇā lamboṣṭhī śūrpakarṇikā vakrāsyanāsikā cātimaunā tyājyāstibhāṣiṇī ### [2.44](https://indike.org/pramana/in.astro.samudrika.arsa.angavidya.2.44) yasyāḥ keśāṃśukasparśāt mlāyanti kusumasrajaḥ snānāmbhasi vipadyante bahavaḥ kṣudrajantavaḥ ### [2.45](https://indike.org/pramana/in.astro.samudrika.arsa.angavidya.2.45) dhīyante matkuṇāstasyāstathā yūkāśca vāsasi cauryañca bhakṣiṇī śaucahīnā tyājyā nitambinī ### [2.46](https://indike.org/pramana/in.astro.samudrika.arsa.angavidya.2.46) puruṣalakṣaṇam tatra puruṣasyordhvamaṃgulamānamāha kātyāyanaḥ— aṣṭaśataṃ ṣaṇṇavatiḥ parimāṇaṃ caturaśītiriti puṃsām uttama-sama-hīnānāmaṅgulasaṃkhyā svamānena ### [2.47](https://indike.org/pramana/in.astro.samudrika.arsa.angavidya.2.47) svarasya lakṣaṇāni karivṛṣarathaughabherīmṛdaṅgasiṃhābdaniḥsvanā bhūpāḥ gardabhajarjararūkṣa svarāśca dhanasaukhyasantyaktāḥ ### [2.48](https://indike.org/pramana/in.astro.samudrika.arsa.angavidya.2.48) asvedanau mṛdutalau kamalodarābhau śilaṣṭāṅgulī ruciratāmranakhaiḥ supārṣṇī uṣṇau śirāvirahitau ca nigūḍhagulphau kūrmonnatau ca caraṇau manujeśvarasya ### [2.49](https://indike.org/pramana/in.astro.samudrika.arsa.angavidya.2.49) tathā ca samudraḥ:— pādaiḥ samāsaiḥ susnigdhaiḥ soṣṇaiḥ śilaṣṭaiḥ suśobhanaiḥ unnataiḥ svedarahitaiḥ śirāhīnaiśca pārthivaḥ ### [2.50](https://indike.org/pramana/in.astro.samudrika.arsa.angavidya.2.50) tathā ca gargaḥ:— padmaraktotpalanibhaistathā kṣatajasannibhaiḥ nṛpāḥ pādatalairjñeyā ye cānye sukhabhāginaḥ ### [2.51](https://indike.org/pramana/in.astro.samudrika.arsa.angavidya.2.51) tatraivāśubhalakṣaṇāni śūrpākāravirūkṣapāṇḍuranakhau vakrau śirāsaṃyutau, saṃśuṣkau viralāṅgulī ca caraṇau dāridracaduḥkhapradau ### [2.52](https://indike.org/pramana/in.astro.samudrika.arsa.angavidya.2.52) tathā ca samudraḥ:śūrpākāraistathā bhagnairvakraiḥ śuṣkaiḥ śirāyutaiḥ svedaiḥ pāṇḍurai rekhaiścaraṇairatiduḥkhinaḥ ### [2.53](https://indike.org/pramana/in.astro.samudrika.arsa.angavidya.2.53) mārgayotkaṭadau kaṣāyasadṛśau vaṃśasya vicchedadau, brahmaghnau paripakvamṛddyutitalau pītāvagamyāratau ### [2.54](https://indike.org/pramana/in.astro.samudrika.arsa.angavidya.2.54) utkaṭāvadhvaniratau kaṣāyau kulanāśinau brahmaghnau dagdhamṛdvarṇāvatipītāvagamyadau ### [2.54-2](https://indike.org/pramana/in.astro.samudrika.arsa.angavidya.2.54-2) jaṅghorujānūnāṃ lakṣaṇāni praviralatanuromavṛttajaṅghā dviradakarapratibhairvarorubhiśca upacitasamajānavaśca bhūpā dhanarahitāḥ śvaśṛgālatulyajaṃghāḥ ### [2.55](https://indike.org/pramana/in.astro.samudrika.arsa.angavidya.2.55) jaṅghayo romalakṣaṇam romaikaikakūpake pārthivānāṃ dve dve jñeye paṇḍitaśrotriyāṇām jyādyeṃ niḥsvā mānavā duḥkhabhājaḥ keśāścaivaṃ ninditāḥ pūjitāśca ### [2.55-2](https://indike.org/pramana/in.astro.samudrika.arsa.angavidya.2.55-2) romakūpeṣu bahavaḥ romāste mānavā nirdhanāḥ tathā duḥkhabhāginaśca bhavanti anenaiva prakāreṇa śirasi kūpeṣu keśānāmapi phalaṃ jñeyam ### [2.56](https://indike.org/pramana/in.astro.samudrika.arsa.angavidya.2.56) ekaromo bhaved rājā dviromaśca mahāyaśāḥ triromo bahuromaśca naro bhāgyavivarjitaḥ ### [2.57](https://indike.org/pramana/in.astro.samudrika.arsa.angavidya.2.57) nirmāṃsajānumriyate pravāse saubhāgyamalpairvikaṭairdaridrāḥ strīnijitāścaiva bhavanti nimnaiḥ rājyaṃ samāṃsaiśca mahādvirāyuḥ ### [2.58](https://indike.org/pramana/in.astro.samudrika.arsa.angavidya.2.58) tathā ca samudraḥ:— nirmāṃse jānunī yasya pravāse mriyate tu saḥ alpairbhavati saubhāgyaṃ vikaṭaiśca daridratā ### [2.59](https://indike.org/pramana/in.astro.samudrika.arsa.angavidya.2.59) strījitaḥ syāttathā nimnairmāṃsayuktairnarādhipaḥ atisthūlaiściraṃ kālaṃ jīvedraiśvaryasaṃyutaḥ ### [2.60](https://indike.org/pramana/in.astro.samudrika.arsa.angavidya.2.60) liṅgasya lakṣaṇāni liṅge'lpe dhanavānapatyarahitaḥ sthūle'pi hīno dhanairmer̤he vāmanate sutārtharahito vakre'nyathā putravān dāridryaṃ vinate tvadho'lpatanayo liṅge śirāsantateḥ, sthūle granthiyute sukhī mṛdu karotyantaṃ pramehādibhiḥ ### [2.61](https://indike.org/pramana/in.astro.samudrika.arsa.angavidya.2.61) kośanigūḍhairbhūpā dīrghairbhagnaiśca vittaparihīnāḥ ṛjuvṛttalaghuśirālaśiśnāśca bhavanti dhanavantaḥ ### [2.62](https://indike.org/pramana/in.astro.samudrika.arsa.angavidya.2.62) tathā ca samudraḥ— dakṣiṇāvartaliṅgo yaḥ sa bhavet putravān naraḥ vāmāvarte tathā kanyāḥ subahvaḥ sambhavanti ca ### [2.63](https://indike.org/pramana/in.astro.samudrika.arsa.angavidya.2.63) sthūlaiḥ sirālaiḥ kaṭhinairnarā dāridryabhājanāḥ ṛjubhirvartulairliṅgaiḥ puruṣāḥ sukhabhāginaḥ ### [2.64](https://indike.org/pramana/in.astro.samudrika.arsa.angavidya.2.64) yasya pādopaviṣṭasya bhūmiṃ spṛśati mehanam bhogavān sa tu vijñeyo naro dāridryabhājanaḥ ### [2.65](https://indike.org/pramana/in.astro.samudrika.arsa.angavidya.2.65) bhūmau pādopaviṣṭasya yasya spṛśati mehanam bhogavān sa tu vijñeyastathā turagamehanaḥ ### [2.66](https://indike.org/pramana/in.astro.samudrika.arsa.angavidya.2.66) sthūlagranthiyute liṅge naro'tisukhabhāgbhavet liṅgena mṛdunā martyo mriyate kṛcchrapīḍitaḥ ### [2.67](https://indike.org/pramana/in.astro.samudrika.arsa.angavidya.2.67) vṛṣaṇalakṣaṇam jale mṛtyurekavṛṣaṇo viṣamaḥ strīcañcalaḥ samaiḥ kṣitipaḥ hrasvāyuścodbaddhaiḥ pralambavṛṣaṇasya śatamāyuḥ ### [2.68](https://indike.org/pramana/in.astro.samudrika.arsa.angavidya.2.68) ekāṇḍo jalamṛtyuḥ syādviṣame strīṣu cañcalāḥ samāṇḍo naranāthaśca saṃlagnairalpajīvanaḥ ### [2.69](https://indike.org/pramana/in.astro.samudrika.arsa.angavidya.2.69) pralambāṇḍapramāṇaṃ tu śataṃ jīvati mānavaḥ maṇi-mūtra-lakṣaṇāni raktairāḍhyā maṇibhirnirdravyāḥ pāṇḍuraiśca malinaiśca sukhinaḥ saśabdamūtrā niḥsvā niḥśabdamūtradhārāśca ### [2.70](https://indike.org/pramana/in.astro.samudrika.arsa.angavidya.2.70) dvi-tri-caturdhārābhiḥ pradakṣiṇāvartavalitamūtrābhiḥ pṛthivīpatayo jñeyā vikīrṇamūtrāśca dhanahīnāḥ ### [2.71](https://indike.org/pramana/in.astro.samudrika.arsa.angavidya.2.71) ekaṃva mūtradhārā valitā rūpapradhānasutadātrī snigdhonnatasamamaṇayo dhana-vanitā-ratnabhoktāraḥ ### [2.72](https://indike.org/pramana/in.astro.samudrika.arsa.angavidya.2.72) maṇibhiśca madhyanimnaiḥ kanyāpitaro bhavanti niḥsvāśca bahupaśubhājo madhyonnateśca nātyulvaṇairdhaninaḥ ### [2.73](https://indike.org/pramana/in.astro.samudrika.arsa.angavidya.2.73) tathā ca— ratnākṛtirmaṇiryasya same| madhye virājite pārthivaḥ sa tu vijñeyaḥ samudravacanaṃ yathā ### [2.74](https://indike.org/pramana/in.astro.samudrika.arsa.angavidya.2.74) suvarṇarajataprakhyaiḥ maṇimuktāsamaprabhaiḥ pravālasadṛśaiḥ snigdhairmaṇibhiḥ pārthivo bhavet ### [2.75](https://indike.org/pramana/in.astro.samudrika.arsa.angavidya.2.75) pāṇḍurairmalinaiḥ rūkṣaiḥ śyāvairalpaiśca nirdhanaḥ mūtradhārā pated dehād dakṣiṇāvalitā yadi ### [2.76](https://indike.org/pramana/in.astro.samudrika.arsa.angavidya.2.76) pārthivaḥ sa tu vijñeyaḥ samudravacanaṃ yathā ### [2.77](https://indike.org/pramana/in.astro.samudrika.arsa.angavidya.2.77) dvidhāraṃ ca patenmūtraṃ snigdhaṃ śabdavivarjitam bhogavān sa tu vijñeyo gavāḍhyo nātra saṃśayaḥ ### [2.77-2](https://indike.org/pramana/in.astro.samudrika.arsa.angavidya.2.77-2) bahudhāre tathā rūkṣe saśabde puruṣādhamaḥ ### [2.78](https://indike.org/pramana/in.astro.samudrika.arsa.angavidya.2.78) ka vasti-śukra-maithunanāṃ lakṣaṇāni pariśuṣkavastiśīrṣairdhanarahitā durbhagāśca vijñeyāḥ kusuma-samagandhaśukrā vijñātavyā mahīpālāḥ ### [2.79](https://indike.org/pramana/in.astro.samudrika.arsa.angavidya.2.79) madhugandhe bahuvittā matsyagandhe bahūnyapatyāni tanuśukraḥ strījanako māṃsagandho mahābhogī ### [2.80](https://indike.org/pramana/in.astro.samudrika.arsa.angavidya.2.80) madirāgandhe yajvā kṣārasagandhe ca retasi daridraḥ śīghraṃ maithunagāmī dīrghāyurato'nyathā'lpāyuḥ ### [2.81](https://indike.org/pramana/in.astro.samudrika.arsa.angavidya.2.81) vistīrṇamāṃsalā snigdhā vastiḥ puṃsāṃ praśasyate nirmāṃsa-karkaśā rūkṣā duḥkha-dāridryadā smṛtā ### [2.82](https://indike.org/pramana/in.astro.samudrika.arsa.angavidya.2.82) gomāyusadṛśā yasya kharoṣṭramahiṣasya ca sa bhaved duḥkhito nityaṃ dhanahīnaśca mānavaḥ ### [2.83](https://indike.org/pramana/in.astro.samudrika.arsa.angavidya.2.83) puṣpagandho bhaved rājā bahusvo madhugandhitaḥ matsyagandhaḥ putravān syāt strīprajastanuretasaḥ ### [2.84](https://indike.org/pramana/in.astro.samudrika.arsa.angavidya.2.84) māṃsagandho mahābhogī yājñiko madirāsamaḥ gandho yeṣāṃ kṣārasamaste niḥsvā manujāḥ smṛtāḥ ### [2.85](https://indike.org/pramana/in.astro.samudrika.arsa.angavidya.2.85) ciramaithunagāmī yaḥ sa hrasvāyurbhavennaraḥ ||84ka sphig-lakṣaṇam niḥsvo'tisthūlasphik samāṃsalasphik sukhānvito bhavati vyāghrānto'dhyardhasphiṅ maṇḍūkavannarādhipatirbhavati ### [2.86](https://indike.org/pramana/in.astro.samudrika.arsa.angavidya.2.86) tathā ca samudraḥ:— pratisthūlau sphicau yasya nirdhanaḥ sa bhavennaraḥ samāṃsalasphik sukhito khaṇḍūkasphiḍ narādhipaḥ ### [2.87](https://indike.org/pramana/in.astro.samudrika.arsa.angavidya.2.87) adhyardhasphiṅ naro yastu vyāghrāntaḥ sa tu kīrtitaḥ ### [2.88](https://indike.org/pramana/in.astro.samudrika.arsa.angavidya.2.88) siṃhakaṭirmanujendraḥ kapikarabhakaṭirdhanaiḥ parityaktaḥ samajaṭharo bhogayuto ghaṭa-piṭharanibhodaro niḥsvaḥ ### [2.89](https://indike.org/pramana/in.astro.samudrika.arsa.angavidya.2.89) tathā ca— siṃhatulyā kaṭiryasya sa narendro na saṃśayaḥ iva-śṛgāla-kharoṣṭraiśca tulyā yasya sa nirdhanaḥ ### [2.60-2](https://indike.org/pramana/in.astro.samudrika.arsa.angavidya.2.60-2) samodarā bhogayutā viṣamā nirdhanāḥ smṛtāḥ ### [2.61-2](https://indike.org/pramana/in.astro.samudrika.arsa.angavidya.2.61-2) pārśva-kukṣi-udaralakṣaṇāni avikalapārśvā dhanino nimnairvakraiśca bhogasantyaktāḥ samakukṣāśca bhogāḍhyā nimnaiśca bhogasantyaktāḥ ### [2.62-2](https://indike.org/pramana/in.astro.samudrika.arsa.angavidya.2.62-2) unnatakukṣāḥ kṣitipāḥ kuṭilāḥ syurmānavāḥ viṣamakukṣāḥ sarbhodarā daridrā bhavanti bahuvāśinaśca ### [2.63-2](https://indike.org/pramana/in.astro.samudrika.arsa.angavidya.2.63-2) unnatakukṣāḥ narā| kṣitipāḥ=rājāno bhavanti | viṣamakukṣāḥ-asamānakukṣayuktāḥ narāḥ kuṭilā| syuḥ=bhaveyuḥ | sarpodarāḥ=sarpavat udarayuktā narāḥ daridrāḥ=lakṣmīrahitāḥ, vahvāśinaśca=adhikabhojanakartāraśca bhavanti tathā ca samudraḥ— pārśvaiḥ samāṃsopacitairdhanino mānavāḥ smṛtāḥ nimnairvakraiśca viṣamairnarā bhogavivarjitāḥ ### [2.64-2](https://indike.org/pramana/in.astro.samudrika.arsa.angavidya.2.64-2) nṛpāśconnatakukṣāḥ syurviṣamābhidurāśayāḥ sarpodarā natā niḥsvāḥ smṛtā vahvāśinastathā ### [2.65-2](https://indike.org/pramana/in.astro.samudrika.arsa.angavidya.2.65-2) parimaṇḍalonnatābhirvistīrṇābhiśca nābhibhiḥ sukhinaḥ svalpā tvadṛśyanimnā nābhiḥ kleśavahā bhavati ### [2.66-2](https://indike.org/pramana/in.astro.samudrika.arsa.angavidya.2.66-2) valimadhyagatā viṣamā śūlabādhaṃ karoti naiḥsvaṃ ca śāṭhyaṃ vāmāvartā karoti medhāṃ pradakṣiṇataḥ ## Linked texts (14) - [Bṛhatsaṃhitā (another edition)](https://indike.org/pramana/in.astro.samhita.rsi.brhatsamhita*alt.16.1.p10) — Sanskrit - [Bṛhatsaṃhitā](https://indike.org/pramana/in.astro.samhita.rsi.brhatsamhita.67.85) — Varāhamihira, Sanskrit - [Bhaviṣyapurāṇa](https://indike.org/pramana/in.purana.bhavisya.3.25.3) — Vyāsa, Sanskrit - [Jyotirnibandha](https://indike.org/pramana/in.niti.dharma.kala.jyotisa.jyotirnibandha.139.5) — Śivarāja, Sanskrit - [Sāmudrika (Garga)](https://indike.org/pramana/in.astro.samudrika.arsa.samudrika.1.7) — Garga, Sanskrit - [Jātakābharaṇa (Rāmacandra)](https://indike.org/pramana/in.astro.hora.nibandha.jatakabharana-works.jatakabharana-ramacandra.49.1) — Rāmacandra 1722, Sanskrit - [Jātakābharaṇa (Ḍhuṇḍhirāja)](https://indike.org/pramana/in.astro.hora.nibandha.jatakabharana-works.jatakabharana-dhundhiraja.46.5-2) — Ḍhuṇḍhirāja 1500, Sanskrit - [Muhūrtamaṇi](https://indike.org/pramana/in.astro.muhurta.kerala.muhurtamani.25.189) — Govinda, Sanskrit - [Muhūrtaratna (Īśvaradāsa)](https://indike.org/pramana/in.astro.muhurta.nibandha.madhya.aryavarta.muhurtaratna.25.189) — Īśvaradāsa 1638, Sanskrit - [Vīramitrodaya](https://indike.org/pramana/in.astro.hora.nibandha.other.viramitrodaya.1.p4.8) — Rāmamiśra, Sanskrit - [Nītikalpataru](https://indike.org/pramana/in.niti.dharma.rajadharma.nitikalpataru.93.149) — Kṣemendra, Sanskrit - [Sāmudrikarahasya](https://indike.org/pramana/in.astro.samudrika.nibandha.samudrikarahasya.1.6) — Kālikāprasāda, Sanskrit - [Indische Sprüche](https://indike.org/pramana/in.lit.subhasita.subhasita.adhunika.indische-spruche.5318) — Otto von Böhtlingk 1863, Sanskrit - [Avayavalakṣaṇaśāstra](https://indike.org/pramana/in.astro.samudrika.arsa.avayavalaksanasastra.1.90) — Samudra, Sanskrit --- Source: [https://indike.org/pramana/in.astro.samudrika.arsa.angavidya.2](https://indike.org/pramana/in.astro.samudrika.arsa.angavidya.2) · Pramāṇa